બોલિવૂડ અભિનેતા રણવીર સિંહ હાલમાં પોતાની સુપરહિટ ફિલ્મ ધુરંધર: ધ રિવેન્જની ભવ્ય સફળતાને લઈને ચર્ચામાં છે. આ વચ્ચે રણવીર સિંહની તાજેતરની નાગપુર મુલાકાતે રાજકીય અને સામાજિક વર્તુળોમાં ખાસ ધ્યાન ખેંચ્યું છે, જ્યાં તેણે રાષ્ટ્રીય સ્વયંસેવક સંઘ (RSS)ના મુખ્યાલયની મુલાકાત લીધી હતી.
સાદગીપૂર્ણ સફેદ કુર્તા-પાયજામામાં દેખાયેલા રણવીર સિંહે મુલાકાત દરમિયાન સૌપ્રથમ સંઘના સ્થાપક ડૉ. કેશવ બલિરામ હેડગેવારના સ્મૃતિ સ્થળે જઈ શ્રદ્ધાંજલિ અર્પી હતી. ત્યારબાદ તેણે એમ.એસ. ગોલવલકરના સ્મારક પર પણ પુષ્પાંજલિ આપી હતી. આ મુલાકાતને ખૂબ જ મહત્વપૂર્ણ માનવામાં આવી રહી છે.
માહિતી મુજબ, રણવીર સિંહે સંઘ પ્રમુખ મોહન ભાગવત સાથે લગભગ 4 કલાક લાંબી બેઠક કરી હતી. સાંજે લગભગ 4 વાગ્યે મુખ્યાલય પહોંચેલા રણવીર રાત્રે 8 વાગ્યે મુંબઈ માટે રવાના થયા હતા. જોકે, આ બેઠકમાં કયા મુદ્દાઓ પર ચર્ચા થઈ તે અંગે કોઈ સત્તાવાર માહિતી બહાર આવી નથી, પરંતુ ફિલ્મની સફળતા અને સંઘની કાર્યપદ્ધતિ અંગે ચર્ચા થઈ હોવાની અટકળો છે.
बॉलीवुड अभिनेता रणवीर सिंह नागपुर पहुंचे और आरएसएस संस्थापक डॉ. केशव बलिराम हेडगेवार को श्रद्धांजलि अर्पित की।
उन्होंने रेशीमबाग स्थित स्मृति मंदिर में पुष्पांजलि चढ़ाई और सरसंघचालक डॉ. मोहन भागवत से मुलाकात की।#RanveerSingh #RSS #Hedgewar #MohanBhagwat #Nagpur
— One India News (@oneindianewscom) April 11, 2026
આ મુલાકાતની તસવીરો સોશિયલ મીડિયા પર ઝડપથી વાયરલ થઈ રહી છે, જેમાં અભિનેતા ખૂબ જ સાદગીભર્યા અંદાજમાં જોવા મળે છે. નોંધનીય છે કે આ પહેલા પણ રણવીર સિંહ સંઘના 100 વર્ષ પૂર્ણ થવાના કાર્યક્રમમાં વીડિયો સંદેશ દ્વારા જોડાયા હતા અને સંઘની કાર્યશૈલી પ્રત્યે પોતાની પ્રશંસા વ્યક્ત કરી હતી.
વર્કફ્રન્ટની વાત કરીએ તો, ધુરંધર: ધ રિવેન્જ રણવીર સિંહ માટે મોટી સિદ્ધિ સાબિત થઈ છે। આ ફિલ્મે વૈશ્વિક સ્તરે અંદાજે ₹1671 કરોડનું કલેક્શન કરીને બોક્સ ઓફિસ પર ઇતિહાસ રચ્યો છે અને હવે બાહુબલી 2: ધ કનક્લૂઝન અને પુષ્પા 2: ધ રૂલ જેવા મોટા રેકોર્ડ્સ તોડવાની દિશામાં આગળ વધી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
