ભારતના ચીફ ઓફ ડિફેન્સ સ્ટાફ (CDS) જનરલ અનિલ ચૌહાણે તાજેતરમાં એક મહત્વપૂર્ણ સંદેશ આપ્યો છે, જેમાં તેમણે ચીન અને પાકિસ્તાન જેવા પડોશી દેશોને સ્પષ્ટ ચેતવણી આપી છે કે ભારત શાંતિપ્રિય દેશ છે, પરંતુ તેની શાંતિપ્રિયતા કોઈપણ પરિસ્થિતિમાં તેની નબળાઈ તરીકે ન જોવી જોઈએ. જનરલ ચૌહાણે કહ્યું કે શક્તિ વિના શાંતિ માત્ર એક કલ્પના છે, કારણ કે વિશ્વ ઈતિહાસ સાબિત કરે છે કે શક્તિ ધરાવતું રાષ્ટ્ર જ લાંબા સમય સુધી શાંતિ જાળવી શકે છે. તેમણે પ્રાચીન લેટિન કહેવતનો ઉલ્લેખ કરતાં કહ્યું કે – “જો તમારે શાંતિ જાળવવી હોય, તો યુદ્ધ માટે હંમેશા તૈયાર રહો.” આ સંદેશ માત્ર ભારતના સૈન્યના આત્મવિશ્વાસને દર્શાવે છે નહિ, પણ પાડોશી દેશોને ભારતની વ્યૂહાત્મક તૈયારી અંગે ચેતવણી પણ આપે છે.
#WATCH | "India has always stood on the side of peace. We are a peace-loving nation, but don't get mistaken, we cannot be pacifists. I think peace without power is utopian. I like to state a Latin quote which translates, 'if you want peace, prepare for war'…" says CDS General… pic.twitter.com/auyHR1fgWw
— ANI (@ANI) August 26, 2025
ઓપરેશન સિંદૂર અંગે CDS ચૌહાણે કહ્યું કે તે ભારત માટે એક આધુનિક સંઘર્ષ રહ્યો, જેમાંથી અનેક વ્યૂહાત્મક પાઠ શીખવા મળ્યા છે. આ ઓપરેશન દ્વારા ભારતીય સશસ્ત્ર દળોએ નવી ટેકનોલોજી, સંકલન અને યુદ્ધની વ્યૂહરચના અંગે અમૂલ્ય અનુભવ મેળવ્યો છે. ઘણાં ક્ષેત્રોમાં સુધારા થઈ ચૂક્યા છે, જ્યારે કેટલાક પર કામ ચાલુ છે. જોકે, તેમણે સ્પષ્ટ કર્યું કે આ સેમિનારનો હેતુ ફક્ત ઓપરેશન સિંદૂરની ચર્ચા કરવાનો નથી, પરંતુ તેનો ઉપયોગ કરીને ભવિષ્ય માટેની સુરક્ષા વ્યૂહરચના તૈયાર કરવાનો છે.
#WATCH | Mhow, MP: At the Ran Samvad, CDS General Anil Chauhan says, "Operation Sindoor was a modern conflict from which we learned a number of lessons, and most of them are under implementation, some have been implemented. The operation is still on. We are not here to discuss… pic.twitter.com/kz56x90HUj
— ANI (@ANI) August 26, 2025
આ સાથે જ જનરલ ચૌહાણે ભારતની નવી સંરક્ષણ પ્રણાલી સુદર્શન ચક્ર અંગે પણ મહત્વપૂર્ણ વિગતો આપી. વડાપ્રધાન નરેન્દ્ર મોદીએ 15 ઓગસ્ટે તેના વિકાસ અંગે ઉલ્લેખ કર્યો હતો અને 2035 સુધી આ સિસ્ટમ પૂરી રીતે તૈયાર થઈ જશે તેવી આશા વ્યક્ત કરી હતી. CDS ચૌહાણે કહ્યું કે આ પ્રણાલી માત્ર લશ્કરી ઠેકાણાં જ નહિ, પરંતુ મહત્વપૂર્ણ નાગરિક અને રાષ્ટ્રીય ઇન્ફ્રાસ્ટ્રક્ચર – જેમ કે પરમાણુ સંસ્થાઓ, સંચાર કેન્દ્રો અને મહત્ત્વપૂર્ણ શહેરોને પણ સુરક્ષિત રાખશે. તેમણે જણાવ્યું કે સુદર્શન ચક્ર ભારતની રક્ષણ વ્યૂહરચનામાં એક નવી દિશા નિર્ધારિત કરશે અને ભવિષ્યના સુરક્ષા પડકારોને પહોંચી વળવા માટે દેશને સક્ષમ બનાવશે.
#WATCH | Mhow, MP: At the Ran Samvad, CDS General Anil Chauhan says, "Second aspect which I think we could discuss in this seminar is about Sudarshan Chakra, India's own Iron Dome or Golden Dome. The Prime Minister had made a mention of this on 15th August when he spoke about the… pic.twitter.com/tqlPkQXxH0
— ANI (@ANI) August 26, 2025
આ રીતે, CDSના સંદેશે સ્પષ્ટ કરી દીધું છે કે ભારત શાંતિ માટે પ્રતિબદ્ધ છે, પરંતુ શાંતિ જાળવવા માટે મજબૂત સૈન્ય શક્તિ, આધુનિક ટેકનોલોજી અને વ્યૂહાત્મક તૈયારી અનિવાર્ય છે. આ નિવેદન દ્વારા ભારતે વિશ્વને બતાવી દીધું છે કે તે માત્ર શાંતિ જ નહીં, પરંતુ સુરક્ષા અને સ્વાભિમાનની રક્ષા માટે હંમેશા તૈયાર છે.
#WATCH | Madhya Pradesh: CDS General Anil Chauhan addresses Ran Samvad, the first Tri Services Seminar at Army War College, Mhow.
He says, "As a Viksit Bharat, we also need to be 'Shashastra', 'Suraksit' and 'Aatmanirbhar'. Not only in technology, but also in ideas and in… pic.twitter.com/YWslI1ivjN
— ANI (@ANI) August 26, 2025
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
