ગુજરાતના મુખ્યમંત્રી ભૂપેન્દ્ર પટેલએ ગાંધીનગરથી વર્ચ્યુઅલ માધ્યમ દ્વારા તાપી જિલ્લાના આદિવાસી વિસ્તારો માટે અંદાજિત ₹1600 કરોડની મહત્ત્વપૂર્ણ સિંચાઈ યોજનાઓનું ઇ-લોકાર્પણ અને ઇ-ખાતમુહૂર્ત કર્યું હતું. આ યોજનાઓમાં ઉકાઈ જળાશય આધારિત સોનગઢ, ઉચ્છલ અને નિઝર ઉદ્વહન સિંચાઈ યોજના તેમજ બોરીસાવર ઉદ્વહન સિંચાઈ યોજનાનો સમાવેશ થાય છે.
આ પ્રસંગે મુખ્યમંત્રીએ જણાવ્યું કે નરેન્દ્ર મોદીએ હંમેશા “સેચ્યુરેશન એપ્રોચ” પર ભાર મૂક્યો છે અને તેમના મુખ્યમંત્રીકાળ દરમિયાન શરૂ કરાયેલી વનબંધુ કલ્યાણ યોજના દ્વારા આદિજાતિ વિસ્તારોના સર્વાંગી વિકાસને પ્રાથમિકતા આપવામાં આવી હતી. રાજ્ય સરકારે શિક્ષણ, આરોગ્ય અને કનેક્ટિવિટી ક્ષેત્રે પણ નોંધપાત્ર કામગીરી કરી છે.
મુખ્યમંત્રી ભુપેન્દ્ર પટેલે જણાવ્યું કે પાણી વિકાસનો મુખ્ય આધાર છે અને આજની આધુનિક ઇજનેરી ટેક્નોલોજી દ્વારા ઉકાઈ ડેમનું પાણી ડુંગરાળ વિસ્તારોમાં પહોંચાડવામાં આવી રહ્યું છે. સોનગઢ, ઉચ્છલ અને નિઝર ઉદ્વહન સિંચાઈ યોજનાઓ તથા બોરીસાવર યોજનાથી હજારો ખેડૂતોને બારેમાસ પાણી ઉપલબ્ધ થશે અને તેમની ખેતી વધુ સમૃદ્ધ બનશે.
તાપી જિલ્લામાં સિંચાઈથી સમૃદ્ધિનો નવો યુગ..
તાપી જિલ્લાના આદિજાતિ વિસ્તારો માટે રૂ. 1613 કરોડથી વધુ રકમના ઉદ્વાહન સિંચાઈ પ્રોજેક્ટ્સનો વિડીયો કોન્ફરન્સ માધ્યમથી શુભારંભ કરાવ્યો.
જેમાં, અંદાજે રૂ. 962.13 કરોડની ઉકાઈ જળાશય આધારિત સોનગઢ, ઉચ્છલ, નિઝર ઉદ્વહન સિંચાઈ યોજનાનું… pic.twitter.com/PQGKs6dy86
— Bhupendra Patel (@Bhupendrapbjp) March 30, 2026
આ કાર્યક્રમ ઉચ્છલ તાલુકાના બાબરઘાટ ખાતે યોજાયો હતો, જેમાં રાજ્યના આદિજાતિ વિકાસ મંત્રી નરેશ પટેલએ જણાવ્યું કે તાપી નદી દક્ષિણ ગુજરાત માટે જીવનદાયિની સમાન છે. રાજ્ય સરકાર પ્રધાનમંત્રી નરેન્દ્ર મોદીના માર્ગદર્શન હેઠળ વિકાસના માર્ગ પર મક્કમતાથી આગળ વધી રહી છે.
જળસંપત્તિ અને પાણી પુરવઠા રાજ્યમંત્રી ઈશ્વરસિંહ પટેલએ જણાવ્યું કે ₹962.12 કરોડના ખર્ચે બનેલી ઉકાઈ આધારિત સિંચાઈ યોજનાથી સોનગઢ, ઉચ્છલ, નિઝર અને કુકરમુંડા વિસ્તારના 136 ગામોની 28 હજાર હેક્ટર જમીનને સિંચાઈનો લાભ મળશે. તેમજ ₹651.37 કરોડના ખર્ચે બનતી બોરીસાવર યોજનાથી સોનગઢ અને વ્યારા તાલુકાના 29 ગામોની 8 હજાર હેક્ટરથી વધુ જમીનને પાણી મળશે.
આ પ્રસંગે રાજ્યના રમત-ગમત, ઉદ્યોગ અને પ્રવાસન રાજ્યમંત્રી ડૉ. જયરામભાઈ વર્ક્સએ પણ આદિવાસી વિસ્તારોના વિકાસ માટે સરકારની કામગીરીની પ્રશંસા કરી હતી. કાર્યક્રમ દરમિયાન યોજનાઓના લાભ દર્શાવતી શોર્ટ ફિલ્મ પણ રજૂ કરવામાં આવી હતી.
કાર્યક્રમમાં જિલ્લા પંચાયત પ્રમુખ જાલમસિંહ વસાવા, કલેક્ટર ડો. વિપીન ગર્ગ, ધારાસભ્ય મોહન કોંકણી સહિત અનેક અધિકારીઓ, જનપ્રતિનિધિઓ અને મોટી સંખ્યામાં ગ્રામજનો તથા ખેડૂતો ઉપસ્થિત રહ્યા હતા.
આ યોજનાઓના અમલીકરણથી તાપી જિલ્લાના આદિવાસી વિસ્તારોમાં કૃષિ વિકાસને નવી દિશા મળશે અને ખેડૂતોની આવકમાં વધારો થવાની શક્યતા છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
