ગુજરાત વિધાનસભામાં આવતીકાલે બુધવાર, 18 ફેબ્રુઆરીએ રાજ્યનું મહત્વપૂર્ણ અંદાજપત્ર રજૂ થવાનું છે. રાજ્યના નાણાં મંત્રી કનુભાઈ દેસાઈ વિધાનસભામાં બજેટ રજૂ કરશે, જેને લઈને રાજકીય અને આર્થિક વર્તુળોમાં ભારે ઉત્સુકતા જોવા મળી રહી છે. આ બજેટમાં રાજ્યના વિકાસ, કલ્યાણકારી યોજનાઓ અને આર્થિક નીતિની દિશા અંગે મહત્વપૂર્ણ જાહેરાતો થવાની શક્યતા છે.
સૌથી વધુ બજેટ રજૂ કરવાનો રેકોર્ડ વજુભાઈ વાળાના નામે
ગુજરાતના બજેટ ઇતિહાસમાં પૂર્વ નાણાં મંત્રી વજુભાઈ વાળાના નામે સૌથી વધુ 18 વખત બજેટ રજૂ કરવાનો રેકોર્ડ છે. જ્યારે પૂર્વ નાણાં મંત્રી નીતિનભાઈ પટેલ બીજા ક્રમે રહી 9 વખત રાજ્યનું બજેટ રજૂ કરી ચૂક્યા છે. આંકડાઓ દર્શાવે છે કે ગુજરાતમાં બજેટ પ્રક્રિયા રાજ્યના લાંબા ગાળાના વિકાસ માટે મહત્વપૂર્ણ સાધન બની રહી છે.
બજેટ શું છે અને કેમ મહત્વપૂર્ણ છે?
બજેટ સરકારની આવક અને ખર્ચનું વાર્ષિક આયોજન છે, જેમાં આખા વર્ષ માટે આર્થિક યોજનાઓ અને નીતિઓનો સમાવેશ થાય છે. નાણાં મંત્રીના ભાષણમાં સરકારના ટૂંકા ગાળાના તેમજ લાંબા ગાળાના લક્ષ્યો, વિકાસ યોજનાઓ અને નાગરિકોને આપવામાં આવનાર લાભોની વિગતો આપવામાં આવે છે. સામાન્ય રીતે ઘરગથ્થુ બજેટની જેમ રાજ્ય પણ આવક-જાવકનું આયોજન કરીને વિકાસની દિશા નક્કી કરે છે.
છેલ્લા 25 વર્ષમાં બજેટનું કદ સતત વધ્યું
છેલ્લા 25 વર્ષ દરમિયાન ગુજરાત સરકારે વધતી જરૂરિયાતોને ધ્યાનમાં રાખીને બજેટનું કદ સતત વધાર્યું છે. બજેટમાં સામાન્ય નાગરિકો, ઉદ્યોગો, ખેડૂતો અને વેપારીઓ માટે વિવિધ પ્રોત્સાહન અને રાહતની જોગવાઈઓ કરવામાં આવી છે. આવનારા બજેટમાં ખાસ કરીને મધ્યમ વર્ગ માટે જીવન સરળ બનાવતી યોજનાઓ, રોજિંદા ખર્ચમાં રાહત અને સરકારી લાભોને ઘર-ઘર સુધી પહોંચાડવા પર ખાસ ભાર મુકાય તેવી શક્યતા છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
