રાષ્ટ્રીય જનતાદળના પ્રમુખ લાલુ પ્રસાદ યાદવના પરિવારમાં ચાલતા તણાવ વચ્ચે પુત્રી રોહિણી આચાર્ય ફરી એક વખત ભાઈ તેજસ્વી યાદવ પર આકરા સવાલો લઈને સામે આવી છે. થોડા દિવસો પહેલાં બંને વચ્ચે સર્જાયેલા વિવાદે બિહારના રાજકારણમાં ભારે ચર્ચા જગાવી હતી, અને હવે રોહિણી ફરી કિડની દાનના મુદ્દે તેજસ્વીને નિશાને લઈ રહી છે.
રોહિણીના અપ્રત્યક્ષ પ્રહાર — તેજસ્વી અને સલાહકાર સંજય યાદવ પર નિશાના
રોહિણી આચાર્યે સોશિયલ મીડિયા પ્લેટફોર્મ ‘X’ પર પોસ્ટ કરીને કહ્યું કે કેટલાક લોકો લાલુ પ્રસાદ યાદવ માટે સંવેદના બતાવે છે, પરંતુ જ્યારે વાસ્તવિક સમયે પિતાને કિડની આપવાની બાબત આવે ત્યારે તે સંવેદનાઓ ગાયબ થઈ જાય છે. તેમણે નામ લીધા વિના ઇશારામાં ભાઈ તેજસ્વી યાદવ અને તેમના સલાહકાર સંજય યાદવ પર પ્રહાર કર્યા.
“તેજસ્વીએ પિતાને કિડની કેમ ન આપી?” — રોહિણીના તીખા સવાલ
રોહિણી મુજબ, એક પત્રકારને ફોન કરીને તેમણે સવાલ કર્યો કે, ‘‘તમે ટીવી પર શું કહ્યું? મારા પિયરમાં હું કેટલા વખત જઈ છું કે કેટલો સમય રોકાઉં છું, તેનો કોઈ ડેટા તમારા પાસે છે?’’ તેમણે સ્પષ્ટ શબ્દોમાં પૂછ્યું કે, ‘‘જ્યારે પિતાને કિડની આપવાની જરૂર હતી ત્યારે તેજસ્વી આગળ કેમ ન આવ્યા? તેઓએ લાલુ યાદવને કિડની કેમ ન આપી?’’
રોહિણીએ આગળ કહ્યું કે કિડની આપવાની વાત કરવી ખૂબ સહેલી છે, પરંતુ વાસ્તવમાં આ નિર્ણય ઘણો મોટો હોય છે. ‘‘લોકો તો લોહી આપવા ડરે છે, તો કિડની આપશે ક્યાંથી?’’ એમ તેઓએ ઉમેર્યું.
“લાલુજીના નામે કિડની દાન કરો” — રોહિણીનો ટીકાકારોને પડકાર
રોહિણીએ પોતાની પોસ્ટમાં લખ્યું કે જો લોકો ખરેખર લાલુ પ્રસાદ યાદવના નામે કંઈ સારું કરવા માંગે છે, તો ખોટી લાગણીઓ છોડીને દેશના તે લાખો દર્દીઓની મદદ કરવી જોઈએ, જેઓ કિડનીની અછતને કારણે જીવમરણની સ્થિતિમાં છે.
પરિણીત પુત્રી દ્વારા કિડની દાન પર સવાલ કરનારાઓને જડબાતોડ જવાબ
જ્યારે રોહિણીએ પિતાને કિડની આપવાનો નિર્ણય લીધો હતો ત્યારે અનેક લોકોએ તેનો વિરોધ કર્યો હતો. હવે રોહિણી તેમને ખુલ્લો પડકાર આપીને કહે છે, ‘‘જે લોકોને પરિણીત પુત્રી દ્વારા કિડની દાન આપવું અયોગ્ય લાગે છે, તેઓ જાહેર મંચ પર આવીને મારી સાથે ચર્ચા કરે.’’
તેમણે વધુમાં કહ્યું, ‘‘જે લોકો પુત્રીની કિડનીને ‘ગંદી’ કહેતા હતા, તેમણે જ સૌપ્રથમ કિડની દાન કરવાની શરૂઆત કરવી જોઈએ.’’
વિવાદ વચ્ચે લાલુ યાદવનું નિવેદન
પરિવારમાં વધતા મતભેદ વચ્ચે લાલુ પ્રસાદ યાદવએ પ્રતિભાવ આપ્યો છે. તેમણે કહ્યું કે આ સંપૂર્ણપણે પારિવારિક મામલો છે અને તેનો ઉકેલ પરિવારની અંદર જ લાવવામાં આવશે. ‘‘હું છું ને, બધું સંભાળી લેશે,’’ એમ તેમણે કહ્યું.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
