સુપ્રીમ કોર્ટમાં ચાલી રહેલી શબરીમાલા મંદિર કેસની સુનાવણી દરમિયાન અદાલતે ધાર્મિક સ્વતંત્રતા અને સમાનતા વચ્ચેના સંતુલન અંગે મહત્વપૂર્ણ પ્રશ્નો ઉઠાવ્યા છે.
કોર્ટે પૂછ્યું કે કોઈ બિન-શ્રદ્ધાળુ વ્યક્તિ માત્ર “સમાજ સુધાર”ના નામે સબરીમાલા વિવાદમાં પ્રવેશનો અધિકાર કેવી રીતે માંગી શકે? અદાલતે સ્પષ્ટ કહ્યું કે સમાજ સુધારાના નામે ધર્મની મૂળ ભાવનાને અવગણવી યોગ્ય નથી.
‘ધાર્મિક ઈતિહાસને અવગણવું શક્ય નથી’:
સુનાવણી દરમિયાન જસ્ટિસ B. V. Nagarathnaએ જણાવ્યું કે ભારતની સંસ્કૃતિ અને ધાર્મિક ઈતિહાસને નજરઅંદાજ કરી શકાય નહીં.
તેમણે ઉમેર્યું કે બંધારણની કલમ 25 અને 26 પણ આ ઐતિહાસિક અને સાંસ્કૃતિક પૃષ્ઠભૂમિમાંથી જ વિકસિત થઈ છે, એટલે વર્તમાનને સમજવા માટે ભૂતકાળ મહત્વપૂર્ણ છે.
મહિલાઓના પ્રવેશ મુદ્દે ચર્ચા:
નવ ન્યાયાધીશોની બંધારણીય બેન્ચે જણાવ્યું કે મંદિર પ્રવેશના કેસોમાં દાવો કરનાર વ્યક્તિ ભક્ત છે કે નહીં તે પણ મહત્વપૂર્ણ છે.
આ કેસમાં શબરીમાલા સહિત વિવિધ ધાર્મિક સ્થળોએ મહિલાઓ સાથે થતા કથિત ભેદભાવના મુદ્દાઓ ઉઠાવવામાં આવ્યા છે, જ્યાં અદાલત સમાનતા અને ધાર્મિક સ્વતંત્રતાની વચ્ચે સંતુલન શોધી રહી છે.
વકીલ ઈન્દિરા જયસિંગની દલીલો:
વરિષ્ઠ વકીલ ઈન્દિરા જયસિંગએ દલીલ કરી કે 2018માં સુપ્રીમ કોર્ટે મહિલાઓના પ્રવેશ પરનો પ્રતિબંધ ગેરબંધારણીય જાહેર કર્યો હતો અને આ નિર્ણય હજુ પણ લાગુ છે.
તેમણે આરોપ લગાવ્યો કે રાજ્ય સરકારના અસહયોગને કારણે મહિલાઓને હજુ પણ મંદિરમાં પ્રવેશમાં મુશ્કેલીઓ આવી રહી છે.
જટિલ પ્રશ્નો પર કોર્ટની નોંધ:
કોર્ટે સ્વીકાર્યું કે કોઈ ધાર્મિક પ્રથાને “આવશ્યક” કે “બિન-આવશ્યક” જાહેર કરવું અત્યંત જટિલ કાર્ય છે.
અદાલતે જણાવ્યું કે મહિલાઓને વય જૂથના આધારે રોકવામાં આવતી હતી, સામાજિક વર્ગના આધારે નહીં. સાથે જ કોર્ટે ભારતની વિવિધતાને તેની સૌથી મોટી શક્તિ ગણાવી અને બંધારણની કલમ 26 હેઠળ ધાર્મિક સંસ્થાઓને તેમના આંતરિક મામલાઓ સંચાલિત કરવાનો અધિકાર હોવાનું યાદ અપાવ્યું.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
