જસ્ટિસ સૂર્યકાંતે સોમવારે, 24 નવેમ્બર 2025ના રોજ ભારતના 53મા મુખ્ય ન્યાયાધીશ તરીકે શપથ લીધા અને સત્તાવાર રીતે કાર્યભાર સંભાળ્યો. રાષ્ટ્રપતિ દ્રૌપદી મુર્મુએ રાષ્ટ્રપતિ ભવનમાં યોજાયેલા ગૌરવસભર સમારંભમાં તેમને શપથ લેવડાવી। જસ્ટિસ સૂર્યકાંતે પૂર્વ મુખ્ય ન્યાયાધીશ બીઆર ગવઈનું સ્થાન લીધું છે, જેમણે રવિવારે નિવૃત્તિ લીધી હતી. બંધારણની કલમ 124(2) હેઠળ નિયુક્ત થયેલા સૂર્યકાંતેની ભલામણ પણ પૂર્વ CJI ગવઈએ જ કરી હતી.
10 ફેબ્રુઆરી 1962ના રોજ જન્મેલા જસ્ટિસ સૂર્યકાંતે લગભગ ચાર દાયકાથી વધુ સમયથી ન્યાયિક ક્ષેત્રમાં સેવા આપી રહ્યા છે. 1984માં હિસારથી વકિલ તરીકે પોતાની કારકિર્દીની શરૂઆત કર્યા બાદ તેઓ પંજાબ અને હરિયાણા હાઇકોર્ટમાં કારકિર્દીમાં આગળ વધ્યા. 2004માં તેમને હાઇકોર્ટના ન્યાયાધીશ તરીકે નિયુક્ત કરવામાં આવ્યા હતા. ત્યારબાદ તેમણે હિમાચલ પ્રદેશ હાઇકોર્ટના મુખ્ય ન્યાયાધીશ તરીકે પણ મહત્વપૂર્ણ જવાબદારી નિભાવી હતી. 2019માં તેઓ સુપ્રીમ કોર્ટના ન્યાયાધીશ તરીકે નિયુક્ત થયા અને હવે દેશના સર્વોચ્ચ ન્યાયાધીશના પદ સુધી પહોંચ્યા છે.
Delhi: Justice Surya Kant takes oath as the Chief Justice of India, at Rashtrapati Bhavan. President Droupadi Murmu administers the oath to him.
(Pics: DD News) pic.twitter.com/aOSQZx8SzA
— ANI (@ANI) November 24, 2025
શપથ સમારંભ પહેલાં જસ્ટિસ સૂર્યકાંતે સ્વચ્છ અને ઝડપી ન્યાય પ્રણાલી પ્રત્યેની પોતાની દ્રઢ પ્રતિબદ્ધતા વ્યક્ત કરી હતી. તેમણે ખાસ કરીને ન્યાયાલયોમાં વધતા પેન્ડિંગ કેસોને ઘટાડવાની પ્રાથમિકતા દર્શાવી છે. તેઓએ જણાવ્યું કે આગામી સમયમાં પાંચ, સાત અને નવ ન્યાયાધીશોની બંધારણીય બેન્ચની રચના કરીને લાંબા સમયથી લટકાયેલા મહત્વના કેસોના નિરાકરણને ગતિ આપવામાં આવશે.
જસ્ટિસ સૂર્યકાંતેના કાર્યભાર સંભાળવાથી ન્યાયિક વ્યવસ્થામાં કાર્યક્ષમતા, આધુનિકીકરણ અને સમયસર ન્યાય સુનિશ્ચિત કરવાની દિશામાં નવા અધ્યાયની શરૂઆત થવાની આશા વ્યક્ત થઈ રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
