હજી સુધી કેનેડા, અમેરિકા, ઓસ્ટ્રેલિયા અને બ્રિટન જેવા દેશોમાં સક્રિય રહેલા ખાલિસ્તાની સમર્થકોએ હવે યુરોપમાં પણ પોતાની ગતિવિધિઓ તેજ કરી હોવાનું સામે આવ્યું છે. એક ગંભીર અને ચોંકાવનારી ઘટનામાં ક્રોએશિયાની રાજધાની જાગ્રેબ (Zagreb) સ્થિત ભારતીય દૂતાવાસ પર ખાલિસ્તાની કટ્ટરપંથીઓ દ્વારા તોડફોડ કરવામાં આવી હોવાનું અહેવાલોમાં સામે આવ્યું છે. આ ઘટનાને પગલે ભારત સરકારે કડક વલણ અપનાવ્યું છે અને ક્રોએશિયા સરકાર સમક્ષ સત્તાવાર રીતે ભારે વિરોધ નોંધાવ્યો છે.
भारतीय सरकार ने क्रोएशिया के ज़ाग्रेब स्थित भारतीय दूतावास में घुसपैठ और तोड़फोड़ की घटना की कड़ी निंदा की है।
इससे पहले खालिस्तानी कट्टरपंथियों ने आधी रात को भारतीय ध्वज हटाकर भारतीय दूतावास परिसर के भीतर खालिस्तानी झंडा लगा दिया था।
भारत ने इस मामले को नई दिल्ली और ज़ाग्रेब… pic.twitter.com/VTMnf90e4H
— One India News (@oneindianewscom) January 23, 2026
મળતી માહિતી અનુસાર, પ્રતિબંધિત આતંકી સંગઠન ‘સિક્સ ફોર જસ્ટિસ’ (SFJ) સાથે જોડાયેલા કેટલાક અસામાજિક તત્વોએ ભારતીય દૂતાવાસની સુરક્ષા વ્યવસ્થામાં ભંગ કરવાનો પ્રયાસ કર્યો હતો. આ ઉપદ્રવીઓએ દૂતાવાસ પરિસરમાં ઘૂસવાનો પ્રયત્ન કર્યો અને ત્યાં તોડફોડ પણ કરી હતી. પ્રત્યક્ષદર્શીઓના જણાવ્યા મુજબ, ખાલિસ્તાની તત્વોએ દૂતાવાસની દીવાલો પર ભારત વિરોધી સૂત્રો લખ્યા હતા અને ભારતીય તિરંગાને ઉતારી તેની જગ્યાએ ખાલિસ્તાની ધ્વજ લગાવવાનો પ્રયાસ કર્યો હતો, જેને કારણે ઘટનાની ગંભીરતા વધુ વધી ગઈ છે.
Our statement on the trespassing of the Embassy of India premises in Zagreb, Croatia
🔗 https://t.co/IQFppsV4Ws pic.twitter.com/STPOnI23oM
— Randhir Jaiswal (@MEAIndia) January 22, 2026
આ ઘટનાને લઈને ભારતીય વિદેશ મંત્રાલયે કડક શબ્દોમાં નિંદા વ્યક્ત કરી છે. મંત્રાલયે સ્પષ્ટ જણાવ્યું છે કે નવી દિલ્હી અને જાગ્રેબ—બંને સ્તરે ક્રોએશિયાના અધિકારીઓ સમક્ષ આ ગંભીર મુદ્દો મજબૂતીથી ઉઠાવવામાં આવ્યો છે. ભારતે આ ઘટનામાં સામેલ દોષિત તત્વો સામે તાત્કાલિક અને કડક કાર્યવાહી કરવાની માંગ કરી છે. સાથે જ વિદેશ મંત્રાલયે યાદ અપાવ્યું છે કે વિયેના સંધિ અનુસાર કોઈપણ રાજદ્વારી પરિસરમાં પરવાનગી વગર પ્રવેશ કરવો સંપૂર્ણપણે ગેરકાયદેસર છે અને રાજદ્વારી મિશનોની સુરક્ષા સુનિશ્ચિત કરવી એ યજમાન દેશની પ્રાથમિક જવાબદારી છે.
વિશ્લેષકોનું માનવું છે કે આ ઘટના યુરોપિયન દેશો માટે પણ ચેતવણીરૂપ છે, કારણ કે અત્યાર સુધી ખાલિસ્તાની ગતિવિધિઓ મોટાભાગે ‘ફાઈવ આઈઝ’ દેશો—કેનેડા, અમેરિકા અને બ્રિટન—સુધી જ સીમિત માનવામાં આવતી હતી. પરંતુ હવે ક્રોએશિયા જેવા યુરોપિયન દેશમાં ભારતીય દૂતાવાસને નિશાન બનાવવામાં આવવું એ દર્શાવે છે કે આ આતંકી અને ભારત વિરોધી તત્વો નવા વિસ્તારોમાં પોતાનું જાળ વિસ્તારી રહ્યા છે.
આ ઘટનાને 26 જાન્યુઆરી—ભારતના પ્રજાસત્તાક દિવસ—સાથે પણ જોડીને જોવામાં આવી રહી છે. ઉલ્લેખનીય છે કે આ સમયગાળા દરમિયાન યુરોપના અનેક દેશોના નેતાઓ ભારતની ઉજવણીમાં ભાગ લેવા જઈ રહ્યા છે. તે વચ્ચે SFJના વડા ગુરપતવંત સિંહ પન્નુ દ્વારા તેના સમર્થકોને ભારત વિરોધી માહોલ બનાવવા અને હિંસા માટે ઉશ્કેર્યા હોવાના ઇનપુટ્સ ગુપ્તચર એજન્સીઓને મળ્યા હોવાનું પણ કહેવાય છે. આ તમામ પરિસ્થિતિઓને ધ્યાનમાં રાખી ભારત સરકાર અને સુરક્ષા એજન્સીઓ સંપૂર્ણ સતર્કતા રાખી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
