દેવભૂમિ દ્વારકાના જામખંભાળિયામાં ખ્રિસ્તી ધર્માંતરણની ફરિયાદ સામે આવતા પોલીસ સ્ટેશનમાં FIR નોંધાઈ છે અને ત્રણ વ્યક્તિઓને ધરપકડ કરવામાં આવી છે. આ કેસના આરોપીઓમાં નેપાળી દંપતી—દીપક રઘુવીરસિંહ ગુરુસિંહ બિશ્વકર્મા અને દીપાબેન દિપકભાઈ બિશ્વકર્મા—સહીત મુકેશ સુભાષભાઈ અજનારનો સમાવેશ થાય છે. ફરિયાદ મુજબ, ખંભાળિયાના શક્તિનગરમાં શ્રીનાથજી સ્કૂલ પાછળ આવેલા ખાનગી મકાનમાં હિંદુ આદિવાસીઓને એકઠા કરીને તેમને ખ્રિસ્તી પંથ અપનાવવા માટે પ્રેરિત કરવામાં આવતો હતો. હિંદુ સંગઠનોના જણાવ્યા મુજબ, આ પ્રેરણા મુખ્યત્વે નાણાકીય લાભ અને લાલચના માધ્યમથી આપવામાં આવતી હતી.
FIR અનુસાર, ઘટનાઓ 28 સપ્ટેમ્બર 2025ના રોજ સવારે લગભગ 11:45 વાગ્યે સામે આવી હતી. વિશ્વ હિંદુ પરિષદના કાર્યકર્તાઓ અને VHPના ઉપાધ્યક્ષ કિરણબેન અને તેમના પતિ વિજય કુમાર મનસુખલાલ કટારીયાએ આ માહિતી પ્રાપ્ત કરીને સ્થળ પર પહોંચીને તપાસ શરૂ કરી હતી. ઘટના સ્થળે આશરે 25 થી 30 લોકો હાજર હતા, જેમાં મહિલાઓ પણ સામેલ હતા, અને તમામ લોકો હિંદુ ધર્મના હતા. ત્રીજાએ હિંદુ આદિવાસીઓને ઈશુ ખ્રિસ્તની શિક્ષા આપીને અને નાણાકીય લાભનો વાયદો આપીને ધર્માંતરણ માટે દબાણ કર્યું હોવાનું FIRમાં જણાવાયું છે.
"गुजरात पुलिस ने जामखंभालिया के शक्ति नगर में क्रिश्चियन धर्मांतरण रैकेट का भंडाफोड़ किया
नेपाली दंपती सहित तीन गिरफ्तार, हिंदुओं को पैसे देकर लुभाने का मामला
वीएचपी की सूचना के बाद गुजरात धर्म स्वतंत्रता अधिनियम के तहत एफआईआर दर्ज"#GujaratPolice #ConversionRacket… pic.twitter.com/iO22jpZedl
— One India News (@oneindianewscom) September 30, 2025
દીપાબેન અને દીપક બિશ્વકર્મા પતિ-પત્ની છે અને તેઓ મૂળ નેપાળના છે, હાલ ખંભાળિયામાં રહે છે. મુકેશ અજનાર મૂળ મધ્યપ્રદેશનો રહેવાસી છે. FIRમાં જણાવાયું છે કે આ ત્રણેય મળીને હિંદુ આદિવાસી સમુદાયના લોકોને ગેરકાયદેસર રીતે ખ્રિસ્તી પંથ અપનાવવા માટે પ્રોત્સાહિત કરતા હતા. સ્થળે હાજર લોકોમાં મોટાભાગના માણસો મજૂરી કરતા હતા અને મધ્યપ્રદેશના અલીરાજપુર, ધાર અને જાબુઆ જિલ્લાઓના મૂળ રહેવાસી હતા, જે હાલમાં ખંભાળિયા અને આસપાસના ગામોમાં રહે છે.
ખંભાળિયા પોલીસે FIRમાં આ ઘટનાઓને ધર્મ સ્વાતંત્ર્ય અધિનિયમ, 2003 (કલમ 4) અને ભારતીય ન્યાય સંહિતા (BNS) કલમ 54 હેઠળ નોંધ્યું છે. આ મુજબ, દિપક, દીપાબેન અને મુકેશ દ્વારા હિંદુ આદિવાસીઓને તેમના ધર્મ છોડાવીને ખ્રિસ્તી પંથ અપનાવવા માટે નાણાકીય લાભ આપવાનો અને લાલચ આપી દબાણ કરવાનાં આરોપ છે. FIRમાં હાજર લોકોની વિગતવાર યાદી પણ સમાવિષ્ટ છે, જેમાં 27 વ્યક્તિઓનાં નામ, ઉંમર, ધંધો અને સરનામાંનો ઉલ્લેખ છે. હિંદુ સંગઠનોના જણાવ્યા મુજબ, આ સમગ્ર ઘટનામાં લોકોને શાંતિ અને સુરક્ષાની ગેરકાયદેસર સ્થિતિમાં મુકીને તેમની ધાર્મિક સ્વતંત્રતા તોડવાની કોશિશ કરવામાં આવી હતી.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
