મહાશિવરાત્રિ મેળા દરમિયાન વધતી મુસાફર ભીડને ધ્યાનમાં રાખીને પશ્ચિમ રેલવે દ્વારા મુસાફરોની સુવિધા માટે વિશેષ ભાડા પર “મહાશિવરાત્રિ મેળા સ્પેશિયલ” ટ્રેનો ચલાવવાનો નિર્ણય લેવામાં આવ્યો છે. રેલવે વિભાગે જણાવ્યું છે કે આ વિશેષ ટ્રેનો યાત્રાળુઓ અને સામાન્ય મુસાફરોને સરળ અને સુવિધાજનક મુસાફરી પૂરી પાડવા માટે શરૂ કરવામાં આવી છે. મંડળ રેલ પ્રબંધક દિનેશ વર્માએ મુસાફરોને અપીલ કરી છે કે તેઓ મુસાફરી પહેલાં ટ્રેનની સમયસૂચિ ચકાસી લે, રેલવે દ્વારા જાહેર કરાયેલા નિયમોનું પાલન કરે તેમજ સ્ટેશન અને ટ્રેનોમાં સ્વચ્છતા જાળવવામાં સહયોગ આપે.
રાજકોટ–વેરાવળ–રાજકોટ અનારક્ષિત દૈનિક સ્પેશિયલ (09513/09514)
ટ્રેન નં. 09513 રાજકોટ–વેરાવળ સ્પેશિયલ દરરોજ સવારે 06:55 વાગ્યે રાજકોટથી પ્રસ્થાન કરીને સવારે 10:55 વાગ્યે વેરાવળ પહોંચશે. વાપસીમાં ટ્રેન નં. 09514 વેરાવળ–રાજકોટ સ્પેશિયલ બપોરે 15:20 વાગ્યે વેરાવળથી પ્રસ્થાન કરીને રાત્રે 20:00 વાગ્યે રાજકોટ પહોંચશે. આ ટ્રેન કેશોદ, જુનાગઢ, જેતલસર, વિરપુર, ગોંડલ અને ભક્તિનગર સ્ટેશનો પર ઠેરાવ કરશે. સેવા 13 ફેબ્રુઆરી 2026 થી 17 ફેબ્રુઆરી 2026 સુધી ઉપલબ્ધ રહેશે.
ભાવનગર–વેરાવળ–ભાવનગર અનારક્ષિત દૈનિક સ્પેશિયલ (09582/09581)
ટ્રેન નં. 09581 વેરાવળ–ભાવનગર ટર્મિનસ સ્પેશિયલ સવારે 06:50 વાગ્યે વેરાવળથી પ્રસ્થાન કરીને બપોરે 14:00 વાગ્યે ભાવનગર પહોંચશે. વાપસીમાં ટ્રેન નં. 09582 ભાવનગર–વેરાવળ સ્પેશિયલ બપોરે 14:50 વાગ્યે ભાવનગરથી નીકળી રાત્રે 21:35 વાગ્યે વેરાવળ પહોંચશે. આ ટ્રેન કેશોદ, જુનાગઢ, જેતલસર, જેતપુર, કુંકાવાવ, લાઠી, ઢસા, ધોળા, સિહોર અને ભાવનગર પરા સ્ટેશનો પર ઠેરાવ કરશે. આ સેવા પણ 13 થી 17 ફેબ્રુઆરી 2026 સુધી ચલાવવામાં આવશે.
વેરાવળ–ગાંધીગ્રામ–વેરાવળ અનારક્ષિત દૈનિક સ્પેશિયલ (09584/09583)
ટ્રેન નં. 09584 વેરાવળ–ગાંધીગ્રામ સ્પેશિયલ સવારે 04:00 વાગ્યે વેરાવળથી પ્રસ્થાન કરીને બપોરે 12:00 વાગ્યે ગાંધીગ્રામ પહોંચશે. વાપસીમાં ટ્રેન નં. 09583 ગાંધીગ્રામ–વેરાવળ સ્પેશિયલ બપોરે 13:00 વાગ્યે ગાંધીગ્રામથી નીકળી રાત્રે 21:00 વાગ્યે વેરાવળ પહોંચશે. આ ટ્રેન કેશોદ, જુનાગઢ, જેતલસર, જેતપુર, કુંકાવાવ, લાઠી, ઢસા, ધોળા, બોટાદ, ધંધુકા, ધોળકા અને બાવળા સ્ટેશનો પર ઠેરાવ કરશે.
વેરાવળ–જૂનાગઢ–વેરાવળ મીટર ગેજ અનારક્ષિત દૈનિક સ્પેશિયલ (09591/09592)
ટ્રેન નં. 09591 વેરાવળ–જૂનાગઢ મીટર ગેજ સ્પેશિયલ સવારે 09:15 વાગ્યે વેરાવળથી પ્રસ્થાન કરીને બપોરે 13:00 વાગ્યે જૂનાગઢ પહોંચશે. વાપસીમાં ટ્રેન નં. 09592 જૂનાગઢ–વેરાવળ સ્પેશિયલ બપોરે 13:25 વાગ્યે જૂનાગઢથી નીકળી સાંજે 17:05 વાગ્યે વેરાવળ પહોંચશે. આ ટ્રેન સવની, તાલાળા જં., ચિત્રાવડ, સાસણ ગીર, કાંસિયાનેસ, સતાધાર, વિસાવદર, જુનીચાવંડ, બિલખા અને તોરણિયા સ્ટેશનો પર ઠેરાવ કરશે.
રેલવે વિભાગે મુસાફરોને આગ્રહ કર્યો છે કે મહાશિવરાત્રિ દરમિયાન વધતી ભીડને ધ્યાનમાં રાખીને સમયસર સ્ટેશન પર પહોંચે અને સુરક્ષા તથા વ્યવસ્થાના નિયમોનું પાલન કરે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
