વેનેઝુએલાની વિપક્ષી નેતા મારિયા કોરિના મચાડોને 2025નો નોબેલ શાંતિ પુરસ્કાર એનાયત કરવામાં આવ્યો છે. નોર્વેજીયન નોબેલ સમિતિએ આ નિર્ણયની જાહેરાત કરતાં જણાવ્યું કે મચાડોને આ પુરસ્કાર લોકશાહી અધિકારોને પ્રોત્સાહન આપવા, નાગરિક સ્વતંત્રતા માટે અવિરત લડત લડવા અને વેનેઝુએલાને સરમુખત્યારશાહી શાસનમાંથી લોકશાહી વ્યવસ્થામાં શાંતિપૂર્ણ રીતે પરિવર્તન લાવવાના પ્રયાસો બદલ આપવામાં આવ્યો છે. મચાડો લાંબા સમયથી નિકોલાસ મદુરોના શાસન વિરુદ્ધ સશક્ત અવાજ બની છે અને દેશમાં લોકશાહી પુનઃસ્થાપિત કરવા માટેના આંતરરાષ્ટ્રીય અને સ્થાનિક મંચો પર સક્રિય રહી છે.
નોબેલ સમિતિએ જણાવ્યું કે “મારિયા કોરિના મચાડોએ પોતાના જીવન અને સ્વતંત્રતાને જોખમમાં મૂકી વેનેઝુએલાના લોકોને ન્યાય, સ્વતંત્રતા અને લોકશાહી માટે પ્રેરિત કર્યા છે. તેમનો સંઘર્ષ એ બતાવે છે કે શાંતિપૂર્ણ રીતે તાનાશાહી સામે લડવું શક્ય છે.” સમિતિએ વધુમાં ઉમેર્યું કે તેમની અડગતા અને નીતિગત અહિંસક અભિગમ વિશ્વ માટે લોકશાહીની શક્તિ અને ધીરજનું પ્રતિક છે.
BREAKING NEWS
The Norwegian Nobel Committee has decided to award the 2025 #NobelPeacePrize to Maria Corina Machado for her tireless work promoting democratic rights for the people of Venezuela and for her struggle to achieve a just and peaceful transition from dictatorship to… pic.twitter.com/Zgth8KNJk9— The Nobel Prize (@NobelPrize) October 10, 2025
મચાડોને પુરસ્કારરૂપે 11 મિલિયન સ્વીડિશ ક્રૉનર (લગભગ ₹10.3 કરોડ) સાથે એક ગોલ્ડ મેડલ અને સન્માન પ્રમાણપત્ર આપવામાં આવશે. જો કોઈ વર્ષમાં એક કરતાં વધુ વિજેતા હોય, તો આ રકમ તેમની વચ્ચે વહેંચવામાં આવે છે. પુરસ્કાર વિતરણ સમારોહ 10 ડિસેમ્બર 2025ના રોજ નોર્વેના ઓસ્લો શહેરમાં યોજાશે, જે પરંપરાગત રીતે નોબેલ શાંતિ પુરસ્કાર વિતરણ માટેનું સ્થાન છે.
મારિયા કોરિના મચાડો, જે વેનેઝુએલાના લોકશાહી વિરોધી આંદોલનની સૌથી જાણીતી ચહેરા છે, તેઓ વર્ષોથી મદુરો સરકાર દ્વારા રાજકીય દમન, ગિરફતારીના ખતરાઓ અને ચૂંટણી પ્રતિબંધોનો સામનો કરી રહ્યા છે. તેમ છતાં, તેમણે અહિંસક રીતે લોકોની અવાજ બનવાનું કામ ચાલુ રાખ્યું છે. તેમની ચળવળને યુનાઇટેડ સ્ટેટ્સ, યુરોપિયન યુનિયન અને લેટિન અમેરિકાના અનેક દેશોનું સમર્થન મળ્યું છે.
આ નિર્ણયથી વૈશ્વિક સ્તરે રાજકીય ચર્ચા ફરી જીવંત બની છે, ખાસ કરીને કારણ કે આ વર્ષે નોબેલ શાંતિ પુરસ્કાર માટે અમેરિકાના પૂર્વ રાષ્ટ્રપતિ ડોનાલ્ડ ટ્રમ્પનું નામ પણ ચર્ચામાં હતું. ટ્રમ્પે દાવો કર્યો હતો કે પોતાના કાર્યકાળ દરમિયાન તેમણે મધ્યપૂર્વમાં ઇઝરાયેલ અને અરબ દેશો વચ્ચેના અનેક શાંતિ કરારો (જેમ કે ‘અબ્રાહમ એકોર્ડ્સ’) કરીને વિશ્વમાં શાંતિ સ્થાપિત કરવાનો પ્રયાસ કર્યો હતો. પરંતુ નોબેલ સમિતિએ અંતે મચાડોને પસંદ કરતાં ટ્રમ્પની આશાઓ પર પાણી ફેરવી દીધું.
આ વર્ષનો નોબેલ શાંતિ પુરસ્કાર ફક્ત મચાડો માટે વ્યક્તિગત સન્માન નથી, પરંતુ તે સમગ્ર લેટિન અમેરિકાના લોકશાહી આંદોલનો માટે પ્રેરણા છે. વેનેઝુએલામાં હાલના સમયમાં ગંભીર રાજકીય, આર્થિક અને માનવતાવાદી સંકટ ચાલી રહ્યું છે, અને મચાડોની જીત એ સંકેત આપે છે કે આંતરરાષ્ટ્રીય સમુદાય હજી પણ લોકશાહી મૂલ્યો અને નાગરિક અધિકારો માટે લડત આપનારા લોકોના પક્ષમાં ઉભો છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
