આસામના મુખ્યમંત્રી હિમંતા બિસ્વા સરમાએ કોંગ્રેસના ત્રણ વરિષ્ઠ નેતાઓ સામે મોટું કાનૂની પગલું ભરતા ₹500 કરોડના માનહાનિ દાવા સાથે કોર્ટમાં કેસ દાખલ કર્યો છે. મુખ્યમંત્રી દ્વારા દાખલ કરાયેલા આ કેસમાં કોંગ્રેસના નેતાઓ જિતેન્દ્ર સિંહ, ભૂપેશ બઘેલ અને આસામ કોંગ્રેસના પ્રમુખ ગૌરવ ગોગોઈને પ્રતિવાદી તરીકે સામેલ કરવામાં આવ્યા છે. સરમાનો આરોપ છે કે કોંગ્રેસના નેતાઓએ જમીન સંબંધિત મુદ્દે તેમના વિરુદ્ધ ખોટા, દ્વેષપૂર્ણ અને બદનક્ષીભર્યા આરોપો લગાવી તેમની પ્રતિષ્ઠાને નુકસાન પહોંચાડવાનો પ્રયાસ કર્યો છે.
શું છે સમગ્ર મામલો?
ગયા અઠવાડિયે આસામ કોંગ્રેસ પ્રમુખ ગૌરવ ગોગોઈએ પ્રેસ કોન્ફરન્સમાં દાવો કર્યો હતો કે પાર્ટીની તપાસમાં ખુલાસો થયો છે કે મુખ્યમંત્રી હિમંતા બિસ્વા સરમા અને તેમના પરિવારજનો રાજ્યભરમાં લગભગ 12,000 વીઘા જમીન પર અતિક્રમણમાં સંડોવાયેલા છે. આ ગંભીર આરોપો બાદ આસામના રાજકારણમાં ભારે ખળભળાટ મચ્યો હતો અને ભાજપ-કોંગ્રેસ વચ્ચે આરોપ-પ્રત્યારોપનો સિલસિલો તેજ થયો હતો.
Today, I have filed a defamation case seeking ₹500 crore in damages against Congress leaders Jitendra Singh, Bhupesh Baghel and Gaurav Gogoi for making false, malicious and defamatory allegations against me through a press conference. https://t.co/a9iLcghHiR
— Himanta Biswa Sarma (@himantabiswa) February 10, 2026
મુખ્યમંત્રીનો જવાબ અને કોર્ટનો માર્ગ
ગોગોઈના આરોપો સામે થોડા જ કલાકોમાં મુખ્યમંત્રી સરમાએ સ્પષ્ટ કર્યું હતું કે પુરાવા વિના લગાવવામાં આવેલા આરોપો સહન નહીં કરવામાં આવે અને તેઓ કાનૂની કાર્યવાહી કરશે. ત્યારબાદ તેમણે કોર્ટમાં ₹500 કરોડના નુકસાનની માંગ સાથે માનહાનિનો કેસ દાખલ કર્યો. સોશિયલ મીડિયા પ્લેટફોર્મ X પર પોસ્ટ કરીને સરમાએ જણાવ્યું કે કોંગ્રેસના નેતાઓએ પ્રેસ કોન્ફરન્સ દ્વારા ખોટા અને બદનક્ષીભર્યા આરોપો લગાવ્યા હોવાથી તેઓ કાયદેસર કાર્યવાહી કરવા મજબૂર બન્યા છે.
રાજકીય ટકરાવ વધુ તીવ્ર
મુખ્યમંત્રી હિમંતા બિસ્વા સરમાએ કોંગ્રેસ પર પ્રહાર કરતા જણાવ્યું હતું કે તેઓ “ગાંધી પરિવારના ગુલામો” દ્વારા કરવામાં આવતા પ્રચાર કે રાજકીય નાટકથી ડરવાના નથી. તેમણે વધુમાં કહ્યું કે ‘હિટ-એન્ડ-રન’ રાજકારણનો સમય પૂરો થઈ ગયો છે અને જો વિરોધીઓ પાસે કોઈ પુરાવા હોય તો તે કોર્ટમાં રજૂ કરવા જોઈએ.
તાજેતરમાં સરમાએ ગૌરવ ગોગોઈ અને તેમની બ્રિટિશ પત્ની એલિઝાબેથ કોલબર્નના પાકિસ્તાની નાગરિક અલી તૌકીર શેખ સાથે સંબંધોને લઈને પણ ગંભીર આરોપ લગાવ્યા હતા, જેના કારણે આસામની રાજકીય ગરમાવો વધુ વધ્યો છે.
કોંગ્રેસનો જવાબ
કોંગ્રેસે મુખ્યમંત્રીના આરોપોને નકારી કાઢતા કહ્યું છે કે સરમા પાસે પોતાના દાવાઓને સમર્થન આપતા કોઈ દસ્તાવેજી પુરાવા નથી. પાર્ટીએ આ સમગ્ર મુદ્દાને રાજકીય દબાણ બનાવવાનો પ્રયાસ ગણાવ્યો છે અને જણાવ્યું કે મુખ્યમંત્રી રાજકીય લાભ માટે વિવાદ ઉભો કરી રહ્યા છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
🔗 https://www.youtube.com/@oneindianewscom-Gujarat
🔗 https://www.youtube.com/@oneindianewscom
