અયોધ્યામાં રામ મંદિર પરિસરમાં સુરક્ષા વ્યવસ્થાને લઈને મોટો હંગામો સર્જાયો હતો, જ્યારે એક યુવકને ધાર્મિક ગતિવિધિ કરતી વખતે સુરક્ષા દળોએ કસ્ટડીમાં લીધો હતો. સૂત્રોના જણાવ્યા અનુસાર, યુવકે રામ મંદિર પરિસરના દક્ષિણ પરકોટા વિસ્તારમાં નમાજ અદા કરવાનો પ્રયાસ કર્યો હતો. યુવક કાશ્મીરી વેશભૂષામાં હતો અને તેણે રામ મંદિરના ગેટ D1 પરથી પ્રવેશ કર્યો હોવાનું સામે આવ્યું છે. પકડાયેલા યુવકનું નામ અહેમદ શેખ હોવાનું જણાવાઈ રહ્યું છે, જે કાશ્મીરના શોપિયાન જિલ્લાનો રહેવાસી છે. ઘટનાસ્થળે હાજર સુરક્ષા કર્મચારીઓએ તરત જ સ્થિતિને કાબૂમાં લઈ યુવકને કસ્ટડીમાં લીધો હતો.
સૂત્રો મુજબ, જ્યારે સુરક્ષા દળોએ યુવકને અટકાવ્યો ત્યારે તેણે કથિત રીતે નારાબાજી શરૂ કરી દીધી હતી, જેના કારણે પરિસરમાં થોડા સમય માટે અફરાતફરીનું માહોલ સર્જાયો હતો. ઘટનાની જાણ થતાં જ ગુપ્તચર એજન્સીઓ, સ્થાનિક પોલીસ અને વરિષ્ઠ વહીવટી અધિકારીઓ હરકતમાં આવી ગયા હતા. હાલ યુવક સાથે સઘન પૂછપરછ ચાલી રહી છે અને તેના ઈરાદા, પૃષ્ઠભૂમિ તથા સંપર્કોની વિગતવાર તપાસ કરવામાં આવી રહી છે.
राम मंदिर से बड़ी खबर!
इस्लामिक कट्टरपंथी की शर्मनाक करतूत!
मोहम्मद अहमद शेख ने राम मंदिर में की नमाज़ पढ़ने की कोशिश।
कश्मीर के शोपियां का रहने वाला है जिहादी अहमद शेख।
जब लोगों ने उसे रोकने की कोशिश की तो यह कट्टरपंथी "अल्लाहू अकबर" के नारे लगाने लगा।
अयोध्या के राम मंदिर… pic.twitter.com/9PeMvYr2ji
— One India News (@oneindianewscom) January 10, 2026
આ ઘટના આજે સવારની હોવાનું જણાવવામાં આવી રહ્યું છે, જોકે જિલ્લા તંત્ર તરફથી હજુ સુધી કોઈ સત્તાવાર નિવેદન જાહેર કરવામાં આવ્યું નથી. રામ મંદિર ટ્રસ્ટે પણ સમગ્ર મામલે મૌન ધારણ કર્યું છે. સૂત્રોનું કહેવું છે કે ઘટનાની સંવેદનશીલતા જોતા સુરક્ષા એજન્સીઓ દરેક પાસાની ગંભીરતાપૂર્વક તપાસ કરી રહી છે, જેથી કોઈ અફવા ફેલાય નહીં અને કાયદો-વ્યવસ્થાની સ્થિતિ બગડે નહીં.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
