નડિયાદ સ્થિત શ્રી સંતરામ તપોવન વિદ્યાપીઠના જુનિયર કેજી અને સિનિયર કેજીના વિદ્યાર્થીઓ દ્વારા તા. 11 ઓગસ્ટ, 2026ના રોજ સવારે 10:00 કલાકે નડિયાદ મ્યુનિસિપલ કોર્પોરેશનના ફાયર સ્ટેશનની શૈક્ષણિક મુલાકાત લેવામાં આવી હતી.
પરમ પૂજ્ય મહંત શ્રી રામદાસજી મહારાજ તથા સંસ્થાના ડાયરેક્ટર સંત શ્રી સત્યદાસજી મહારાજની સીધી દેખરેખ હેઠળ યોજાયેલી આ મુલાકાત દરમિયાન વિદ્યાર્થીઓએ ફાયર સ્ટેશનની કામગીરી, ફાયર ફાઈટર વાહન, અગ્નિશામક સાધનો તેમજ આગથી બચવા માટેના વિવિધ સુરક્ષા ઉપાયો અંગે રસપ્રદ માહિતી મેળવી હતી.
ફાયર વિભાગના કર્મચારીઓ દ્વારા વિદ્યાર્થીઓને ફાયર સેફ્ટી અંગે જરૂરી માર્ગદર્શન આપવામાં આવ્યું હતું. તેમજ આગ જેવી કટોકટીની પરિસ્થિતિમાં સલામતી કેવી રીતે જાળવવી અને તાત્કાલિક સમયે કયા પગલાં લેવા તે અંગે સરળ ભાષામાં સમજ આપવામાં આવી હતી.
આ પ્રસંગે જિલ્લાના ફાયર ઓફિસર દીક્ષિતભાઈ પટેલ ખાસ ઉપસ્થિત રહ્યા હતા અને વિદ્યાર્થીઓને ફાયર વિભાગની કામગીરી તથા અગ્નિશામક સેવાઓ અંગે માર્ગદર્શન આપ્યું હતું.
નાના ભૂલકાઓ માટે આ શૈક્ષણિક મુલાકાત જ્ઞાન, અનુભવ અને જાગૃતિથી ભરપૂર બની રહી હતી. વિદ્યાર્થીઓએ ખૂબ જ ઉત્સાહપૂર્વક ફાયર સ્ટેશનની મુલાકાત લઈ ફાયર ફાઈટર્સની બહાદુરી, કર્તવ્યનિષ્ઠા અને સેવાભાવને નજીકથી સમજ્યો હતો.
વિદ્યાર્થીઓમાં નાની ઉંમરથી જ સુરક્ષા અને કટોકટી વ્યવસ્થાપન અંગે જાગૃતિ કેળવવાના હેતુથી યોજાયેલી આ મુલાકાતનો મુખ્ય સંદેશ રહ્યો હતો—
“આજે શીખીએ, સુરક્ષિત આવતીકાલ બનાવીએ.”
રિપોર્ટર – યેશા શાહ (ખેડા)
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
