લોકસભામાં ‘રાઈટ ટુ ડિસ્કનેક્ટ બિલ, 2025’ રજૂ થતાં કર્મચારીઓના કામ અને વ્યક્તિગત જીવનના સંતુલન અંગે નવી ચર્ચા શરૂ થઈ છે. NCP સાંસદ સુપ્રિયા સુલેએ આ પ્રાઇવેટ મેમ્બર્સ બિલ 6 ડિસેમ્બરે રજૂ કર્યું, જેનો મુખ્ય હેતુ છે કે કર્મચારીઓ કામના કલાકો પૂરા થયા બાદ વર્ક-સંબંધિત ફોન કોલ, ઈમેઇલ અથવા મેસેજનો જવાબ આપવા માટે દબાણમાં ન આવે. ડિજિટલ યુગમાં કામ અને વ્યક્તિગત જીવનની સરહદો ધૂંધળી બની રહી છે, જેથી બર્નઆઉટ, માનસિક તણાવ અને ચિંતા જેવી સમસ્યાઓ વધતી જોવા મળે છે. આ સ્થિતિથી કર્મચારીઓને સુરક્ષા આપવા માટે આ બિલ મહત્ત્વપૂર્ણ બની શકે છે.
Introduced three forward-looking Private Member Bills in the Parliament:
The Paternity and Paternal Benefits Bill, 2025, introduces paid paternal leave to ensure fathers have the legal right to take part in their child's early development. It breaks the traditional model,… pic.twitter.com/YjrWw4LFwf
— Supriya Sule (@supriya_sule) December 5, 2025
બિલ અનુસાર, કામના કલાકો બાદ અથવા રજા દરમિયાન કર્મચારી દ્વારા વર્ક-સંબંધિત કોલ અથવા મેસેજનો જવાબ ન અપાય તો તેના પર કોઈ કાર્યવાહી, દંડ અથવા પેનલ્ટી નહીં કરવામાં આવે. કંપનીઓ પર પણ જવાબદારી નિર્ધારિત કરાઈ છે — જો તેઓ નિયમિત રીતે આ જોગવાઈઓનું ઉલ્લંઘન કરે તો તેમને દંડનો સામનો કરવો પડશે. સાથે જ, દરેક કંપનીએ કર્મચારી કલ્યાણ સમિતિ (Employee Welfare Committee) રચવાની જોગવાઈ છે, જે કામના કલાકો, બ્રેક અને ‘ડિસ્કનેક્ટ’ સંબંધિત નીતિઓ બનાવવા માટે જવાબદાર રહેશે.
આ બિલનો મુખ્ય મંત્ર કર્મચારીઓને તેમની ખાનગી જિંદગીનો સન્માનપૂર્ણ અધિકાર આપવાનો છે, જેથી તેઓ કાર્યસ્થળની બહાર પણ માનસિક રીતે મુક્ત રહી શકે. જો કે, પ્રાઇવેટ મેમ્બર્સ બિલ સામાન્ય રીતે ચર્ચા બાદ પાછું ખેંચાઈ જતું હોય છે અને ભાગ્યે જ કાયદો બને છે, પરંતુ જો આ બિલ કાયદો બને તો ખાસ કરીને આઇટી, ટેક, ઑનલાઇન સર્વિસ અને કૉર્પોરેટ ક્ષેત્રના લાખો કર્મચારીઓને મોટો ફાયદો થશે. યુરોપના અનેક દેશોમાં ‘રાઈટ ટુ ડિસ્કનેક્ટ’ પહેલેથી જ અમલમાં છે, અને ભારતમાં પણ એ અમલમાં આવે તો કામકાજની સંસ્કૃતિ વધુ સ્વસ્થ અને સંતુલિત બની શકે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
