દિલ્હીના લાલ કિલ્લા પાસે થયેલા કાર બોમ્બ વિસ્ફોટ બાદ દેશની રાજધાનીમાં સુરક્ષા એજન્સીઓ હાઈ એલર્ટ પર છે. આ ગંભીર પરિસ્થિતિને ધ્યાનમાં રાખીને ગૃહમંત્રી અમિત શાહે ગુરુવારે સવારે પોતાના ખાનગી નિવાસસ્થાને ઉચ્ચ સ્તરીય બેઠક બોલાવી. આ બેઠકમાં NIAના ડિરેક્ટર જનરલ, ઇન્ટેલિજન્સ બ્યુરો (IB)ના ડિરેક્ટર, ગૃહ સચિવ અને દિલ્હી પોલીસ કમિશનર સહિતના વરિષ્ઠ અધિકારીઓ હાજર રહ્યા હતા. બેઠક દરમિયાન અમિત શાહે આતંકવાદી હુમલાની તપાસની હાલની સ્થિતિ અંગે વિગતવાર માહિતી મેળવી અને સમગ્ર દેશભરમાં સુરક્ષા વ્યવસ્થાની સમીક્ષા કરી. તેમણે અધિકારીઓને સંવેદનશીલ સ્થળો, ધાર્મિક સ્થળો અને જાહેર સ્થળોએ વધારાની સુરક્ષા તૈનાત કરવા તથા તકેદારી વધારવા સ્પષ્ટ નિર્દેશ આપ્યો.
સૂત્રોના જણાવ્યા અનુસાર, બેઠકમાં અત્યાર સુધીની તપાસમાં મળેલા પુરાવાઓ અને NIA દ્વારા હાથ ધરાયેલા પ્રાથમિક તારણો પર ચર્ચા થઈ. ખાસ કરીને વિસ્ફોટમાં ઉપયોગમાં લેવાયેલી કાર, વિસ્ફોટકના સ્ત્રોત અને સંભવિત આતંકી સંગઠનો સાથેના કનેક્શન અંગે વિગતવાર રિપોર્ટ રજૂ કરવામાં આવ્યો. શાહે સ્પષ્ટ શબ્દોમાં જણાવ્યું કે આરોપીઓ સુધી પહોંચવા માટે કોઈ પણ પ્રકારની કસર બાકી ન રાખવામાં આવે.
Something big is going to happen in next few days.Home Minister Amit Shah is currently chairing an emergency meeting on the Delhi terror attack.
Top officials from the Home Ministry and key Intelligence agencies are present in the meeting.
Beware terrorists from… pic.twitter.com/wwxwKXSZBu— Trinetra Wrath 🔱 (@sachchanitish24) November 13, 2025
આ દરમિયાન, ગૃહમંત્રી અમિત શાહનો ગુરુવારે નક્કી કરાયેલ ગુજરાત પ્રવાસ પણ રદ કરવામાં આવ્યો છે. તેઓ અમદાવાદમાં ફૂડ ફેસ્ટિવલ અને ઇન્ટરનેશનલ બુક ફેસ્ટિવલ 2025ના ઉદ્ઘાટન કાર્યક્રમોમાં હાજર રહેવાના હતા, પરંતુ દિલ્હી વિસ્ફોટની ગંભીરતાને ધ્યાનમાં રાખીને તેમણે આ કાર્યક્રમોમાંથી પોતાની હાજરી પાછી ખેંચી લીધી. ભાજપના નેતા બિમલ જોશીના જણાવ્યા મુજબ, શાહ મહેસાણામાં દૂધસાગર ડેરીના ઉદ્ઘાટન કાર્યક્રમમાં પણ હાજર રહેવાના હતા, પણ હવે તેઓ આ કાર્યક્રમોમાં વીડિયો કોન્ફરન્સિંગ દ્વારા જોડાઈ શકે છે.
લાલ કિલ્લા નજીક થયેલા વિસ્ફોટ બાદ દિલ્હીમાં સુરક્ષા વ્યવસ્થા કડક બનાવી દેવામાં આવી છે. મેટ્રો સ્ટેશનો, એરપોર્ટ, રેલવે સ્ટેશનો અને અન્ય મહત્વપૂર્ણ સ્થળોએ સુરક્ષા વધારી દેવામાં આવી છે. આ વિસ્ફોટમાં અત્યાર સુધી 12 લોકોના મોત થયા છે, જ્યારે ઘણા ગંભીર રીતે ઘાયલ થયા છે. ઘટનાસ્થળે અમિત શાહે તાત્કાલિક મુલાકાત લઈને સુરક્ષા એજન્સીઓને તપાસ ઝડપી બનાવવા અને દોષીઓને ઝડપથી કાયદાના કટઘરમાં લાવવાનો નિર્દેશ આપ્યો હતો. ગુરુવારે યોજાયેલી આ બેઠકને દિલ્હી બ્લાસ્ટ બાદની સૌથી મહત્વપૂર્ણ સુરક્ષા સમીક્ષા બેઠક માનવામાં આવી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
