વડાપ્રધાન નરેન્દ્ર મોદીએ વૈશ્વિક તણાવના સમયમાં ઈંધણ બચાવવા કરેલી અપીલ બાદ ઉભી થયેલી ચિંતાઓ વચ્ચે કેન્દ્ર સરકારે સ્પષ્ટતા કરી છે કે દેશમાં પેટ્રોલ, ડીઝલ, LPG અને ક્રૂડ ઓઈલની કોઈ અછત નથી. સરકારે નાગરિકોને અપીલ કરી છે કે ગભરાવાની કે પેનિક બાયિંગ કરવાની કોઈ જરૂર નથી.
આ સ્પષ્ટતા એવા સમયે આવી છે જ્યારે પશ્ચિમ એશિયામાં ચાલી રહેલા સંઘર્ષના કારણે વૈશ્વિક ઊર્જા બજારમાં અસ્થિરતા જોવા મળી રહી છે.
#WATCH | Delhi: Sujata Sharma, Joint Secretary (Marketing & Oil Refinery), Ministry of Petroleum & Natural Gas, says, "There have been disruptions in the global energy supply chain across the world. Significant price volatility is being observed in the international market.… pic.twitter.com/6TfSZeOk8l
— ANI (@ANI) May 11, 2026
સરકારની આંતર-મંત્રાલય બેઠકમાં મોટો ખુલાસો
સોમવારે યોજાયેલી આંતર-મંત્રાલય (Inter-Ministerial) બ્રીફિંગમાં અધિકારીઓએ જણાવ્યું કે ભારત પાસે ઈંધણનો પૂરતો સ્ટોક ઉપલબ્ધ છે અને સપ્લાય ચેઇન સંપૂર્ણ રીતે સ્થિર છે.
પેટ્રોલિયમ અને કુદરતી ગેસ મંત્રાલયના જોઇન્ટ સેક્રેટરીએ જણાવ્યું કે ભારત તેની ઊર્જા જરૂરિયાતનો મોટો ભાગ આયાત કરે છે, જેમાંથી લગભગ 90% સપ્લાય અસરગ્રસ્ત વિસ્તારોમાંથી આવે છે, છતાં સરકાર સતત વૈકલ્પિક વ્યવસ્થા અને રિઝર્વ સ્ટોક મજબૂત બનાવી રહી છે.
“અછત નથી, અપીલ માત્ર બચત માટે છે” – સરકારની સ્પષ્ટતા
અધિકારીઓએ સ્પષ્ટ કર્યું કે વડાપ્રધાનની અપીલને અછત સાથે જોડીને જોવી યોગ્ય નથી. આ સંદેશ માત્ર ઊર્જા સંરક્ષણ અને વૈશ્વિક અનિશ્ચિતતામાં આર્થિક બોજ ઘટાડવા માટે આપવામાં આવ્યો છે.
સરકારે કહ્યું કે બિનજરૂરી મુસાફરી ઘટાડવી, ઈંધણનો સંયમિત ઉપયોગ કરવો અને ઊર્જા બચાવવાની આદત વિકસાવવી એ મુખ્ય હેતુ છે.
#WATCH | Delhi: Sujata Sharma, Joint Secretary (Marketing & Oil Refinery), Ministry of Petroleum & Natural Gas, says, "I would like to convey to you that the Prime Minister has urged all citizens of the country to reduce their consumption of petrol and diesel. Wherever possible,… pic.twitter.com/cWCaGFZfgR
— ANI (@ANI) May 11, 2026
ભારતનો ઊર્જા પુરવઠો સુરક્ષિત
વિદેશ મંત્રાલયે જણાવ્યું કે ભારત સતત વિવિધ દેશો પાસેથી ઊર્જા ખરીદી માટે પ્રયાસ કરી રહ્યું છે જેથી પુરવઠામાં કોઈ વિક્ષેપ ન આવે.
સરકારનું વલણ સ્પષ્ટ છે કે ભારત હંમેશા શાંતિ અને સંવાદનું સમર્થન કરે છે અને વૈશ્વિક સંકટ વચ્ચે પણ ઊર્જા સુરક્ષા જાળવવી તેની પ્રાથમિકતા છે.
સમુદ્રી માર્ગે પણ સ્થિતિ નિયંત્રણમાં
બંદર અને શિપિંગ મંત્રાલયના અધિકારીએ માહિતી આપી કે અત્યાર સુધી 10 ભારતીય ધ્વજ ધરાવતા જહાજો હોર્મુઝ સ્ટ્રેટમાંથી સુરક્ષિત રીતે બહાર નીકળી ગયા છે.
હાલમાં 13 જહાજો આ વિસ્તારમાં હાજર છે અને તેમને સુરક્ષિત રીતે પાછા લાવવાની પ્રક્રિયા ચાલુ છે. ક્રૂ સભ્યોની સુરક્ષા અને સુખાકારી પર ખાસ ધ્યાન આપવામાં આવી રહ્યું છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
🔗 https://www.youtube.com/@oneindianewscom-Gujarat
🔗 https://www.youtube.com/@oneindianewscom
