ભારતીય નેવી ચીફ એડમિરલ દિનેશ ત્રિપાઠીએ આજે એક મહત્વપૂર્ણ નિવેદન આપીને ભારતની સમર્થ અને અસરકારક નેવી શક્તિનો ઉલ્લેખ કર્યો અને પાકિસ્તાનને સ્પષ્ટ સંદેશ આપ્યો. જમ્મુ-કાશ્મીરના પહલગામમાં થયેલા આતંકી હુમલા બાદ શરૂ કરાયેલા ‘ઓપરેશન સિંદૂર’ હજી ચાલુ છે અને તે પૂરતો પડકાર પાકિસ્તાન માટે નિર્મિત કર્યો છે. એડમિરલ ત્રિપાઠીએ જણાવ્યું કે ભારતીય નેવીે ઉત્તરી અરબ સાગરમાં INS વિક્રાંત સહિતના કેરિયર બેટલ ગ્રૂપ તહેનાત કર્યા છે, અને આક્રમક તહેનાતથી પાકિસ્તાનને નોંધપાત્ર આર્થિક નુકસાન થયું છે. તેમણે વધુમાં કહ્યું કે છેલ્લા સાત મહિનાથી નેવી સતત ઉચ્ચ ગતિના ઓપરેશન્સ ચલાવી રહી છે, જેના કારણે પાકિસ્તાની માર્ગો પર નુકસાન અને વિક્ષેપ સર્જાયા છે.
પ્રેસ કોન્ફરન્સમાં એડમિરલ ત્રિપાઠીએ નેવીની ઓપરેશનલ સજ્જતા પર ભાર મૂક્યો અને જણાવ્યું કે, “ઓપરેશન સિંદૂર હજુ ચાલુ હોવાથી તમામ વિગતો જાહેર કરી શકાતી નથી, પરંતુ હિન્દ મહાસાગર અને ઉત્તરી અરબ સાગરમાં તમામ જહાજ અને દરેક સૈનિક કોઈપણ સમયે મિશનમાં ઉતરવા માટે તૈયાર છે.” આ સાથે તેમણે હિન્દ મહાસાગર અને ઉત્તર અરબ સાગર માટેની નેવીની સતત તૈયારીઓ અને સક્રિય નજરનો પણ ઉલ્લેખ કર્યો.
Delhi: The aggressive posturing and immediate action during Op Sindoor, of deployment of the carrier battle group forced Pakistan Navy to remain close to their ports or near the Makran coast: Chief of Naval Staff Admiral Dinesh K Tripathi pic.twitter.com/451KZ4JtiL
— ANI (@ANI) December 2, 2025
એડમિરલ ત્રિપાઠીના નિવેદનની પ્રશંસા પ્રધાનમંત્રી નરેન્દ્ર મોદીએ ‘મન કી બાત’માં કરી હતી. તેમણે આદર વ્યક્ત કર્યો કે, દીવાળી દરમિયાન પ્રધાનમંત્રી INS વિક્રાંતમાં રાત્રિ વિતાવી ને નેવીની બહુપક્ષીય ક્ષમતાઓને નજીકથી જોઈ હતી. આ મુલાકાતમાં પ્રધાનમંત્રી મોદીએ નેવીના સૈનિકો અને તેમની કામગીરીના મહત્વને ઉજાગર કર્યા, જેના માટે એડમિરલ ત્રિપાઠીએ પણ આભાર વ્યક્ત કર્યો.
આ ઉપરાંત એડમિરલ ત્રિપાઠીએ આગામી નેવી દિવસની ઉજવણી અને નવી સૈન્ય શક્તિ વિશે માહિતગાર કર્યા. 2025માં કેરળની રાજધાની તિરુવનંતપુરમમાં નેવી દિવસનો ભવ્ય કાર્યક્રમ યોજવામાં આવશે. ગયા વર્ષના નેવી દિવસથી લઈને અત્યાર સુધીમાં ભારતીય નેવીને એક નવી સબમરીન અને 12 યુદ્ધ જહાજો પ્રાપ્ત થયા છે, જેમાં INS ઉદયગિરી ભારતીય નેવીનું 100મું યુદ્ધ જહાજ બની ગયું છે.
એડમિરલ ત્રિપાઠીએ અંતમાં ભાર આપ્યો કે, ભારતીય નેવી વિશ્વની સૌથી સતર્ક, શક્તિશાળી અને માનવતાવાદી નેવીમાંની એક છે. તેઓ દરેક પ્રકારના ઓપરેશન્સ માટે તૈયાર છે – ભલે તે ઓપરેશન સિંદૂર હોય, રાતા સાગરમાં હુથીઓને પાઠ ભણાવવાનો, ચાંચિયાઓને પકડવાનો કે શ્રીલંકાને રાહત પૂરાં પાડવાનો હોય. આ નિવેદન ભારતીય નેવીની સર્વોદ્યમ સજ્જતા અને તેના વ્યાપક હિતને દરશાવે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
