છત્તીસગઢના સક્તી જિલ્લામાં આજે ભયંકર દુર્ઘટના બની છે, જેમાં એક પ્રાઈવેટ પાવર પ્લાન્ટમાં લિફ્ટ તૂટી પડી છે. ઘટના આરકેએમ પાવરજેન પ્રાઈવેટ લિમિટેડ પ્લાન્ટના ઉચ્ચપિંડા ગામના ડભરા વિસ્તારમાં બની હતી. પ્લાન્ટમાં કાર્યરત 10 કર્મચારીઓ પોતાની શિફ્ટ પૂરી કરીને નીચે ઉતરી રહ્યા હતા, ત્યારે અચાનક લિફ્ટ ધરાશાયી થઈ ગઈ. દુર્ઘટનાની તીવ્રતા એટલી હતી કે ચાર કર્મચારીઓનાં ઘટનાસ્થળે જ મોત થઈ ગયા, જ્યારે છ લોકો ગંભીર રીતે ઘાયલ થયા છે. ઘાયકોને તરત જ રાયગઢની જિંદલ ફોર્ટિસ હોસ્પિટલમાં સારવાર માટે ખસેડવામાં આવ્યા હતા. હોસ્પિટલમાં સારવાર દરમિયાન ચાર વ્યક્તિઓનાં મોત થયા અને અન્ય છ ઘાયકોની સારવાર ચાલુ છે.
સક્તી જિલ્લાના પોલીસ સુપરીન્ટ અંકિતા શર્માએ જણાવ્યું છે કે લિફ્ટની ક્ષમતા લગભગ 2,000 કિલોગ્રામની હતી અને તાજેતરમાં જ 29 સપ્ટેમ્બરના રોજ જાળવણી કાર્ય કરવામાં આવ્યું હતું. તે છતાં લિફ્ટ તૂટી પડવી એક ગંભીર ઘટના છે, અને તેના પાછળના કારણો અંગે તપાસ શરૂ કરી દેવામાં આવી છે. પોલીસ તેમજ પ્રાઇવેટ પાવર પ્લાન્ટના અધિકારીઓ ફોરેન્સિક તપાસ, લિફ્ટના મિકેનિઝમ અને જાળવણીના રેકોર્ડ્સ તપાસી રહ્યા છે, જેથી દુર્ઘટનાની સાચી જાણી શકાય.
આ દુર્ઘટનાએ કાર્યસ્થળની સલામતી અને મશીનરી જાળવણીના મર્યાદિત નિયમો પર ગંભીર ચેતવણી આપી છે. આરકેએમ પાવરજેન પ્લાન્ટ અને સ્થાનિક વહીવટી અધિકારીઓ દુર્ઘટનાની સાથે સંકળાયેલા તમામ પાસાઓનું મૂલ્યાંકન કરી, ભવિષ્યમાં આવું ન થાય તેની ચીંતાઓ કરી રહ્યા છે. કર્મચારીઓ અને તેમના પરિવારજનોને આ દુર્ઘટનાથી ભારે આઘાત પહોંચ્યો છે, અને ઘટનાની તપાસમાં આખી રાષ્ટ્રીય અને પ્રાદેશિક સલામતી પ્રક્રિયા સક્રિય છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
