‘આતંકીઓને માટીમાં ભેળવી દઈશું..’, બિહારની ધરતી પરથી PM મોદીનો પેગામ

આતંકવાદીઓને કલ્પના કરતાં પણ મોટી સજા

મિત્રો, આ આતંકવાદી હુમલામાં કોઈએ પોતાનો પુત્ર ગુમાવ્યો, કોઈએ પોતાનો ભાઈ ગુમાવ્યો તો કોઈએ પોતાનો જીવનસાથી ગુમાવ્યો છે. તેમાંના કેટલાક બંગાળી બોલતા હતા, કેટલાક કન્નડ બોલતા હતા, કેટલાક મરાઠી બોલતા હતા, કોઈ ઉડિયા હતું, કોઈ ગુજરાતનું હતું તો કોઈ બિહારના લાલ હતા. પીએમએ કહ્યું કે પ્રવાસીઓની હત્યા કરનારા આતંકવાદીઓને તેમની કલ્પના કરતા પણ મોટી સજા આપવામાં આવશે. પીએમએ કહ્યું કે હું બિહારની ધરતી પરથી આખી દુનિયાને કહેવા માંગુ છું કે આવા હુમલાઓથી દેશનું મનોબળ તોડી શકાતું નથી. આતંકવાદી હુમલા પછી, હવે ન્યાય અપાવવા માટે ભારત બધું જ કરશે.

અમે આતંકવાદીઓને માટીમાં ભેળવી દઈશું – પ્રધાનમંત્રી

આતંકવાદીઓ પર પોતાના અંદાજમાં પ્રહાર કરતા પીએમ મોદીએ કહ્યું કે જેમણે આ હુમલો કર્યો છે એ આતંકવાદીઓ અને આ હુમલાનું કાવતરું ઘડનારાઓને તેમની કલ્પના કરતાં પણ મોટી સજા મળશે. આ સજા મળીને રહેશે. હવે આતંકવાદીઓની બચેલી જમીનને પણ માટીમાં ભેળવી દેવાનો સમય આવી ગયો છે. પીએમએ કહ્યું કે બિહારની ધરતી પરથી હું આખી દુનિયાને કહું છું કે ભારત બધા આતંકવાદીઓની ઓળખ કરીને તેમને સજા આપશે. ભારતની તાકાતને આતંકવાદ તોડી શકશે નહીં. અમે આ મામલે ન્યાય માટે દરેક કામ કરીશું. જે લોકો માનવતામાં વિશ્વાસ કરે છે તેઓ અમારી સાથે છે.