વડાપ્રધાન નરેન્દ્ર મોદી 10 જાન્યુઆરીથી 12 જાન્યુઆરી સુધી ગુજરાતના ત્રણ દિવસીય પ્રવાસે છે, જે માત્ર સત્તાવાર મુલાકાત નથી, પરંતુ ભારતની આસ્થા, સાંસ્કૃતિક ચેતના, વિકાસ અને વૈશ્વિક રાજદ્વારી સંબંધોના પ્રતિબિંબરૂપ છે. તેમણે શનિવારે સાંજે સોમનાથ પહોંચી, જ્યાં તેઓ સોમનાથ મંદિર ટ્રસ્ટની બેઠકની અધ્યક્ષતા કરશે અને રાત્રે ‘ઓમકાર’ મંત્ર જાપમાં જોડાઈ ભવ્ય ડ્રોન શોનો આનંદ લેશે. આ કાર્યક્રમ વર્ષ 1026માં મહમૂદ ગઝનવીના હુમલાના 1,000 વર્ષ અને સ્વતંત્રતા પછી 1951માં મંદિરના પુનઃનિર્માણના 75 વર્ષ પૂર્ણ થવાના પ્રતીકરૂપે ઉજવાઈ રહ્યો છે. રવિવારે સવારે વડાપ્રધાન સોમનાથ મંદિરની રક્ષા માટે બલિદાન આપનારા વીરોની સ્મૃતિમાં નીકળનારી ભવ્ય ‘શૌર્ય યાત્રા’માં સામેલ થશે. પીએમ મોદીએ અગાઉ ગાયક હંસરાજ રઘુવંશીના ભક્તિ ગીત સાથેનો વિડીયો પણ શેર કર્યો હતો, જે સોમનાથ મંદિરની ભવ્યતા દર્શાવે છે.
સોમનાથ બાદ વડાપ્રધાન રાજકોટ પહોંચશે અને કચ્છ-સૌરાષ્ટ્ર ક્ષેત્ર માટે આયોજિત ‘વાઇબ્રન્ટ ગુજરાત રિજનલ કૉન્ફરન્સ’માં ભાગ લેશે. આ સંમેલનનો મુખ્ય ઉદ્દેશ પશ્ચિમ ગુજરાતમાં સિરામિક, એન્જિનિયરિંગ, પોર્ટ્સ, ગ્રીન એનર્જી અને પ્રવાસન જેવા ક્ષેત્રોમાં રોકાણ વધારવાનો છે. સંમેલનમાં જાપાન, દક્ષિણ કોરિયા, રવાન્ડા અને યુક્રેન જેવા વિદેશી દેશો ભાગ લેશે, જે પ્રાદેશિક વિકાસ અને આંતરરાષ્ટ્રીય સહકારને મજબૂત બનાવશે.
પીએમ મોદીના આમંત્રણ પર જર્મનીના ચાન્સેલર ફ્રેડરિક મેર્ઝ 12 અને 13 જાન્યુઆરીએ ભારતની મુલાકાતે આવશે. સોમવારે સવારે પીએમ મોદી અને ચાન્સેલર સાબરમતી આશ્રમની મુલાકાત લેશે અને ત્યારબાદ રિવરફ્રન્ટ પર આયોજિત આંતરરાષ્ટ્રીય પતંગ મહોત્સવમાં ભાગ લેશે. ગાંધીનગરના મહાત્મા મંદિર ખાતે બંને નેતાઓ વચ્ચે ઉચ્ચસ્તરીય બેઠક યોજાશે, જેમાં ભારત-જર્મની વ્યૂહાત્મક ભાગીદારીના 25 વર્ષોની સમીક્ષા, ટેકનોલોજી, સંરક્ષણ અને ટકાઉ વિકાસ પર ચર્ચા થશે. ઉપરાંત, વડાપ્રધાન અમદાવાદ મેટ્રોના વિસ્તરણના કામોનું લોકાર્પણ પણ કરશે, જે શહેરી પરિવહનને વધુ મજબૂત અને અસરકારક બનાવશે. આ ત્રણ દિવસીય પ્રવાસ ગુજરાતના વૈશ્વિક અને સ્થાનિક વિકાસને ઉજાગર કરતો અને સાંસ્કૃતિક તેમજ ભક્તિપ્રેમની ઊંચાઇ દર્શાવતો છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
