ગુજરાત સરકાર દ્વારા રાજ્યના મહત્વાકાંક્ષી પ્રોજેક્ટ ગુજરાત ઇન્ટરનેશનલ ફાઇનાન્સ ટેક-સિટી (GIFT City) માટે મહત્વપૂર્ણ ફેરફાર કરવામાં આવ્યો છે. બેન્કિંગ અને ફાઇનાન્સ ક્ષેત્રના દિગ્ગજ ઉદય સુરેશ કોટકને GIFTCL ના નવા ચેરમેન તરીકે નિયુક્ત કરવામાં આવ્યા છે.
નિમણૂકનો સત્તાવાર ઠરાવ અને તાત્કાલિક અમલ
શહેરી વિકાસ અને શહેરી ગૃહ નિર્માણ વિભાગ દ્વારા 13 ફેબ્રુઆરી 2026ના રોજ જાહેર કરેલા ઠરાવ અનુસાર, ઉદય કોટક હવે ડૉ. હસમુખ અઢિયા (IAS રિટાયર્ડ)નું સ્થાન લેશે. ડૉ. અઢિયા જૂન 2023થી આ પદ સંભાળી રહ્યા હતા.
ઉદય કોટકની નિમણૂક તાત્કાલિક અસરથી અમલમાં આવશે અને આગામી આદેશ સુધી તેઓ આ પદ પર કાર્યરત રહેશે. ગુજરાત સરકાર દ્વારા આ પદ માટે નિયમો અને શરતો આગામી સમયમાં નક્કી કરવામાં આવશે.
ઉદય કોટકની નિમણૂકનું મહત્વ
ઉદય કોટકની નિમણૂક ગિફ્ટ સિટી માટે મહત્વપૂર્ણ માનવામાં આવી રહી છે, કારણ કે ગિફ્ટ સિટીને વૈશ્વિક ફાઇનાન્સ હબ બનાવવાનો લક્ષ્ય છે. કોટકની બેન્કિંગ અને ફાઇનાન્સ ક્ષેત્રમાં વિશાળ અનુભવોને ધ્યાનમાં લઈને, તેમની આગવી દૃષ્ટિ દ્વારા આંતરરાષ્ટ્રીય રોકાણ અને ફાઇનાન્સ ક્ષેત્રે નવી ગતિ મળવાની અપેક્ષા છે.
ગિફ્ટ સિટી, જે ભારતનો પ્રથમ આંતરરાષ્ટ્રીય ફાઇનાન્સ સેન્ટર છે, હવે નવા ચેરમેન સાથે નવી ઊંચાઇ પર પહોંચી શકે છે, અને રોકાણકારોને આકર્ષવા માટે વૈશ્વિક સ્તરે વધુ સક્રિય પ્રયાસો થશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
