ઈરાન અને ઈઝરાયલ વચ્ચે ચાલી રહેલા યુદ્ધના ગંભીર પરિપ્રેક્ષ્યમાં ભારતે પોતાના નાગરિકોની સુરક્ષા માટે એક ઝડપી અને વ્યૂહાત્મક પગલું લીધું છે – ઓપરેશન સિંધુ. આ ઓપરેશન અંતર્ગત ભારતે અત્યાર સુધીમાં ઈરાનમાંથી કુલ 1713 ભારતીય નાગરિકોને સુરક્ષિત રીતે બહાર કાઢ્યા છે. ભારતીય નાગરિકોને સ્વદેશ પરત લાવવાનો આ અભૂતપૂર્વ પ્રયાસ પ્રધાનમંત્રી નરેન્દ્ર મોદીની સરકારના “પ્રથમતા નાગરિકની સુરક્ષા”ના સંકેતરૂપ છે. 22મી જૂન, રવિવારે મશહદ શહેરથી એક વિશેષ વિમાનમાં 285 નાગરિકોએ નવી દિલ્હી પરત ફેરો કર્યો હતો. આથી પૂર્વે 21મી જૂને 600, 20મી જૂને 407, 19મી જૂને 110 અને ત્યારપછી 311 નાગરિકોને પણ સફળતાપૂર્વક પાછા લાવવામાં આવ્યા છે. વિદેશ રાજ્યમંત્રી પાબિત્રા માર્ગેરિટાએ જણાવ્યું કે, આ નવી રજૂઆત દરમિયાન પાછા લાવવામાં આવેલા નાગરિકો મુખ્યત્વે બિહાર, ઉત્તર પ્રદેશ, રાજસ્થાન, દિલ્હી, ગુજરાત, મહારાષ્ટ્ર અને જમ્મુ-કાશ્મીરના હતા. આગામી બે દિવસમાં આવી વધુ 2-3 ફ્લાઈટ્સનું આયોજન પણ કરાયું છે.
#WATCH | #OperationSindhu | Delhi | MoS Pabitra Margherita says, "The special evacuation flight has arrived in New Delhi…carrying 285 Indian nationals from Iran… In that plane, we had 285 Indian nationals, mainly from 10 states, Bihar, Jammu Kashmir, Delhi, Uttar Pradesh,… https://t.co/ikEcg4b0n4 pic.twitter.com/mTJaZXgyKs
— ANI (@ANI) June 22, 2025
આ ઓપરેશન હેઠળ પરત આવેલા નાગરિકોએ પણ ભારત સરકારના વ્યવસ્થાપન અને દૂતાવાસના સહયોગની ખુબ પ્રશંસા કરી છે. મશહદથી પરત ફરેલી શમા ફિરોઝે જણાવ્યું કે, “હું ભારત સરકાર અને દૂતાવાસનો દિલથી આભાર માનું છું. એ લોકો સતત સંપર્કમાં રહ્યા અને આપણા માટે ઈરાનમાં રહેવા, ખાવા અને પાછા ફરવા માટે ખૂબ જ સારી વ્યવસ્થા કરી. જય હિંદ, જય ભારત!” જ્યારે મુંબઈના તીર્થયાત્રિક અને તાજેતરમાં પરત આવેલા સૈયદ શહઝાદ અલી જાફરીએ કહ્યું, “હું છેલ્લા ત્રણ વર્ષથી ઈરાનમાં રહીને કામ કરતો હતો. ત્યારે આ યુદ્ધના ભયજનક સમયે ભારત સરકારે જે રીતે અમને ટેકો આપ્યો, હિંમત આપી અને સુરક્ષિત પરત લાવ્યા તે માટે હું ખૂબ આભારી છું.”
#WATCH | Delhi | An Indian national evacuated from Iran as part of Operation Sindhu, Shama Firoz says, "… I feel very proud. The Indian government and the Embassy made very good arrangements for us…" pic.twitter.com/PsTMNGseNA
— ANI (@ANI) June 22, 2025
ઓપરેશન સિંધુ શું છે? – આ એક સ્ટ્રેટેજિક રેસ્ક્યૂ મિશન છે જે ભારત સરકારે શરૂ કર્યું છે જેથી ઈરાન અને ઈઝરાયલ જેવા સંવેદનશીલ વિસ્તારોમાં ફસાયેલા ભારતીય નાગરિકોને સમયસર અને સુરક્ષિત રીતે બહાર લાવી શકાય. ખાસ કરીને જ્યારે બંને દેશો યુદ્ધના ભયંકર તણાવમાં હોય, ત્યારે આવી કાર્યવાહી જીવનરક્ષી બની જાય છે. નોંધનીય છે કે ઈઝરાયલમાં આજે પણ આશરે 40,000 ભારતીય નાગરિકો વસે છે જેમાં કેરગિવર્સ, શ્રમિકો અને વિદ્યાર્થીઓનો સમાવેશ થાય છે. સરકારે સ્પષ્ટ કર્યો છે કે ઈઝરાયલ અને ઈરાનમાં વસતા તમામ ભારતીયો સાથે સતત સંપર્કમાં રહેવામાં આવી રહ્યું છે અને સ્થિતિ મુજબ યોગ્ય પગલાં લેવામાં આવશે.
આ સમગ્ર ઓપરેશન ભારતની કુટનીતિ, માનવતા અને વ્યવસ્થાપનક્ષમતાની જીવંત ભલામણ છે, જેનાથી માત્ર દેશના નાગરિકો નહીં પરંતુ આંતરરાષ્ટ્રીય સમુદાય પણ ભારતની કામગીરીનું વખાણ કરી રહ્યો છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
