બગસરામાં રામકથા સાથે મેઘાણીગાથા પ્રદર્શનનો રસિકોને મળ્યો લાભ

બગસરામાં મોરારિબાપુના વ્યાસાસને રામકથા ‘માનસ મેઘાણી’ સાથે ઝવેરચંદ મેઘાણી સંદર્ભે સુંદર ઉપક્રમ યોજાયો છે, આ રામકથા સાથે મેઘાણીગાથા પ્રદર્શનનો રસિકોને લાભ મળ્યો છે.

રાષ્ટ્રીય શાયર ઝવેરચંદ મેઘાણીની પૈતૃકભૂમિ બગસરામાં સનાતન સંસ્કૃતિ અને શાસ્ત્રોના મહિમાસભર સંદેશા સાથે મોરારિબાપુના વ્યાસાસને રામકથા યોજાયેલ છે. આ રામકથા ‘માનસ મેઘાણી’ સાથે ઝવેરચંદ મેઘાણી સંદર્ભે સુંદર પ્રદર્શન ઉપક્રમ યોજાયો છે. આ રામકથા શ્રવણ સાથે મેઘાણીગાથા પ્રદર્શનનો રસિકોને લાભ મળ્યો છે

સાહિત્યકાર અને લોકસાહિત્યના સંશોધનકાર સાથે પત્રકાર અને સ્વાતંત્ર્ય સેનાની ઝવેરચંદ મેઘાણીની પૂણ્યસ્મૃતિ સાથેની રામકથામાં પિનાકી મેઘાણી દ્વારા આ પ્રદર્શન આયોજન થયું છે.

આ પ્રદર્શનમાં મેઘાણીબાપાની જીવનકાર્ય ગાથા સાથેના દસ્તાવેજી ચિત્ર અહેવાલ અને ઐતિહાસિક વિગતો મૂકવામાં આવેલ છે.