માનવજાત માટે ઐતિહાસિક ક્ષણ સર્જતા NASAના Artemis II મિશનના ચાર અવકાશયાત્રીઓ ચંદ્રની પરિક્રમા કરીને સફળતાપૂર્વક પૃથ્વી પર પરત ફર્યા છે. લગભગ 50 વર્ષ બાદ માનવીનું ઊંડા અવકાશમાંથી આ પ્રથમ સફળ પુનરાગમન ગણાય છે, જે અંતરિક્ષ અન્વેષણના નવા યુગની શરૂઆત કરે છે.
શુક્રવારે રાત્રે (ભારતીય સમય મુજબ શનિવારે સવારે) Orion spacecraft પ્રશાંત મહાસાગરમાં સુરક્ષિત રીતે ઉતર્યું હતું. આ ઉતરાણ San Diegoના કિનારે કરવામાં આવ્યું હતું, જ્યાં રિકવરી ટીમોએ ઝડપથી અવકાશયાત્રીઓને બહાર કાઢી સુરક્ષિત રીતે જહાજ પર પહોંચાડ્યા હતા.
સફળ લેન્ડિંગ અને રિકવરી
આ મિશનમાં ચાર અવકાશયાત્રીઓ — રીડ વાઈઝમેન, વિક્ટર ગ્લોવર, ક્રિસ્ટીના કોચ અને જેરેમી હેન્સન સામેલ હતા. પેરાશૂટ સિસ્ટમની મદદથી કેપ્સ્યુલનું નિયંત્રિત સ્પ્લેશડાઉન કરવામાં આવ્યું હતું.
લેન્ડિંગ બાદ મિશન કમાન્ડર રીડ વાઈસમેને કહ્યું કે, “આ અદ્ભુત સફર રહી! અમે ચારેય સુરક્ષિત અને સ્વસ્થ છીએ.”
Orion's main parachute has deployed. The spacecraft has a system of 11 chutes that will slow it down from around 300 mph to 20 mph for splashdown.
Get more updates on the Artemis II blog: https://t.co/7gicm7DWBt pic.twitter.com/ReXHTfkFld
— NASA (@NASA) April 11, 2026
મિશનની મુખ્ય સિદ્ધિઓ
🔹 રેકોર્ડ અંતર:
આ મિશનમાં અવકાશયાત્રીઓએ પૃથ્વીથી અંદાજે 2,52,756 માઈલ દૂર સુધી મુસાફરી કરીને અગાઉના Apollo 13ના રેકોર્ડને પાછળ છોડ્યો છે.
🔹 ઐતિહાસિક પ્રથમ સિદ્ધિઓ:
- વિક્ટર ગ્લોવર ચંદ્ર સુધી પહોંચનાર પ્રથમ અશ્વેત અવકાશયાત્રી બન્યા
- ક્રિસ્ટીના કોચ ચંદ્ર સુધી પહોંચનાર પ્રથમ મહિલા
- જેરેમી હેન્સન પ્રથમ કેનેડિયન અવકાશયાત્રી બન્યા
🔹 ચંદ્રનું નિરીક્ષણ:
ક્રૂએ ચંદ્રની પાછળની બાજુ (Far Side) અને પ્રાચીન ક્રેટર્સનું નજીકથી નિરીક્ષણ કર્યું, જે ભવિષ્યના વૈજ્ઞાનિક અભ્યાસ માટે મહત્વપૂર્ણ છે.
Big smiles from Christina and Victor on the deck of the USS John P. Murtha, as they waited to be escorted for their routine post-mission medical checks. pic.twitter.com/3KwZFXTLhI
— NASA (@NASA) April 11, 2026
પડકારજનક પુનઃપ્રવેશ
પૃથ્વીના વાતાવરણમાં પુનઃપ્રવેશ મિશનનો સૌથી જોખમી તબક્કો હતો. ઓરિયન સ્પેસક્રાફ્ટ આશરે 25,000 માઈલ પ્રતિ કલાકની ઝડપે વાતાવરણમાં પ્રવેશ્યું હતું અને લગભગ 5,000 ડિગ્રી ફેરનહિટ જેટલું તાપમાન સહન કર્યું હતું.
સફળ ઉતરાણ બાદ તમામ અવકાશયાત્રીઓને હેલિકોપ્ટર દ્વારા યુએસએસ જોન પી. મુર્થા જહાજ પર લઈ જવામાં આવ્યા હતા, જ્યાં તેમની તાત્કાલિક મેડિકલ તપાસ કરવામાં આવી.
નાસાનો પ્રતિભાવ
નાસાના પ્રશાસક જેરેડ આઇઝેકમેન એ જણાવ્યું કે, “આ મિશન વિશ્વને બતાવે છે કે શું શક્ય છે. સમગ્ર ટીમે દિવસ-રાત મહેનત કરીને આ સફળતા હાંસલ કરી છે.”
ભવિષ્યનું લક્ષ્ય – આર્ટેમિસ III
આ મિશનની સફળતા હવે આગામી આર્ટેમિસ III માટે માર્ગ મોકળો કરે છે. તેનો મુખ્ય ઉદ્દેશ્ય દાયકાના અંત સુધીમાં ચંદ્રની સપાટી પર ફરીથી માનવીને ઉતારવાનો અને ત્યાં લાંબા ગાળાની હાજરી સ્થાપિત કરવાનો છે.
અમેરિકાના પૂર્વ રાષ્ટ્રપતિ ડોનાલ્ડ ટ્રમ્પએ પણ આ સિદ્ધિને ‘અદભૂત’ ગણાવી અને ટૂંક સમયમાં ક્રૂને વ્હાઇટ હાઉસમાં આમંત્રિત કરવાની ઈચ્છા વ્યક્ત કરી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
