પશ્ચિમ બંગાળની મુલાકાતે આવેલા ગૃહમંત્રી અમિત શાહે કોલકાતામાં યોજાયેલી પત્રકાર પરિષદમાં તૃણમૂલ કોંગ્રેસ (TMC) સરકાર પર કડક પ્રહારો કર્યા. તેમણે કહ્યું કે છેલ્લા 15 વર્ષમાં બંગાળ ભય, ભ્રષ્ટાચાર, કુશાસન અને ઘૂસણખોરીનું કેન્દ્ર બની ગયું છે. અમિત શાહે દાવો કર્યો કે બંગાળની સરહદ પારથી થતી ઘૂસણખોરી માત્ર રાજ્ય નહીં પરંતુ સમગ્ર દેશની સુરક્ષા માટે ગંભીર ખતરો છે અને દેશની સંસ્કૃતિ તથા સુરક્ષાનું રક્ષણ કરવા માટે બંગાળની સરહદોને સીલ કરતી મજબૂત સરકાર જરૂરી છે. તેમણે કહ્યું કે આ કામ TMC કરી શકતી નથી, ફક્ત ભાજપ જ કરી શકે છે.
શાહે સ્પષ્ટ કહ્યું કે જો 2026ની વિધાનસભા ચૂંટણી બાદ બંગાળમાં ભાજપની સરકાર બને છે તો ઘૂસણખોરોને પસંદગીપૂર્વક બહાર કાઢવામાં આવશે, વિકાસની ગતિ તેજ થશે અને રાજ્યના સાંસ્કૃતિક વારસાને પુનર્જીવિત કરવામાં આવશે. તેમણે ઉમેર્યું કે 14-15 વર્ષથી ભય અને ભ્રષ્ટાચાર બંગાળની ઓળખ બની ગયા છે, પરંતુ 15 એપ્રિલ 2026 પછી ભાજપની સરકાર બનતા જ ‘બંગ ગૌરવ’, બંગ સંસ્કૃતિ અને તેના પુનર્જાગરણની શરૂઆત થશે. અમિત શાહે કહ્યું કે ભાજપ વિવેકાનંદજી, બંકિમચંદ્ર ચટ્ટોપાધ્યાય, ગુરુદેવ રવિન્દ્રનાથ ટાગોર અને શ્યામા પ્રસાદ મુખર્જીના સપનાનું બંગાળ બનાવવાનો પ્રયાસ કરશે.
Live from the press conference in Kolkata, West Bengal.
পশ্চিমবঙ্গের কলকাতা থেকে সরাসরি সাংবাদিক সম্মেলন। https://t.co/cpiLQd4IKO
— Amit Shah (@AmitShah) December 30, 2025
ગૃહમંત્રીએ બંગાળના લોકોને ખાતરી આપી કે વડાપ્રધાન નરેન્દ્ર મોદીના નેતૃત્વમાં ભાજપ સરકાર રચાશે તો ગરીબોના કલ્યાણને પ્રાથમિકતા મળશે અને વિકાસની ગંગા ફરીથી ઝડપી ગતિએ વહેવા લાગશે. આ સાથે તેમણે 30 ડિસેમ્બરનું ઐતિહાસિક મહત્વ સમજાવતા કહ્યું કે 1943માં આ જ દિવસે બંગાળના મહાન સ્વાતંત્ર્ય સેનાની સુભાષ ચંદ્ર બોઝે પોર્ટ બ્લેરમાં પ્રથમ વખત સ્વતંત્ર ભારતનો ધ્વજ ફરકાવ્યો હતો, જે સ્વાતંત્ર્ય સંગ્રામનો ગૌરવપૂર્ણ ક્ષણ હતો. તેમણે જણાવ્યું કે આજથી એપ્રિલ સુધીનો સમય બંગાળ માટે મહત્વપૂર્ણ છે, કારણ કે આવનારી વિધાનસભા ચૂંટણીમાં બંગાળના લોકો ભય અને ભ્રષ્ટાચારને બદલે વિકાસ, વારસો અને ગરીબોના કલ્યાણ આધારિત મજબૂત સરકાર બનાવવા માટે પ્રતિબદ્ધ છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
