અમદાવાદ શહેરના ઈતિહાસ અને રાષ્ટ્રીય નેતૃત્વના મહત્વપૂર્ણ સાક્ષી રહેલા અમદાવાદ મ્યુનિસિપલ કોર્પોરેશનના હેરિટેજ બિલ્ડિંગનું હવે રૂ. 10 કરોડના ખર્ચે રિસ્ટોરેશન અને રિટ્રોફિટિંગ થવાની કામગીરી શરૂ થઈ ગઈ છે. 1920 થી 1930ના દાયકામાં બનાવાયેલું આ હેરિટેજ બિલ્ડિંગ ત્યારેના અમદાવાદ મ્યુનિસિપલ બોરો તરીકે ઓળખાતી સંસ્થાના કાર્યાલય માટે નિર્માણ થયું હતું. આ ઇમારતના આર્કિટેક્ટ આત્મારામ ગજજર હતા, અને તેમાં ઈંટ, ચૂનાનો ઢેળો, લાકડું અને લોખંડનો વ્યાપક ઉપયોગ થયો હતો. રિસ્ટોરેશન દરમ્યાન આ મૂળ સામગ્રીને સ્પર્શ્યા વિના માત્ર મજબૂત બનાવી ઇમારતને તેના ઐતિહાસિક સ્વરૂપમાં જાળવી રાખવાની યોજના છે.
આ ઇમારત તે કારણથી વિશેષ મહત્વ ધરાવે છે કે અહીંથી સરદાર વલ્લભભાઈ પટેલે દરિયાપુર વોર્ડમાંથી ચૂંટાઈ મ્યુનિસિપાલિટીના પ્રથમ પ્રમુખ તરીકે કાર્યભાર સંભાળ્યો હતો. તેમના ઈતિહાસિક યોગદાનને ઉજાગર કરવા માટે હેરિટેજ બિલ્ડિંગના પ્રથમ માળે મ્યુઝિયમ તૈયાર કરાશે જેમાં સરદાર પટેલના જીવન પ્રસંગો, સ્વતંત્રતા આંદોલનમાં આપેલ યોગદાન અને વિવિધ ઘટનાઓને ડિજિટલ મોડ અને ઓડિયો-વિઝ્યુઅલ માધ્યમથી રજૂ કરવામાં આવશે.
મુલાકાતીઓને વધુ સજીવ અનુભવ આપવા માટે “ગાંધી હોલ”માં હોલોગ્રાફિક ઈમેજ વડે સરદાર પટેલ મેયર તરીકે જે ખુરશી પર બેઠા હતા તે ઘટનાને જીવંત રીતે રજૂ કરવામાં આવશે. મળતી માહિતી મુજબ સરદાર પટેલની ઓરિજિનલ ખુરશી આજેય સુરક્ષિત રીતે હાજર છે, જેને કેન્દ્રમાં રાખી હોલોગ્રાફિક ઈમેજ પ્રેઝન્ટેશન તૈયાર કરાશે.
હોળના તળિયે ઇન્ટરપ્રિટેશન સેન્ટર પણ બનાવાશે, જ્યાં શહેરના ઈતિહાસથી લઈને આજ સુધીના વિકાસનો વિઝ્યુઅલ પ્રેઝન્ટેશન કરવામાં આવશે. શહેરના નગર શ્રેષ્ઠીઓના ફોટા, તેમનો પરિચય, અને અમદાવાદ કેવી રીતે વર્લ્ડ હેરિટેજ સિટી બની તે તમામ માહિતીને ઑડિયો-વિઝ્યુઅલ રૂપમાં રજૂ કરાશે.
આ સમગ્ર કાર્યનો હેતુ માત્ર ઇમારતને જાળવવાનો નથી, પણ નાગરિકોને અમદાવાદના ઐતિહાસિક વારસાની અનુભૂતિ કરાવવાનો છે. મ્યુઝિયમની રૂપે આ હેરિટેજ બિલ્ડિંગ નવયુગના અમદાવાદ મ્યુનિસિપલ કોર્પોરેશનના ગૌરવગાથાનું પ્રતિક બની રહેશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
