મણિપુરમાં લાંબા સમયથી ચાલી રહેલી હિંસાની વચ્ચે હવે એક મોટી રાહતના સમાચાર બહાર આવ્યા છે. કુકી-ઝો કાઉન્સિલે મુસાફરો અને માલસામાનની અવરજવર માટે રાષ્ટ્રીય ધોરીમાર્ગ-2 (NH-02) ફરીથી ખોલવાનો નિર્ણય કર્યો છે. આ મહત્વપૂર્ણ નિર્ણય ગૃહ મંત્રાલય અને કુકી-ઝો કાઉન્સિલ વચ્ચે થયેલી ચર્ચા બાદ આવ્યો છે. આ પગલાને કારણે મણિપુરમાં શાંતિ અને સ્થિરતા લાવવાની દિશામાં નવો માર્ગ મોકળો થયો છે. કાઉન્સિલે સુરક્ષાદળો સાથે મળીને કાયદો અને વ્યવસ્થા જાળવવાનું વચન આપ્યું છે, જે સ્થાનિક લોકોમાં વિશ્વાસ જમાવવાનો પ્રયાસ છે.
In a significant decision, the Kuki-Zo Council has decided today to open the National Highway-02 for the free movement of commuters and essential goods. The decision came after a series of meetings between officials of Ministry of Home Affairs (MHA) and a delegation of KZC in the… pic.twitter.com/kzXrAnpj8n
— ANI (@ANI) September 4, 2025
રાષ્ટ્રીય ધોરીમાર્ગ-2 મણિપુરને નાગાલેન્ડ સહિત પૂર્વોત્તરના અનેક રાજ્યો સાથે જોડે છે. મે 2023માં મણિપુરમાં ભડકેલી વંશીય હિંસાને કારણે આ ધોરીમાર્ગ બંધ થઈ ગયો હતો. તે પછીથી રાજ્યના ઘણા વિસ્તારોમાં ખોરાક, દવાઓ અને જરૂરી ચીજવસ્તુઓની ભારે અછત સર્જાઈ હતી. હિંસામાં અત્યાર સુધી 258 લોકોના જીવ ગયા છે, જ્યારે 1000થી વધુ લોકો ઘાયલ થયા છે. હજારો પરિવારોને પોતાના ઘર છોડીને રાહત શિબિરોમાં આશરો લેવો પડ્યો છે. હવે હાઇવે ખૂલવાથી આ શિબિરોમાં રહેલા લોકો સુધી જીવનજરૂરિયાતની ચીજવસ્તુઓ પહોંચાડવી સરળ બનશે અને તેમની મુશ્કેલીઓમાં ઘટાડો થશે.
In a significant decision, the Kuki-Zo Council has decided today to open the National Highway-02 for the free movement of commuters and essential goods. The decision came after a series of meetings between officials of Ministry of Home Affairs (MHA) and a delegation of KZC in the… pic.twitter.com/PlXE94lRJB
— ANI (@ANI) September 4, 2025
આ સાથે જ, પીએમ નરેન્દ્ર મોદીની 13 સપ્ટેમ્બર 2025ના રોજ મણિપુર મુલાકાતની શક્યતા વ્યક્ત કરવામાં આવી છે. વડાપ્રધાનની આ મુલાકાત રાજ્યમાં શાંતિ પ્રક્રિયાને નવી દિશા આપી શકે છે. ગૃહ મંત્રાલયે પણ આ પગલાને એક ઐતિહાસિક પહેલ ગણાવી છે, જે મણિપુરના ભવિષ્યમાં શાંતિ અને સૌહાર્દ સ્થાપિત કરવા માટે માર્ગદર્શક સાબિત થઈ શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
