ભારતે રક્ષા ક્ષમતાના ક્ષેત્રમાં ઐતિહાસિક સિદ્ધિ હાંસલ કરી છે. પહેલીવાર, દેશે રેલ આધારિત મોબાઇલ લોન્ચર સિસ્ટમ પરથી અગ્નિ-પ્રાઇમ મિસાઇલનું સફળ પરીક્ષણ કર્યું છે. અત્યાર સુધી, મિસાઇલ પરીક્ષણ માટે નક્કી કરેલી સાઇટ્સ, જેમ કે શ્રીહરિકોટા અથવા બાલાસોર જેવા લોન્ચ કોમ્પ્લેક્સ પર આધાર રાખવો પડતો હતો, પરંતુ હવે આ મિસાઇલને ચલતી ટ્રેનમાંથી ગમે ત્યાંથી લોન્ચ કરી શકાય છે. આ સિસ્ટમથી ભારતને વ્યૂહાત્મક રીતે ઘણો ફાયદો મળશે કારણ કે તે દુશ્મન માટે ભારતીય મિસાઇલ લોન્ચર્સનું સ્થાન શોધવું અત્યંત મુશ્કેલ બનાવશે.
અગ્નિ-પ્રાઇમ મિસાઇલ “અગ્નિ શ્રેણીની આગામી પેઢીની મિસાઇલ” માનવામાં આવે છે. તે 2,000 કિ.મી સુધીની રેન્જ ધરાવે છે અને અનેક અદ્યતન ટેકનોલોજીથી સજ્જ છે. તેની એડવાન્સ નેવિગેશન સિસ્ટમ તેને દુશ્મનના નિશાન પર અતિશય ચોકસાઈ સાથે પ્રહાર કરવાની ક્ષમતા આપે છે. આ મિસાઇલને કેનિસ્ટરાઇઝ્ડ સિસ્ટમમાં રાખવામાં આવે છે, એટલે કે તે એક બંધ બોક્સમાં સુરક્ષિત રહે છે. આ તેને વરસાદ, ધૂળ, ભેજ અને ગરમી જેવા પર્યાવરણીય પ્રભાવોથી સુરક્ષિત રાખે છે અને લાંબા સમય સુધી ઉપયોગ માટે તૈયાર સ્થિતિમાં રાખે છે. તેની વિશેષતા એ છે કે તે ઓછી વિઝિબિલિટી સાથે ઝડપી પ્રતિભાવ આપીને પણ લોન્ચ થઈ શકે છે, જે ભારતની “સર્વાઇવેબિલિટી” ક્ષમતાને અનેકગણી વધારે છે.
#WATCH | Raksha Mantri Rajnath Singh tweets, "India has carried out the successful launch of Intermediate Range Agni-Prime Missile from a Rail-based Mobile launcher system. This next-generation missile is designed to cover a range of up to 2000 km and is equipped with various… pic.twitter.com/kfDOjVpAeW
— ANI (@ANI) September 25, 2025
રેલ આધારિત આ સિસ્ટમની બીજી વિશેષતા એ છે કે મિસાઇલ ગમે ત્યાં લઈ જવામાં આવી શકે છે અને દેશના કોઈપણ રેલ નેટવર્ક પરથી તેનો ઉપયોગ શક્ય છે. એટલે કે ભારતે હવે એક એવી “મોબાઇલ લોન્ચ ક્ષમતા” વિકસાવી છે, જે તેને એવા ગણતરીના દેશોની યાદીમાં સામેલ કરે છે જેઓ ચાલતા-ફરતા નેટવર્કથી કેનિસ્ટરાઇઝ્ડ લોન્ચ સિસ્ટમ વિકસાવવામાં સફળ રહ્યા છે. આ વિકાસથી ભારતની ડિટરન્સ ક્ષમતા (દુશ્મનને હુમલો કરવાથી અટકાવવાની શક્તિ) ઘણી મજબૂત બની છે.
રક્ષણ મંત્રી રાજનાથ સિંહે આ સફળતાને લઈ DRDO, સ્ટ્રેટેજિક ફોર્સિસ કમાન્ડ (SFC) અને સશસ્ત્ર દળોને અભિનંદન પાઠવ્યા. તેમણે કહ્યું કે મધ્યમ અંતરની અગ્નિ-પ્રાઇમ મિસાઇલનું આ સફળ ઉડાન પરીક્ષણ ભારતને એવા દેશોમાં સામેલ કરે છે જે ઝડપથી બદલાતી પરિસ્થિતિઓમાં ચલતી લોન્ચ સિસ્ટમનો ઉપયોગ કરી શકે છે.
આ સિદ્ધિ માત્ર ટેકનિકલ સફળતા નથી, પરંતુ ભારતના વ્યૂહાત્મક રક્ષણ ઇન્ફ્રાસ્ટ્રક્ચરમાં એક મોટો ક્વાન્ટમ જમ્પ છે. અગ્નિ-પ્રાઇમ જેવી આધુનિક મિસાઇલો ભારતને ભવિષ્યમાં વધુ સુરક્ષિત, આત્મનિર્ભર અને દુશ્મન સામે તાત્કાલિક જવાબ આપવા સક્ષમ બનાવશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
