Skip to content
સોમવાર, નવેમ્બર 23, 2026 Ahmedabad 24°C

34 વર્ષ બાદ ખુલ્યું વટવા મર્ડર મિસ્ટ્રી : પત્નીની હત્યા કરી ઘરમાં જ દાટી દીધી, 2 આરોપી ઝડપાયા

34 વર્ષ બાદ ખુલ્યું વટવા મર્ડર મિસ્ટ્રી : પત્નીની હત્યા કરી ઘરમાં જ દાટી દીધી, 2 આરોપી ઝડપાયા

અમદાવાદના વટવા વિસ્તારમાં આવેલ કુતુબનગરમાં 1992માં બનેલી એક દિલ દહોળી નાખે તેવી હત્યાની ઘટના 34 વર્ષ બાદ બહાર આવી છે. 29 એપ્રિલ, 2026ના રોજ અમદાવાદ ક્રાઈમ બ્રાન્ચએ આ જૂના કેસનો ભેદ ઉકેલી નાખ્યો, જે માત્ર એક સાક્ષીની માહિતીના આધારે શક્ય બન્યું.

આ કેસમાં પતિએ પોતાના ભાઈ અને મિત્ર સાથે મળીને પત્નીની હત્યા કરી અને લાશને ઘરના અંદર જ દાટી દીધી હતી. વર્ષો સુધી આ મકાન બંધ રહ્યું હતું અને આસપાસના લોકોમાં ભૂત હોવાની અફવા ફેલાઈ ગઈ હતી.

કેવી રીતે ખુલ્યો 34 વર્ષ જૂનો કેસ?

ક્રાઈમ બ્રાન્ચના પીઆઈ એ.પી. જેબલિયાની ટીમને થોડા દિવસ પહેલા માત્ર એટલી જ માહિતી મળી કે કુતુબનગરમાં વર્ષો પહેલા એક યુવતીની હત્યા કરીને લાશ દાટી દેવામાં આવી હતી. આ મર્યાદિત માહિતીના આધારે પોલીસએ તપાસ શરૂ કરી.

10-12 દિવસ સુધી વિસ્તારની તપાસ બાદ એક મકાન ઘણા વર્ષોથી બંધ હોવાનું સામે આવ્યું. સ્થાનિક લોકોથી પૂછપરછ કરતાં જાણવા મળ્યું કે છેલ્લા 8-10 વર્ષથી આ મકાન બંધ છે અને લોકો તેને ભૂતિયું માને છે.

JCBથી ખોદકામ, મળ્યા માનવ હાડકાં

પોલીસે ઉચ્ચ અધિકારીઓની મંજૂરી લઈને એક્ઝિક્યુટિવ મેજિસ્ટ્રેટની હાજરીમાં JCB મશીન દ્વારા ખોદકામ શરૂ કર્યું. 29 એપ્રિલના સવારે 8 વાગ્યાથી રાત્રે 10 વાગ્યા સુધી ચાલેલી કામગીરી દરમિયાન શરૂઆતમાં નાના અવશેષો અને બાદમાં મોટા હાડકાં મળી આવ્યા.

ફોરેન્સિક સાયન્સ લેબોરેટરીની ટીમે તમામ અવશેષો એકત્ર કરીને DNA પરીક્ષણ માટે મોકલ્યા.

તપાસમાં ખુલાસો: દેહવ્યાપારના કારણે હત્યા

તપાસ દરમિયાન સામે આવ્યું કે મૃતક યુવતી (નામ બદલ્યું છે – સમીરા) ધોળકાની રહેવાસી હતી અને લગ્ન બાદ પતિથી અલગ થઈને દેહવ્યાપારમાં જોડાઈ ગઈ હતી.

અમદાવાદમાં તેની મુલાકાત શમસુદ્દીન નામના યુવક સાથે થઈ અને બંનેએ લગ્ન કર્યા. પરંતુ લગ્ન બાદ પણ યુવતીએ દેહવ્યાપાર ચાલુ રાખતા પતિ શમસુદ્દીન કંટાળી ગયો હતો.

હત્યાનો પ્રિ-પ્લાન: ભાઈ અને મિત્ર સાથે મળીને કાવતરું

શમસુદ્દીને પોતાના ભાઈ ઈકબાલ અને મિત્ર અબ્દુલ કરીમ સાથે મળીને પત્નીની હત્યા કરવાનો પ્લાન બનાવ્યો. આ માટે સાલીયા બીબી નામની ઓળખીતાની મદદ લેવામાં આવી.

પ્લાન મુજબ, શમસુદ્દીન પત્નીને સાલીયા બીબીના ઘરે લઈ ગયો, જ્યાં રાત્રે ઊંઘમાં ગળું દબાવી ચારેય જણાએ મળીને તેની હત્યા કરી.

ઘરમાં જ દાટી દીધી લાશ

હત્યાથી પહેલાં જ ઘરમાં ખાડો (કૂવો) ખોદીને રાખવામાં આવ્યો હતો. હત્યા બાદ લાશને તેમાં નાંખી ઉપરથી પ્લાસ્ટર કરી દેવામાં આવ્યું. ત્યારબાદ આરોપીઓ સામાન્ય જીવન જીવતા રહ્યા અને વર્ષો સુધી કોઈને આ ઘટના અંગે શંકા પણ ન થઈ.

હાલની સ્થિતિ: બે આરોપી મોતને ભેટ્યા, બે ઝડપાયા

આ કેસના ચાર આરોપીઓમાંથી અબ્દુલ કરીમ અને સાલીયા બીબીનું કુદરતી મોત થઈ ચૂક્યું છે. જ્યારે મુખ્ય આરોપી શમસુદ્દીન અને તેનો ભાઈ ઈકબાલ હાલ જીવિત છે અને પોલીસે બંનેની અટકાયત કરી છે.

 

 

અમારી યુટ્યુબ ચેનલને લાઈક, શેર અને સબસ્ક્રાઈબ કરશો

हमारी यूट्यूब चैनल को लाइक, शेयर और सब्सक्राइब करे

Like, Share and Subscribe our YouTube channel

🔗 https://www.youtube.com/@oneindianewscom-Gujarat

🔗 https://www.youtube.com/@oneindianewscom

Filed under Ahmedabad Gujarat

Share this story

Latest News

View all
All latest news

Explore Districts

News from every corner of Gujarat.