દિલ્હીના લાલ કિલ્લા નજીક થયેલા કાર બ્લાસ્ટ બાદ સમગ્ર શહેરમાં ચકચાર મચી ગઈ છે. આ દુર્ઘટનામાં અનેક લોકોના મોત થયા છે, જ્યારે ઘણા ઘાયલ અને ગંભીર રીતે ઘાયલ થયા છે. ઘટનાની ગંભીરતાને ધ્યાનમાં રાખીને દિલ્હીની ભાજપ સરકારએ તાત્કાલિક વળતર અને સહાય પેકેજની જાહેરાત કરી છે. મુખ્યમંત્રી રેખા ગુપ્તાએ સોશિયલ મીડિયા પ્લેટફોર્મ ‘X’ પર નિવેદન આપતાં જણાવ્યું કે આ દુર્ભાગ્યપૂર્ણ ઘટના માત્ર દિલ્હીને જ નહીં, પરંતુ સમગ્ર દેશને હચમચાવી દેતી છે. તેમણે કહ્યું કે, “આ મુશ્કેલ સમયમાં સરકારની ઊંડી સંવેદનાઓ તમામ પીડિત પરિવારો સાથે છે, જેમણે પોતાના પ્રિયજનો ગુમાવ્યા છે અથવા ઘાયલ થયા છે.”
दिल्ली में हुई दुर्भाग्यपूर्ण घटना ने पूरे शहर को स्तब्ध कर दिया है। इस मुश्किल की घड़ी में दिल्ली सरकार की गहरी संवेदनाएँ उन सभी परिवारों के साथ हैं जिन्होंने अपने प्रियजनों को खोया है और जो इस घटना में घायल हुए हैं।
दिल्ली सरकार हर पीड़ित परिवार के साथ मज़बूती से खड़ी है और…
— Rekha Gupta (@gupta_rekha) November 11, 2025
સરકારે આ ઘટનામાં પીડિતો માટે ત્રણ સ્તરીય વળતર યોજના જાહેર કરી છે. મુખ્યમંત્રીએ સ્પષ્ટ કર્યું કે મૃતકોના પરિવારજનોને રૂ.10 લાખનું વળતર, સ્થાયી રીતે અક્ષમ (પરમનન્ટલી ડિસેબલ્ડ) લોકોને રૂ.5 લાખ, અને ગંભીર રીતે ઘાયલ થયેલા લોકોને રૂ.2 લાખની તાત્કાલિક સહાય રકમ આપવામાં આવશે. સાથે જ, સરકારએ વચન આપ્યું છે કે સૌથી નાના થી લઈને ગંભીર ઘાયલો સુધીના દરેક પીડિતની યોગ્ય અને ગુણવત્તાયુક્ત સારવારની સંપૂર્ણ જવાબદારી દિલ્હી સરકાર લેશે.
મુખ્યમંત્રી રેખા ગુપ્તાએ વધુમાં ઉમેર્યું કે, “દિલ્હીની શાંતિ અને સુરક્ષા અમારી સર્વોચ્ચ પ્રાથમિકતા છે. તંત્ર સંપૂર્ણ તત્પરતાથી કાર્યરત છે અને પીડિતો તેમજ તેમના પરિવારજનોની મદદ માટે દરેક સંભવિત પગલાં લેવામાં આવી રહ્યા છે.” તેમણે કહ્યું કે પોલીસ, ફાયર વિભાગ અને આરોગ્ય વિભાગને સતત ચેતી રાખવામાં આવ્યા છે, જ્યારે ઇમરજન્સી ટીમો ઘાયલોની સારવાર અને રાહત કામગીરીમાં નિરંતર જોડાયેલી છે.
આ દરમિયાન, દિલ્હી મેટ્રો રેલ કોર્પોરેશને (DMRC) પણ સુરક્ષા કારણોને ધ્યાનમાં રાખીને મહત્વપૂર્ણ જાહેરાત કરી છે. સંસ્થાએ જણાવ્યું છે કે લાલ કિલ્લા મેટ્રો સ્ટેશન 12 નવેમ્બર માટે બંધ રાખવામાં આવશે, જ્યારે અન્ય તમામ મેટ્રો સ્ટેશનો સામાન્ય રીતે ચાલુ રહેશે. મેટ્રો અને શહેર પોલીસ બંને મળીને લાલ કિલ્લા વિસ્તાર અને આસપાસના સર્કિટમાં સુરક્ષા ચકાસણી અને સ્કેનિંગ કામગીરી તેજ કરી છે, જેથી કોઇપણ પ્રકારની શંકાસ્પદ પ્રવૃત્તિ રોકી શકાય.
આ રીતે, લાલ કિલ્લા બ્લાસ્ટ બાદ દિલ્હીની સરકાર અને સુરક્ષા તંત્ર પૂરજોશમાં રાહત અને તપાસ કામગીરી કરી રહ્યું છે, અને મુખ્યમંત્રી રેખા ગુપ્તાના નેતૃત્વ હેઠળ પીડિત પરિવારોને દરેક સ્તરે સહાય પૂરી પાડવાનો પ્રયાસ ચાલુ છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
