પીએમ નરેન્દ્ર મોદીએ પોતાની ઇથિયોપિયા મુલાકાતના બીજા દિવસે ત્યાંની સંસદના સંયુક્ત સત્રને સંબોધિત કરતાં ભારત અને ઇથિયોપિયા વચ્ચેના ગાઢ ઐતિહાસિક, સાંસ્કૃતિક અને લોકશાહી સંબંધોને ભાવસભર શબ્દોમાં રેખાંકિત કર્યા હતા. પોતાના સંબોધનની શરૂઆતમાં તેમણે ઇથિયોપિયાને પ્રેમપૂર્વક ‘સિંહોની ધરતી’ કહીને સંબોધી હતી અને કહ્યું હતું કે ઇથિયોપિયામાં આવીને તેમને પોતાના ઘર જેવો અનુભવ થાય છે, કારણ કે તેમનું ગૃહ રાજ્ય ગુજરાત પણ વિશ્વભરમાં ‘સિંહોની ધરતી’ તરીકે ઓળખાય છે. આ ઉદાહરણ દ્વારા તેમણે બંને દેશો વચ્ચેની ભૌગોલિક અને સાંસ્કૃતિક સમાનતા તરફ સૌનું ધ્યાન ખેંચ્યું હતું.
પીએમ મોદીએ ભારત અને ઇથિયોપિયાના રાષ્ટ્રગીતોમાં રહેલી ભાવનાત્મક સમાનતાનો ઉલ્લેખ કરતાં જણાવ્યું હતું કે ભારતનું રાષ્ટ્રીય ગીત ‘વંદે માતરમ્’ અને ઇથિયોપિયાનું રાષ્ટ્રગીત બંને માતૃભૂમિને ‘માતા’ તરીકે સંબોધે છે, જે આપણને આપણા વારસા, સંસ્કૃતિ અને ભૂમિની સુંદરતા પર ગૌરવ કરવાનું શીખવે છે અને દેશની રક્ષા માટે પ્રેરણા આપે છે.
Honoured to address the Ethiopian Parliament. Watch my speech. https://t.co/fxEZ7EAnFW
— Narendra Modi (@narendramodi) December 17, 2025
સંસદમાં બોલતાં તેમણે તાજેતરમાં મળેલા ઇથિયોપિયાના સર્વોચ્ચ સન્માન ‘ધ ગ્રેટ ઓનર નિશાન ઑફ ઇથિયોપિયા’ અંગે પણ પોતાની લાગણી વ્યક્ત કરી હતી અને સ્પષ્ટ કહ્યું હતું કે આ કોઈ વ્યક્તિગત સન્માન નથી, પરંતુ ભારતના 140 કરોડ નાગરિકોનું સન્માન છે, જેને તેઓ નમ્રતાપૂર્વક સ્વીકારી રહ્યા છે. પીએમ મોદીએ ઇથિયોપિયાની સંસદને ‘લોકશાહીના મંદિર’ તરીકે સંબોધી ત્યાં બોલવાનું પોતાનું સૌભાગ્ય ગણાવ્યું હતું.
સાથે જ તેમણે ઇથિયોપિયાના ખેડૂતો, ઉદ્યોગસાહસિકો, મહિલા નેતાઓ અને દેશનું ભવિષ્ય ઘડી રહેલા યુવાનોને શુભેચ્છાઓ પાઠવી હતી. તેમણે પોતાના સંબોધનમાં આ વાત પર ભાર મૂક્યો હતો કે જ્યારે સરકારની ઇચ્છા જનતાની ઇચ્છા સાથે એકરૂપ થાય છે, ત્યારે દેશનો વિકાસ ઝડપી ગતિએ આગળ વધે છે, અને આ જ લોકશાહીની સાચી તાકાત છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
