એક જૂલાઇથી બદલાઇ જશે તત્કાલ ટિકિટના નિયમ, મુસાફરોને રાહત

ભારતીય રેલવેએ બુધવારે (11 જૂન, 2025) તત્કાલ ટિકિટ બુકિંગ સિસ્ટમમાં અનેક સુધારાઓની જાહેરાત કરી હતી. નવી જોગવાઈઓમાં ઓનલાઈન તત્કાલ બુકિંગ માટે આધાર-આધારિત વેરિફિકેશન ફરજિયાત બનાવવામાં આવી છે. એટલે કે, જે લોકો IRCTC એપ પર આધાર લિંક નથી ધરાવતા તેઓ તત્કાલ ટિકિટ બુક કરી શકશે નહીં.

Tatkal ticketing made more accessible for genuine users. pic.twitter.com/KGEAEgugtz

— Ashwini Vaishnaw (@AshwiniVaishnaw) June 11, 2025

1 જુલાઈથી તત્કાલ રેલવે ટિકિટ હવે માત્ર આધાર પ્રમાણિત યુઝર્સ માટે – રેલવેનું મોટું નિર્ણય

ભારતીય રેલવે તત્કાલ ટિકિટિંગ સિસ્ટમમાં મોટો ફેરફાર લાવ્યું છે. 1 જુલાઈ 2025થી IRCTC વેબસાઈટ અથવા મોબાઇલ એપ્લિકેશન મારફતે તત્કાલ ટિકિટ માત્ર આધાર કાર્ડથી પ્રમાણિત યુઝર્સ માટે જ ઉપલબ્ધ રહેશે.

રેલવે મંત્રાલયના પ્રવક્તાએ જણાવ્યું કે આ પગલું ટિકિટિંગમાં સમાનતા લાવવાનો અને દુરુપયોગ અટકાવવાનો પ્રયાસ છે.

OTP આધારિત આધાર વેરિફિકેશન ફરજિયાત

• 15 જુલાઈ 2025થી, OTP આધારિત આધાર વેરિફિકેશન ફરજિયાત રહેશે.

• જ્યારે યાત્રીઓ PRS કાઉન્ટર અથવા અધિકૃત એજન્ટો (YTSK) દ્વારા તત્કાલ ટિકિટ બુક કરશે, ત્યારે બુકિંગ કરતી વ્યક્તિના મોબાઇલ પર OTP આવશે, જે નાખ્યા પછી જ ટિકિટ બુક થશે.

એજન્ટો માટે નવા નિયમો

• રેલવેના નિવેદન અનુસાર, તત્કાલ વિન્ડો ખુલ્યા પછી પહેલા 30 મિનિટ સુધી કોઈ પણ અધિકૃત એજન્ટ ટિકિટ બુક કરી શકશે નહીં.

  • એટલે કે:

    • AC તત્કાલ ટિકિટ માટે એજન્ટ સવારે 10:30 પછી જ બુકિંગ કરી શકશે.

    • સ્લીપર તત્કાલ ટિકિટ માટે એજન્ટ 11:30 વાગ્યા પછી જ બુકિંગ કરી શકશે.

નવા નિયમોના લાભ

• નકલી ID ધરાવતા યુઝર્સ અને એજન્ટોના દુરુપયોગ પર રોક લાગશે.

• સામાન્ય મુસાફરો માટે તત્કાલ ટિકિટ અધિક ઉપલબ્ધ થશે.

• બોટ સોફ્ટવેર અથવા અનધિકૃત પદ્ધતિઓથી ટિકિટ બુક કરવાની ઘટનાઓ ઘટશે.

રેલવે મંત્રી અશ્વિની વૈષ્ણવનું નિવેદન

“વાસ્તવિક યાત્રીઓ માટે તત્કાલ ટિકિટિંગ વધુ સુલભ બનશે. આમ મુસાફરોને ન્યાયસંગત ઍક્સેસ મળશે અને ટિકિટિંગ સિસ્ટમ વધુ પારદર્શક બનશે.“