પ્રધાનમંત્રી નરેન્દ્ર મોદી આજે ઉત્તર પ્રદેશની રાજધાની લખનૌની મુલાકાતે રહ્યા હતા. આ દરમિયાન તેમણે ભારત રત્ન પૂર્વ વડા પ્રધાન અટલ બિહારી વાજપેયીની 101મી જન્મજયંતિ નિમિત્તે રાષ્ટ્રીય પ્રેરણા સ્થળનું ઉદ્ઘાટન કર્યું. કાર્યક્રમને સંબોધતા પીએમ મોદીએ જણાવ્યું કે અટલજીએ પોતાના સમગ્ર જીવનકાળ દરમિયાન ભારતની અસ્મિતા, એકતા અને ગૌરવનું અડગ રીતે રક્ષણ કર્યું. તેમણે કહ્યું કે ડૉ. શ્યામા પ્રસાદ મુખર્જીએ દેશને નિર્ણાયક દિશા આપીને “બે બંધારણ, બે ધ્વજ અને બે વડા” જેવી વ્યવસ્થાનો દ્રઢ વિરોધ કર્યો હતો, જે સ્વતંત્રતા બાદ પણ જમ્મુ-કાશ્મીરમાં અમલમાં હતી અને ભારતની અખંડિતતા માટે મોટો પડકાર બની રહી હતી. પીએમ મોદીએ ગૌરવ સાથે કહ્યું કે તેમની સરકારને કલમ 370 નાબૂદ કરવાની તક મળી અને આજે જમ્મુ-કાશ્મીરમાં ભારતનું બંધારણ સંપૂર્ણ રીતે લાગુ પડે છે.
#WATCH प्रधानमंत्री नरेंद्र मोदी ने कहा, "थोड़ी देर पहले मुझे यहां राष्ट्र प्रेरणा स्थल का लोकार्पण करने का अवसर मिला। ये राष्ट्र प्रेरणा स्थल उस सोच का प्रतीक है जिसने भारत को आत्मसम्मान, एकता और सेवा का मार्ग दिखाया है। डॉ.श्यामा प्रसाद मुखर्जी, पंडित दीन दयाल उपाध्याय और अटल… https://t.co/NdZtlGrHRi pic.twitter.com/KkOcyEUdwh
— ANI_HindiNews (@AHindinews) December 25, 2025
પોતાના સંબોધનમાં વડાપ્રધાન મોદીએ કહ્યું કે ભારતની પ્રગતિનું સાચું માપ વિકાસના આંકડા નથી, પરંતુ સમાજની છેલ્લી પંક્તિમાં ઉભેલા વ્યક્તિના ચહેરા પરનું સ્મિત છે. તેમણે પંડિત દીનદયાળ ઉપાધ્યાયના અખંડ માનવતાવાદના સિદ્ધાંતનો ઉલ્લેખ કરતાં જણાવ્યું કે સાચા વિકાસ માટે શરીર, મન, બુદ્ધિ અને આત્માનું સંતુલન અનિવાર્ય છે. આ સાથે તેમણે ડૉ. શ્યામા પ્રસાદ મુખર્જીના યોગદાનને યાદ કરતાં કહ્યું કે તેઓ સ્વતંત્ર ભારતના પ્રથમ ઉદ્યોગ પ્રધાનોમાંના એક હતા અને તેમણે દેશને પ્રથમ ઔદ્યોગિક નીતિ આપી, જેના કારણે ઔદ્યોગિકીકરણ અને આર્થિક આત્મનિર્ભરતાના મજબૂત પાયા નાખવામાં આવ્યા.
પીએમ મોદીએ વધુમાં જણાવ્યું કે રાષ્ટ્રીય પ્રેરણા સ્થળ જે 30 એકરથી વધુ જમીન પર વિકસાવવામાં આવ્યું છે, તે એક સમયે કચરાના પહાડથી ઢંકાયેલું હતું, પરંતુ છેલ્લા ત્રણ વર્ષમાં તેને સંપૂર્ણપણે રૂપાંતરિત કરવામાં આવ્યું છે. તેમણે આ મહત્ત્વાકાંક્ષી પ્રોજેક્ટ સાથે સંકળાયેલા તમામ કામદારો, કારીગરો, આયોજકો તેમજ ઉત્તર પ્રદેશના મુખ્યમંત્રી યોગી આદિત્યનાથ અને તેમની સમગ્ર ટીમને અભિનંદન પાઠવ્યા. વડાપ્રધાને જણાવ્યું કે રાષ્ટ્રીય પ્રેરણા સ્થળ એ એવી દ્રષ્ટિનું પ્રતીક છે, જેણે ભારતને આત્મસન્માન, એકતા અને સેવાનો માર્ગ બતાવ્યો છે. અહીંથી મળતી પ્રેરણા ડૉ. શ્યામા પ્રસાદ મુખર્જી, પંડિત દીનદયાળ ઉપાધ્યાય અને અટલ બિહારી વાજપેયીની ઊંચી પ્રતિમાઓ જેટલી જ નહીં, પરંતુ તેનાથી પણ ઘણી મોટી અને ઊંડા અર્થ ધરાવતી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
