અદાણી એન્ટરપ્રાઈઝ અને એજ કોનેક્સ (EdgeConneX)ની સંયુક્ત સાહસિક કંપની AdaniConneX અને ગૂગલએ આજે આંધ્રપ્રદેશના વિશાખાપટ્ટનમમાં ભારતના સૌથી મોટા AI ડેટા સેન્ટર કેમ્પસ અને નવા ગ્રીન એનર્જી ઇન્ફ્રાસ્ટ્રક્ચર વિકસાવવા માટે એક ઐતિહાસિક ભાગીદારીની જાહેરાત કરી છે. આ પ્રોજેક્ટ હેઠળ ગૂગલ આગામી પાંચ વર્ષમાં (2026 થી 2030) આશરે 15 અબજ ડોલર (લગભગ ₹1.25 લાખ કરોડ)નું રોકાણ કરશે. આ રોકાણ દ્વારા વિશાખાપટ્ટનમમાં વિશ્વસ્તરીય ગૂગલ એઆઈ હબ ગીગાવોટ-સ્કેલ ડેટા સેન્ટર વિકસાવવામાં આવશે, જે અદ્યતન સબ-સી કેબલ નેટવર્ક અને સ્વચ્છ ઉર્જા પર આધારિત રહેશે. આ પ્રોજેક્ટ ભારતના વધતા એઆઈ વર્કલોડને સંચાલિત કરવામાં મહત્વપૂર્ણ ભૂમિકા ભજવશે અને દેશના ડિજિટલ ઈકોસિસ્ટમમાં અદાણીકોનેક્સ, એરટેલ સહિતના ભાગીદારો વચ્ચેની ભાગીદારીને વધુ મજબૂત બનાવશે.
આ ગૂગલ એઆઈ હબનું નિર્માણ અદાણીકોનેક્સ સાથે સહયોગમાં કરવામાં આવી રહ્યું છે, જેમાં હેતુ-નિર્મિત એઆઈ ડેટા સેન્ટર ઈન્ફ્રાસ્ટ્રક્ચરનો સમાવેશ છે. આ હબ ભારતની એઆઈ ક્ષમતામાં ક્રાંતિકારી પરિવર્તન લાવશે. પ્રોજેક્ટ ટકાઉ વિકાસના સિદ્ધાંત પર આધારિત છે, જેમાં નવી ટ્રાન્સમિશન લાઇન, ક્લિન એનર્જી પ્રોડક્ટ્સ, અને ઈનોવેટિવ એનર્જી સ્ટોરેજ સિસ્ટમ્સ વિકસાવવા માટે બંને કંપનીઓ સંયુક્ત રોકાણ કરશે. આ રોકાણ ફક્ત ડેટા સેન્ટરની કામગીરીને ટેકો આપશે નહીં, પરંતુ ભારતના વીજળી ગ્રીડને પણ વધુ મજબૂત બનાવશે, જેના પરિણામે રાષ્ટ્રીય સ્તરે ઊર્જા કાર્યક્ષમતામાં વધારો થશે.
A monumental day for India!
Adani is proud to partner with @Google to build India’s largest AI data centre campus – in Visakhapatnam – engineered specifically for the demands of artificial intelligence.
This facility will house the TPU and GPU-based compute power required for… pic.twitter.com/leypKgPTAb
— Gautam Adani (@gautam_adani) October 14, 2025
અદાણી ગ્રુપના ચેરમેન ગૌતમ અદાણીએ આ પ્રસંગે જણાવ્યું કે, “અમે ગૂગલ સાથે આ ઐતિહાસિક પ્રોજેક્ટ માટે ભાગીદારી કરવા ગર્વ અનુભવી રહ્યા છીએ. આ પ્રોજેક્ટ ફક્ત ડિજિટલ ઈન્ફ્રાસ્ટ્રક્ચરમાં રોકાણ નથી, પરંતુ ભારતના ઉજ્જવળ ભવિષ્યમાં રોકાણ છે. આ ભાગીદારી રાષ્ટ્ર નિર્માણ માટેના અમારા સહિયારા દ્રષ્ટિકોણ અને 21મી સદીના સાધનો દ્વારા દરેક ભારતીયને સશક્ત બનાવવાની પ્રતિબદ્ધતાનું પ્રતિબિંબ છે. વિશાખાપટ્ટનમ હવે વૈશ્વિક ટેકનોલોજી હબ તરીકે ઉભરી આવશે.”
તે જ સમયે, ગૂગલ ક્લાઉડના સીઈઓ થોમસ કુરિયનએ જણાવ્યું કે, “એઆઈના યુગમાં ભારતની વિશાળ સંભાવનાઓને સાકાર કરવા માટે અમે ગૂગલ એઆઈ હબમાં રોકાણ કરી રહ્યા છીએ. આ પ્લેટફોર્મ બિઝનેસ, રિસર્ચર્સ અને ક્રિએટર્સને એઆઈ દ્વારા નવીનતા અને વિકાસ માટે વૈશ્વિક સ્તર પર તક પૂરી પાડશે. અદાણી સાથે મળીને અમે એવા સંસાધનો પ્રદાન કરીશું, જે પ્રદર્શન, સુરક્ષા અને સ્કેલેબિલિટીમાં અગ્રણી રહેશે.”
આ વિશાળ પ્રોજેક્ટ માત્ર ટેકનોલોજી ક્ષેત્રમાં જ નહીં, પરંતુ આંધ્રપ્રદેશના આર્થિક વિકાસમાં પણ મોટું યોગદાન આપશે. વિશાખાપટ્ટનમને કેન્દ્રમાં રાખીને આ એઆઈ હબ ટેકનોલોજી, બાંધકામ અને સ્વચ્છ ઊર્જા ક્ષેત્રોમાં હજારો નવી નોકરીઓનું સર્જન કરશે. આ ડિજિટલ ઈન્ફ્રાસ્ટ્રક્ચર અને કનેક્ટિવિટી ગેટવે સમગ્ર ભારતમાં ડિજિટલ સમાવેશ અને ઈનોવેશનને વેગ આપશે, જેના પરિણામે ભારતના જીડીપી ગ્રોથ અને વૈશ્વિક ડિજિટલ ઉપસ્થિતિમાં નોંધપાત્ર વધારો થશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
