મહેસાણાની દૂધસાગર ડેરીએ તેની 65મી સાધારણ સભા દરમિયાન પશુપાલકો માટે અનેક મહત્વપૂર્ણ અને કલ્યાણકારી જાહેરાતો કરીને આર્થિક રાહતનો મહામાર્ગ ખોલ્યો છે. ડેરીના ચેરમેન અશોક ચૌધરીએ જાહેરાત કરી કે ડેરી પશુપાલકોને રૂ. 437 કરોડનો ભાવ ફેર વધારો આપશે, જે દૂધના ઉત્પાદન માટે તેમને વધુ સારું વળતર આપશે અને તેમની આવકમાં નોંધપાત્ર વધારો લાવશે. આ નિર્ણયથી પશુપાલકોની આર્થિક સ્થિતિ મજબૂત બનશે અને તેઓ દૂધ ઉત્પાદન માટે વધુ ઉત્સાહિત થશે.
ડેરીએ 10% ડિવિડન્ડની જાહેરાત પણ કરી છે, જે તેની નફાકારકતાના લાભોને સીધા પશુપાલકો સુધી પહોંચાડે છે. સાથે જ પશુપાલન સંબંધિત સહાય યોજનામાં પણ વધારો કરવામાં આવ્યો છે. પશુઓ માટે અપાતી ઘોડી અને કુલિંગ ફુવારા જેવી જરૂરી સુવિધાઓ માટેની સહાય અગાઉ 30% હતી, જે હવે 40% સુધી વધારવામાં આવી છે. આ સહાય પશુપાલકોને આધુનિક ટેક્નોલોજી અને આરામદાયક માહોલથી પશુપાલન કાર્ય વધુ સુદૃઢ બનાવવામાં મદદરૂપ થશે.
સુરક્ષા અંગે વધુ એક મહત્વપૂર્ણ પગલાં તરીકે, ડેરીએ પશુપાલકો માટેના અપઘાત વીમાની રકમ બમણી કરીને ₹2 લાખમાંથી ₹4 લાખ કરી દીધી છે. આ નિર્ણયથી અકસ્માત સમયે પશુપાલકના પરિવારને વધુ સારી આર્થિક સહાય મળી શકે છે, જે સમગ્ર સમુદાય માટે એક સુરક્ષા કવચ સમાન છે.
આ સર્વાંગી વિકાસલક્ષી પગલાઓને લઈ પશુપાલકોમાં ખુબજ આનંદ અને ઉત્સાહ જોવા મળ્યો છે. દૂધસાગર ડેરીના આ પગલાં માત્ર દૂધ ઉત્પાદનને વધારશે નહીં, પણ પશુપાલકોના જીવનસ્તરને પણ નવી ઊંચાઈ પર લઈ જશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
