રાષ્ટ્રીય સ્વયંસેવક સંઘ (RSS)ના સરસંઘચાલક મોહન ભાગવતે દિલ્હીના હરિયાણા ભવનમાં એક મહત્વપૂર્ણ બેઠક યોજી જેમાં દેશભરના 70થી વધુ મુસ્લિમ ધર્મગુરુઓ, મૌલાનાઓ, બૌદ્ધિકો અને મુસ્લિમ સમાજના અગ્રણીઓએ હાજરી આપી. લગભગ ત્રણ કલાક ચાલેલી આ બેઠકમાં સામૂહિક સહઅસ્તિત્વ, ધર્મીય સંવાદ અને દેશના સંયુક્ત ભવિષ્ય વિષે ચર્ચા કરવામાં આવી. ભાગવત સાથે RSSના મહાસચિવ દત્તાત્રેય હોસાબલે, સંયુક્ત મહાસચિવ કૃષ્ણ ગોપાલ, રામલાલ અને ઇન્દ્રેશ કુમાર જેવા ઉચ્ચ પદાધિકારીઓ હાજર રહ્યા, જ્યારે મુસ્લિમ તરફથી ઓલ ઈન્ડિયા ઈમામ ઓર્ગેનાઈઝેશનના પ્રમુખ ઉમર અહેમદ ઇલિયાસ હાજર રહ્યા.
આ પ્રકારની બેઠક અગાઉ પણ 2022માં યોજાઈ હતી, જેમાં મોહન ભાગવતે મુસ્લિમ ધાર્મિક નેતાઓને મળ્યા હતા અને તેઓ મસ્જિદની મુલાકાતે પણ ગયા હતા. RSS ઘણા સમયથી પોતાના સંલગ્ન સંગઠન મુસ્લિમ રાષ્ટ્રીય મંચ (MRM) મારફતે મુસ્લિમ સમાજ સાથે સંવાદ સ્થાપિત કરતું રહ્યું છે. ભાગવતે અગાઉ જણાવ્યું હતું કે હિન્દુ અને મુસ્લિમના પૂર્વજો એક જ છે અને મુસ્લિમોએ ભારતમાં ડરવાની જરૂર નથી. તેમણે હિન્દુ શબ્દને એક સંસ્કૃતિ તરીકે વ્યાખ્યાયિત કરી જે બધાને જોડે છે.
RSS નેતા ઇન્દ્રેશ કુમાર પણ 2022માં હઝરત નિઝામુદ્દીન દરગાહ પર ચાદર ચઢાવી અને દીવો પ્રગટાવી શાંતિ અને સૌહાર્દનો સંદેશ આપ્યો હતો. મોહન ભાગવતના તાજેતરના નિવેદન પ્રમાણે, “ઈસ્લામની પૂજા ફક્ત ભારતમાં જ સુરક્ષિત છે” અને “હું ભારતને વૈવિધ્યથી ભરેલ પણ સહઅસ્તિત્વ અને સર્વોપરિ ભાષા-સંસ્કૃતિ ધરાવતું રાષ્ટ્ર બનાવવા માંગું છું”.
ભાગવતે વધુમાં કહ્યું- હિન્દુ એ જાતિ કે ભાષાનું નામ નથી. તે એક પરંપરાનું નામ છે જે દરેક વ્યક્તિના વિકાસ અને ઉત્થાનનું માર્ગદર્શન કરે છે. પછી ગમે તે ભાષા, સંપ્રદાય કે ધર્મના હોય, તેઓ હિન્દુ છે. તેથી, સમજદાર મુસ્લિમ નેતાઓએ કટ્ટરપંથીઓ સામે મજબૂતાઈથી ઊભા રહેવું જોઈએ.
મુસ્લિમ, મુસ્લિમો અને મસ્જિદ પર ભાગવતના 2 નિવેદનો
ડિસેમ્બર 2024: મંદિર-મસ્જિદ વિવાદ દરરોજ ઉઠાવવામાં આવી રહ્યો છે મોહન ભાગવતે કહ્યું હતું કે – અયોધ્યામાં રામ મંદિરના નિર્માણ પછી, કેટલાક લોકો માને છે કે તેઓ આવા મુદ્દાઓ ઉઠાવીને હિન્દુઓના નેતા બનશે. આ સ્વીકારી શકાય નહીં. ભારતે બતાવવાની જરૂર છે કે આપણે સાથે રહી શકીએ છીએ. આપણે લાંબા સમયથી સદભાવના સાથે રહીએ છીએ.
જાન્યુઆરી 2023: ઇસ્લામ ફક્ત ભારતમાં જ સુરક્ષિત છે RSSના વડા મોહન ભાગવતે કહ્યું હતું કે- ઇસ્લામની પૂજા ફક્ત ભારતમાં જ સુરક્ષિત છે. કેટલાક ધર્મો ભારતની બહારના હતા, જે બહાર હતા તે જતા રહ્યા. હવે તેમને સુધારવાની જવાબદારી આપણી છે. ઇસ્લામે સમગ્ર વિશ્વ પર આક્રમણ કર્યું, તે સ્પેનથી મંગોલિયા સુધી ફેલાયું.
આ બેઠક અને ભાગવતના નિવેદનો RSSની બદલાતી અભિગમ અને દેશમાં ધાર્મિક સમરસતા માટે સંઘના પ્રયાસોને દર્શાવે છે.
