નવરાત્રિના પાવન અવસર પર મોદી સરકારે મહિલાઓને એક મહત્વપૂર્ણ ભેટ આપી છે. કેન્દ્ર સરકારે જાહેરાત કરી છે કે ઉજ્જવલા યોજના હેઠળ હવે વધુ 25 લાખ નવી મહિલાઓને નિઃશુલ્ક LPG કનેક્શન આપવામાં આવશે. આ યોજનાથી લાભાન્વિત થતા કુલ પરિવારોની સંખ્યા હવે વધીને 10.60 કરોડ થઈ જશે. કેન્દ્રીય પેટ્રોલિયમ અને પ્રાકૃતિક ગેસ મંત્રી હરદીપ સિંહ પુરીએ સોશિયલ મીડિયા પ્લેટફોર્મ X મારફતે આ નિર્ણયની જાણકારી આપી હતી. તેમણે જણાવ્યું હતું કે દરેક નવા કનેક્શન માટે ભારત સરકાર ₹2,050 ખર્ચ કરશે, જેમાં નિઃશુલ્ક LPG સિલિન્ડર ઉપરાંત ચૂલો અને રેગ્યુલેટર પણ આપવામાં આવશે, જેથી લાભાર્થી મહિલાઓને કોઈ વધારાનો ખર્ચ ન કરવો પડે.
આ અવસર પર વડાપ્રધાન નરેન્દ્ર મોદીએ પણ તમામ લાભાર્થી મહિલાઓને શુભકામનાઓ પાઠવી. તેમણે પોતાના સંદેશામાં લખ્યું કે નવરાત્રિના શુભ પર્વ પર ઉજ્જવલા પરિવાર સાથે જોડાનાર માતાઓ-બહેનોને હાર્દિક અભિનંદન. તેમણે આગળ ઉમેર્યું કે આ પહેલ માત્ર ગૃહિણીઓને ખુશી અને સુવિધા આપશે એટલું જ નહીં, પરંતુ નારી સશક્તિકરણના રાષ્ટ્રના સંકલ્પને વધુ મજબૂત બનાવશે.
नवरात्रि के शुभ अवसर पर उज्ज्वला परिवार से जुड़ने वाली हमारी सभी माताओं-बहनों को बहुत-बहुत बधाई एवं शुभकामनाएं! हमारे इस कदम से ना सिर्फ इस पावन पर्व पर उन्हें नई खुशी मिलेगी, बल्कि नारी सशक्तिकरण के हमारे संकल्पों को भी और मजबूती मिलने वाली है। https://t.co/jYWve2SbrU
— Narendra Modi (@narendramodi) September 22, 2025
ઉજ્જવલા યોજના, જેની શરૂઆત 2016માં થઈ હતી, ખાસ કરીને આર્થિક રીતે નબળા વર્ગોની મહિલાઓને સ્વચ્છ ઇંધણ ઉપલબ્ધ કરાવવા માટે રચાઈ હતી. ગામડાઓ અને નાના શહેરોમાં પરંપરાગત બળતણ જેવા કે લાકડું અને કંડા વડે રસોઈ કરતા આરોગ્ય અને પર્યાવરણ પર ગંભીર અસર થતી હતી. LPG કનેક્શનથી મહિલાઓને ધુમાડામુક્ત રસોઈનો લાભ મળ્યો છે, જેના કારણે તેમની આરોગ્ય પરિસ્થિતિમાં સુધારો આવ્યો છે અને સમય બચી રહ્યો છે.
આ નવી જાહેરાત સાથે, સરકારે સ્પષ્ટ સંદેશ આપ્યો છે કે તે મહિલાઓના કલ્યાણ અને તેમની સુખાકારી માટે પ્રતિબદ્ધ છે. નવરાત્રિના આ પાવન સમય પર લેવાયેલા આ નિર્ણયથી માત્ર ગરીબ પરિવારોના ઘરોમાં ઉજાસ નહીં ફેલાય, પણ દેશની મહિલાઓને આર્થિક અને સામાજિક રીતે વધુ મજબૂત બનાવવાનો માર્ગ પણ તૈયાર થશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
