ભારતીય રેલ્વે (Indian Railways)એ 2025-26 નાણાકીય વર્ષ માટે મહત્વપૂર્ણ પ્રગતિ અને વિકાસના આંકડા જાહેર કર્યા છે. સરકારના નિવેદન મુજબ રેલવે નેટવર્કમાં ઝડપી આધુનિકીકરણ સાથે મુસાફરો અને માલવાહક પરિવહનમાં નોંધપાત્ર વધારો થયો છે.
આ વર્ષે રેલ્વે અંદાજે 7.41 અબજ મુસાફરોનું પરિવહન કરશે, જ્યારે આશરે 25,000 ટ્રેનો દરરોજ સેવા આપશે. કુલ આવક લગભગ ₹80,000 કરોડ થવાનો અંદાજ છે, સાથે જ માલવાહક ટ્રાફિક 1,670 મિલિયન ટન સુધી પહોંચશે.
99.6% વિદ્યુતીકરણનો ઐતિહાસિક માઇલસ્ટોન
રેલવેનું બ્રોડગેજ નેટવર્ક હવે 99.6% વિદ્યુતીકૃત થઈ ગયું છે. 2014માં જ્યાં માત્ર 20% નેટવર્ક વિદ્યુતીકૃત હતું, ત્યાં હવે 69,873 રૂટ કિમી સુધી વીજળીકરણ પહોંચી ગયું છે.
આ પગલાથી ડીઝલ પરની નિર્ભરતા ઘટી છે અને ઓઇલ આયાતમાં ઘટાડો થયો છે. 2024-25માં આશરે 1.8 અબજ લિટર ડીઝલની બચત થઈ હોવાનું પણ જણાવાયું છે, જેનાથી લગભગ ₹6,000 કરોડની બચત થઈ છે.
સલામતી અને ટેક્નોલોજીમાં મોટો સુધારો
રેલવેમાં સલામતી વધારવા માટે Kavach Automatic Train Protection System હવે 3,100 કિમીથી વધુ માર્ગ પર કાર્યરત છે અને 24,400 કિમી પર અમલીકરણ ચાલી રહ્યું છે.
AI આધારિત વિડિઓ સર્વેલન્સ સિસ્ટમ 1,874 સ્ટેશનો પર લાગુ કરવામાં આવી છે, જેમાં ચહેરા ઓળખ ટેક્નોલોજીનો પણ ઉપયોગ થાય છે. સાથે જ NTES સાથે જોડાયેલી IPIS સિસ્ટમ 1,405 સ્ટેશનો પર કાર્યરત છે.
ટ્રેક અને ઇન્ફ્રાસ્ટ્રક્ચરનો ઝડપી વિકાસ
છેલ્લા દાયકામાં 54,600 કિમી ટ્રેકનું નવીનીકરણ થયું છે. હવે 110 કિમી પ્રતિ કલાકથી વધુ ઝડપ સહન કરી શકે એવા ટ્રેકની લંબાઈ 31,445 કિમીથી વધીને 85,000 કિમીથી વધુ થઈ ગઈ છે.
આ સુધારાથી ટ્રેનો વધુ ઝડપી અને વિશ્વસનીય બની છે.
વંદે ભારત અને અમૃત ભારત ટ્રેનોનો ઉછાળો
વંદે ભારત એક્સપ્રેસ નેટવર્કમાં મુસાફરોનો ઉપયોગ સતત વધી રહ્યો છે. 2025-26માં લગભગ 3.98 કરોડ મુસાફરોએ આ ટ્રેનમાં મુસાફરી કરી છે.
તેની શરૂઆતથી અત્યાર સુધી 91 મિલિયનથી વધુ મુસાફરો મુસાફરી કરી ચૂક્યા છે.
સાથે જ અમૃત ભારત એક્સપ્રેસ જેવી સસ્તી અને નોન-AC આધુનિક ટ્રેનો પણ શરૂ કરવામાં આવી છે, જેમાં 18 માર્ચ 2026 સુધી 60 સેવાઓ કાર્યરત થશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
