ભારત અને યુરોપિયન યુનિયન (EU) વચ્ચે લાંબા સમયથી ચાલી રહેલા મુક્ત વેપાર કરાર (FTA) પરની વાટાઘાટો હવે મહત્વના તબક્કે પહોંચી છે. આ અઠવાડિયામાં નવી દિલ્હીમાં વાટાઘાટોના 13મા રાઉન્ડની શરૂઆત થઈ રહી છે, જેમાં બૌદ્ધિક સંપત્તિ અધિકારો, કસ્ટમ્સ, ડિજિટલ વેપાર અને ટકાઉ વિકાસ જેવા અગત્યના મુદ્દાઓ પર ચર્ચા થવાની છે. આ વાટાઘાટોમાં ભાગ લેવા માટે યુરોપિયન કમિશનના કૃષિ કમિશનર ક્રિસ્ટોફ હેન્સન અને વેપાર વડા મારોસ સેફ્કોવિચ ભારતની મુલાકાતે આવી રહ્યા છે. બંને પક્ષો આ વર્ષના અંત સુધીમાં FTAને આખરી સ્વરૂપ આપવા માગે છે, જેથી ભારત અને EU વચ્ચેના આર્થિક સંબંધોને નવી ઊંચાઈ મળે.
ગયા વર્ષ જુલાઈ 2025માં યોજાયેલા 12મા તબક્કાની વાટાઘાટોમાં ડિજિટલ વેપાર અધ્યાય પર સિદ્ધાંતરૂપે સંમતિ થઈ હતી. હવે નવા રાઉન્ડમાં બિન-ટેરિફ અવરોધો, તકનીકી અવરોધો, બજાર પ્રવેશ, જાહેર ખરીદી, સેવા ક્ષેત્ર અને રોકાણના મુદ્દાઓને પ્રાથમિકતા આપવામાં આવી રહી છે. ખાસ કરીને ભારત માટે આ વાટાઘાટો વ્યાપક છે, કારણ કે અમેરિકા દ્વારા તાજેતરમાં ટેરિફ વધારાની અસરને ધ્યાનમાં રાખીને ભારત પોતાના જળચર ઉત્પાદનો, ખાસ કરીને ઝીંગાની નિકાસ પર વધુ ધ્યાન કેન્દ્રિત કરી રહ્યું છે.
4 સપ્ટેમ્બરના રોજ વડા પ્રધાન નરેન્દ્ર મોદી અને EU નેતાઓ વચ્ચે થયેલી ટેલિફોનિક ચર્ચામાં પણ આ મુદ્દાને મહત્વ આપવામાં આવ્યું હતું. આ અઠવાડિયે EUના બે વરિષ્ઠ કમિશનરોની મુલાકાતથી વાટાઘાટોને ઝડપ મળશે એવી અપેક્ષા છે. આગળના તબક્કા હેઠળ, 14મી વાટાઘાટ 10 ઑક્ટોબરથી બ્રસલ્સમાં યોજાશે.
આર્થિક આંકડાઓ દર્શાવે છે કે ભારત અને EU વચ્ચેના વેપાર સંબંધોમાં સતત વૃદ્ધિ થઈ રહી છે. 2023-24માં બંને વચ્ચેનો દ્વિપક્ષીય વેપાર \$137.41 અબજ સુધી પહોંચી ગયો, જેમાંથી માત્ર ભારતનો નિકાસ \$75.92 અબજ રહ્યો છે. આથી સ્પષ્ટ થાય છે કે EU ભારત માટે એક મહત્વપૂર્ણ વેપાર ભાગીદાર છે અને આગામી FTA બંને પક્ષો માટે વેપાર અને રોકાણના ક્ષેત્રમાં નવા અવસર ખોલી શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
