ભારતે શુક્રવારે (26 સપ્ટેમ્બર) સંયુક્ત રાષ્ટ્ર મહાસભામાં પાકિસ્તાનના વડા પ્રધાન શહેબાઝ શરીફના સંબોધનનો કડક જવાબ આપ્યો હતો. ભારતે સ્પષ્ટ શબ્દોમાં કહ્યું કે પાકિસ્તાન આતંકવાદનું મહિમામંડન કરી રહ્યું છે અને વિશ્વ મંચ પર જુઠ્ઠાણાં અને ભ્રમજનક વાતો ફેલાવી રહ્યું છે. ભારતીય ડિપ્લોમેટ પેટલ ગહલોતે ‘રાઇટ ટુ રિપ્લાય’નો ઉપયોગ કરતાં પાકિસ્તાનને ઘેરતા કહ્યું કે શરીફના ભાષણમાં આતંકવાદને પ્રોત્સાહન આપતું વલણ સ્પષ્ટ દેખાય છે, જે પાકિસ્તાનની વિદેશ નીતિનો જ એક અવિભાજ્ય ભાગ બની ગયું છે.
ગહલોતે યાદ અપાવ્યું કે 25 એપ્રિલ, 2025ના રોજ પહલગામમાં થયેલા આતંકી હુમલામાં પાકિસ્તાન દ્વારા પોષિત સંગઠનો સામેલ હતા. આ હુમલામાં નિર્દોષ લોકોના જીવ ગયા હતા, છતાં પાકિસ્તાન આવા સંગઠનોને રક્ષણ આપે છે અને વિશ્વ સામે પોતે આતંકવાદ વિરોધી હોવાનું ઢોંગ કરે છે. તેમણે પાકિસ્તાનને યાદ અપાવ્યું કે તે જ દેશમાં વર્ષો સુધી વિશ્વનો સૌથી મોટો આતંકી ઓસામા બિન લાદેન છુપાયો હતો, જે સમગ્ર દુનિયા માટે જોખમરૂપ હતો. તેમ છતાં પાકિસ્તાન આતંકવાદ સામે લડનાર દેશ તરીકે પોતાની છબી ઘડવાની કોશિશ કરી રહ્યું છે, જે પૂર્ણપણે કપટ છે.
"If destroyed runways and burnt-out hangers look like victory to Pakistani PM, then Pakistan is free to enjoy it" – Indian Diplomat Petal Gehlot at UNGA 😂😂😂 pic.twitter.com/DM8UUeCEOA
— Mr Sinha (@Mrsinha) September 27, 2025
ભારતના પ્રતિનિધિએ પાકિસ્તાનના વડા પ્રધાન દ્વારા કરાયેલા ‘જીત’ના દાવાને પણ ખોટા સાબિત કર્યા. ગહલોતે જણાવ્યું કે પાકિસ્તાન જે જીતના પુરાવા બતાવે છે તે હકીકતમાં ભારતીય સેનાના હુમલામાં નષ્ટ થયેલા એરબેઝ, સળગેલા હેંગર અને તૂટી પડેલા રન-વેના ફોટા છે, જે બધાને સાર્વજનિક રીતે ઉપલબ્ધ છે. જો પાકિસ્તાન આવા વિનાશને પોતાની જીત માને છે તો તેને પોતાની ભ્રમિત માન્યતામાં રહેવા દો.
ગહલોતે વધુમાં ભાર મૂક્યો કે પાકિસ્તાની વડા પ્રધાન શરીફનું સંબોધન માત્ર એક ‘વાહિયાત નાટક’ હતું, જેમાં ખોટી વાર્તાઓ ઘડીને વૈશ્વિક સમુદાયને ગેરમાર્ગે દોરવાનો પ્રયાસ કરવામાં આવ્યો હતો. તેમણે વિશ્વ સમક્ષ સ્પષ્ટ કર્યું કે પાકિસ્તાન વારંવાર આતંકવાદને પ્રોત્સાહિત કરે છે, હુમલાખોરોને રક્ષણ આપે છે અને પછી આંતરરાષ્ટ્રીય મંચો પર નકલી છબી ઊભી કરીને પોતાને નિર્દોષ સાબિત કરવાની કોશિશ કરે છે.
ભારતે યુએનમાં પાકિસ્તાનને કડક ચેતવણી આપી કે આ પ્રકારની ખોટી વાર્તાઓ અને આતંકવાદી સંગઠનોને રક્ષણ આપવાનો ખેલ હવે વધુ ચાલશે નહીં. દુનિયા પાકિસ્તાનની વાસ્તવિકતા સારી રીતે સમજે છે અને ભારત સતત આતંકવાદ સામેની લડતમાં દ્રઢતાપૂર્વક આગળ વધતું રહેશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
