વૈશ્વિક બજારમાં કિંમતી ધાતુઓની માગમાં આવેલા પ્રચંડ વધારાને કારણે આજે ભારતીય કોમોડિટી માર્કેટમાં ઐતિહાસિક દ્રશ્ય સર્જાયું છે. 29 જાન્યુઆરી 2026ના રોજ ચાંદીએ ઇતિહાસ રચતા પ્રથમવાર ₹4,00,000 ની સપાટી પાર કરી છે. MCX પર ચાંદીનો વાયદો ₹3,99,000 ના ભાવે ખૂલ્યો હતો અને કારોબાર દરમિયાન જોતજોતામાં ₹4,07,456 ના સર્વોચ્ચ સ્તરે પહોંચી ગયો હતો.
પાછલા બંધ ભાવ ₹3,85,366 ની સરખામણીએ ચાંદીમાં આજે કુલ ₹16,634 (+4.32%) નો જંગી ઉછાળો નોંધાયો છે. આ ઉછાળાએ રોકાણકારોમાં ભારે ઉત્સાહ જગાવ્યો છે અને બજારમાં ચાંદી ફરી એકવાર આકર્ષણનું કેન્દ્ર બની છે.
બીજી તરફ, સોનાના ભાવમાં પણ ચોંકાવનારી તેજી જોવા મળી છે. MCX પર સોનું પ્રતિ 10 ગ્રામ ₹1,82,467 ના ભાવે ખુલ્યું હતું અને કારોબાર દરમિયાન ₹1,93,096 ના ઓલ-ટાઈમ હાઈ લેવલ સુધી પહોંચી ગયું હતું. અગાઉના બંધ ભાવ ₹1,77,153 સામે સોનામાં કુલ ₹15,943 (+8.95%) નો વધારો નોંધાયો છે. હાલમાં સોનું લગભગ ₹1,93,000 ની આસપાસ ટ્રેડ થઈ રહ્યું છે.
બજારના નિષ્ણાતોના મતે, આ ભારે તેજી પાછળ અનેક વૈશ્વિક અને સ્થાનિક પરિબળો જવાબદાર છે. વિશ્વભરમાં યુદ્ધના ભણકારા, ભૂ-રાજકીય અનિશ્ચિતતા અને ડૉલરની વધતી વેલ્યૂને કારણે રોકાણકારો સેફ એસેટ્સ તરફ વળી રહ્યા છે. પરિણામે, સોનું અને ચાંદી ફરી એકવાર સુરક્ષિત રોકાણ તરીકે લોકોની પ્રથમ પસંદ બની રહ્યા છે.
અમારી યુટ્યુબ ચેનલને લાઈક કરો, શેર કરો અને સબ્સ્ક્રાઇબ કરો
Like, Share and Subscribe our YouTube channel
