Skip to content
સોમવાર, નવેમ્બર 23, 2026 Ahmedabad 22°C

કરમસદ-આણંદ ફાયર એન્ડ ઇમરજન્સી ટીમની સમયસૂચક કામગીરીથી મોટી દુર્ઘટના ટળી

કરમસદ-આણંદ ફાયર એન્ડ ઇમરજન્સી ટીમની સમયસૂચક કામગીરીથી મોટી દુર્ઘટના ટળી

આણંદ : કરમસદ-આણંદ ફાયર એન્ડ ઇમરજન્સી સર્વિસીસની ત્વરિત અને સચોટ કામગીરીને કારણે નેશનલ હાઈવે-૪૮ પર સર્જાઈ શકતી મોટી દુર્ઘટના ટળી હતી. ઝાયલિન જેવા અત્યંત જ્વલનશીલ કેમિકલ ભરેલું ટેન્કર પલટી જતાં આગ અને વિસ્ફોટનો ગંભીર ખતરો ઉભો થયો હતો, પરંતુ ફાયર ટીમની સમયસૂચક કામગીરીથી જાન-માલનું નુકસાન અટકાવી શકાયું હતું.

તા. ૦૩/૦૧/૨૦૨૬, શનિવારે વહેલી સવારે ૬:૪૦ કલાકે નેશનલ હાઈવે-૪૮ પર એકતા હોટલ નજીક, ગામડી રેલ્વે બ્રિજ નીચેના સર્વિસ રોડ પર ઝાયલિન કેમિકલ ભરેલું ટેન્કર અચાનક પલટી ગયું હતું. ટેન્કરમાંથી કેમિકલ લીકેજ શરૂ થતાં જ આગ લાગવાની સંભાવના વધતા ફાયર વિભાગને તાત્કાલિક જાણ કરવામાં આવી હતી.

માહિતી મળતાની સાથે જ ફાયર ઓફિસર ધર્મેશ ગોરની આગેવાની હેઠળ ચાર ફાયર ફાઈટર સહિતનો સ્ટાફ ઘટનાસ્થળે પહોંચી ગયો હતો. ઘટનાની ગંભીરતા જોતા ફાયર ટીમ દ્વારા ટેન્કર પર AFFF ફોમ કેમિકલનો છંટકાવ કરી સતત કુલિંગ કરવામાં આવ્યું હતું, જેથી આગ લાગવાની શક્યતા સંપૂર્ણપણે અટકાવી શકાય.

ઘટનાસ્થળની નજીકમાં પ્લાસ્ટિકનું ગોડાઉન આવેલું હોવાથી ફાયર વિભાગે વિશેષ સાવચેતીના પગલાં લીધા હતા. સ્ટાફને સ્ટેન્ડબાય રાખી બે હાઈડ્રા મશીનની મદદથી ટેન્કરને સુરક્ષિત રીતે ફરીથી સીધું કરવામાં આવ્યું હતું. સમગ્ર ઓપરેશન દરમિયાન વિસ્તારની સુરક્ષા સુનિશ્ચિત રાખવામાં આવી હતી.

આ સફળ બચાવ કામગીરીમાં સબ ફાયર ઓફિસર હિંમત ભુરીયા, લીડિંગ ફાયરમેન પ્રદીપ પરમાર, ભાવેશભાઈ વરૂ, ડ્રાઈવર અવિનાશ પરમાર, હર્ષિલ પટેલ, રવિભાઈ સાબલિયા, દિનેશ જાદવ, સુરેશભાઈ માછી તેમજ ફાયરમેન મહેન્દ્રસિંહ રાઠોડ, યુવરાજસિંહ રાઠોડ, મુકેશ પરમાર, અજયભાઈ પરમાર અને રાવજીભાઈ ભોઈ સહિતના સ્ટાફે ખડેપગે રહીને પ્રશંસનીય કામગીરી કરી હતી.

ફાયર એન્ડ ઇમરજન્સી ટીમની સમયસૂચકતા અને કાર્યક્ષમતાને કારણે કોઈ જાનહાનિ થઈ નથી, જે સમગ્ર ટીમની સતર્કતા અને વ્યવસાયિક કુશળતાનો ઉત્તમ ઉદાહરણ છે.

 

ભાવેશ સોની (આણંદ)

 

અમારી યુટ્યુબ ચેનલને લાઈક, શેર અને સબસ્ક્રાઈબ કરશો

हमारी यूट्यूब चैनल को लाइक, शेयर और सब्सक्राइब करे

Like, Share and Subscribe our YouTube channel

🔗 https://www.youtube.com/@oneindianewscom-Gujarat

🔗 https://www.youtube.com/@oneindianewscom

Filed under Anand Gujarat

Share this story

Latest News

View all
All latest news

Explore Districts

News from every corner of Gujarat.