ડિસેમ્બર મહિનો શરૂ થતાં જ ક્રિસમસ અને નવા વર્ષની રજાઓને કારણે દેશભરમાં પ્રવાસ અને ધાર્મિક યાત્રાનો ધસારો વધ્યો છે. ખાસ કરીને કાશી વિશ્વનાથ મંદિરમાં બાબા વિશ્વનાથના દર્શન માટે દેશના ખૂણે-ખૂણેથી ભક્તો મોટી સંખ્યામાં આવી રહ્યા છે. હાલ પરિસ્થિતિ એવી છે કે દરરોજ બે લાખથી વધુ ભક્તો મંદિર પહોંચે છે, જ્યારે 31 ડિસેમ્બર અને 1 જાન્યુઆરીના રોજ આ સંખ્યા છ લાખ સુધી પહોંચવાની સંભાવના વ્યક્ત કરવામાં આવી છે. આ ભારે ભીડને નિયંત્રિત કરવા માટે મંદિર પ્રશાસને ભક્તોને ઝિગ-ઝેગ લાઇન સિસ્ટમ મારફતે મંદિર પરિસરમાં દિશામાન કરવાનો નિર્ણય લીધો છે, જેથી વ્યવસ્થા જળવાઈ રહે અને સુરક્ષાની કોઈ ખોટ ન પડે.
#WATCH | Varanasi, Uttar Pradesh: On the suspension of VIP darshan at the temple in view of the New Year, CEO of Kashi Vishwanath Mandir, Vishwa Bhushan Mishra says, "…On December 24, 2025, the temple trust decided that it would not be possible to provide any special… pic.twitter.com/oXTjJD8Z78
— ANI (@ANI) December 26, 2025
ભક્તોની સુરક્ષા અને ભીડ નિયંત્રણને ધ્યાનમાં રાખીને કાશી વિશ્વનાથ મંદિર પ્રશાસને સ્પર્શ દર્શન અને VIP દર્શન હાલ પૂરતું બંધ કરવાનો નિર્ણય લીધો છે. મંદિરના CEO વિશ્વ ભૂષણ મિશ્રાએ જણાવ્યું કે 24 ડિસેમ્બર, 2025ના રોજ મંદિર ટ્રસ્ટની બેઠકમાં નક્કી કરવામાં આવ્યું હતું કે આ સમયગાળા દરમિયાન કોઈ ખાસ સુવિધા, પ્રોટોકોલ અથવા વિશેષ પ્રવેશ આપવો શક્ય નહીં હોય. ભીડ ખૂબ વધી જતાં વ્યવસ્થાપન મુશ્કેલ બને છે, તેથી હાલ તમામ પ્રકારની વિશેષ સુવિધાઓ સ્થગિત રાખવામાં આવી છે. તેમણે સ્પષ્ટ કર્યું કે ભક્તો માટે માત્ર નિયમિત “ઝાંખી દર્શન” જ ઉપલબ્ધ રહેશે.
વિશ્વ ભૂષણ મિશ્રાએ વધુમાં જણાવ્યું કે ભીડ ઓછી થતાં અને પરિસ્થિતિ સામાન્ય બન્યા પછી જ ફરીથી વિશેષ દર્શન સુવિધાઓ અંગે વિચારણા કરવામાં આવશે. હાલ ભક્તોને અપીલ કરવામાં આવી છે કે તેઓ ધીરજ રાખીને નિયમિત દર્શન કરે અને મંદિર પ્રશાસન દ્વારા આપવામાં આવેલી માર્ગદર્શિકાનું પાલન કરે. મંદિર પ્રશાસનનું મુખ્ય ધ્યાન ભક્તોની સુરક્ષા, સુવ્યવસ્થા અને શાંતિપૂર્ણ દર્શન પર કેન્દ્રિત છે, જેથી નવા વર્ષની શરૂઆત શ્રદ્ધા અને શાંતિના માહોલમાં થઈ શકે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
