ભારત સરકાર દ્વારા પાકિસ્તાની વિમાનો માટે ભારતીય હવાઈ ક્ષેત્રમાં પ્રવેશ પર લગાવવામાં આવેલા પ્રતિબંધને વધુ એક વખત લંબાવવામાં આવ્યો છે. નાગરિક ઉડ્ડયન રાજ્યમંત્રી મુરલીધર મોહોલે સોશિયલ મીડિયા પ્લેટફોર્મ X (પૂર્વે Twitter) પર પોસ્ટ કરીને માહિતી આપી કે આ પ્રતિબંધ હવે સત્તાવાર રીતે 23 ઓગસ્ટ 2025 સુધી અમલમાં રહેશે. આ સંબંધમાં નોટિસ ટૂ એરમેન (NOTAM) પણ જારી કરવામાં આવી છે.
પહલગામમાં થયેલા આતંકી હુમલા અને તે બાદ ભારતીય સેનાના ‘ઓપરેશન સિંદૂર’ અંતર્ગત પાકિસ્તાન અને પાક ઓક્યુપાઈડ કશ્મીર (POK)માં આવેલી આતંકી ઠેકાણાઓ પર તબીય દબાણ કર્યા બાદ બંને દેશો વચ્ચે તણાવના સમાચાર વધ્યા છે. આવા સંજોગોમાં ભારતે પોતાની સુરક્ષાને પ્રાથમિકતા આપતાં આ પ્રતિબંધ લાદ્યો છે.
આ નિર્ણય માત્ર આતંકવાદી પ્રવૃત્તિઓના પગલે લેવાયો નથી, પરંતુ તે પાકિસ્તાન દ્વારા ભારતીય વિમાનો માટે પોતાના એર સ્પેસ પર મૂકાયેલા પ્રતિબંધના જવાબરૂપે પણ છે. ગયા સપ્તાહે પાકિસ્તાની એરપોર્ટ ઓથોરિટીએ જાહેરાત કરી હતી કે તે 23 ઓગસ્ટ સુધી ભારતની એરલાઇન્સ માટે પોતાનું હવાઈ ક્ષેત્ર બંધ રાખશે. બંને દેશો વચ્ચે આ વિમાનયાત્રા સંબંધિત મર્યાદાઓને હવે રાજકીય અને રક્ષણાત્મક દૃષ્ટિકોણથી પણ જોવામાં આવી રહી છે.
ભારતીય વાયુસેનાએ પણ તાજેતરમાં 23 થી 25 જુલાઈ દરમિયાન રાજસ્થાનના સરહદી વિસ્તારોમાં હવાઈ અભ્યાસ માટે NOTAM જાહેર કરી છે, જે તે વિસ્તારની સેનાની સજાગતા અને પ્રસ્તાવિત ખતરા સામેની તૈયારીઓને છે.
જાહેર નોંધનીય છે કે ભારતે પહેલીવાર 2019માં પુલવામા હુમલા બાદ પાકિસ્તાની વિમાનો માટે પોતાની હવાઈ સપાટી બંધ કરી હતી. ત્યારથી સમયાંતરે આ પ્રતિબંધ લંબાવતો રહ્યો છે. આ પ્રતિબંધ ખાસ કરીને પાકિસ્તાનની આંતરરાષ્ટ્રીય એરલાઇન સેવાઓ માટે તકલીફદાયક સાબિત થયો છે. વિમાનોને લાંબા વૈકલ્પિક રૂટ્સ અપનાવવાને કારણે તેમના ઈંધણ ખર્ચમાં વધારો થયો છે, જેને કારણે નાણાકીય રીતે પણ નુકસાન સહન કરવું પડ્યું છે.
વિશ્લેષકોના જણાવ્યા મુજબ, આવો પ્રતિબંધ માત્ર એક રક્ષણાત્મક પગલું નથી, પણ ભારતનો સ્પષ્ટ સંદેશ છે કે દેશની સુરક્ષા સાથે કોઈ પ્રકારની છૂટછાટ નહીં અપાઈ અને આતંકવાદી પ્રવૃત્તિઓને પ્રોત્સાહન આપતા કોઈ પણ તત્વ સામે સખત રવૈયો અપનાવવામાં આવશે.
