ઉત્તર પ્રદેશના મથુરા જિલ્લામાં ગૌરક્ષા આંદોલનના જાણીતા ચહેરા સંત ચંદ્રશેખર ઉર્ફે ‘ફરસાવાળા બાબા’ની હત્યા બાદ સમગ્ર વિસ્તારમાં તણાવપૂર્ણ સ્થિતિ સર્જાઈ છે. ઘટનાના વિરોધમાં ગુસ્સે ભરાયેલા ગૌરક્ષકો અને સ્થાનિક લોકોએ દિલ્હી-આગ્રા હાઈવે પર ચક્કાજામ કરીને ભારે વિરોધ નોંધાવ્યો હતો.
ગૌતસ્કરોનો પીછો કરતી વખતે ટ્રક નીચે કચડાયા
મળતી માહિતી મુજબ, શુક્રવારે વહેલી સવારે અંદાજે 4 વાગ્યે કોસીકલાં વિસ્તારના નવીપુર ગામ નજીક ફરસાવાળા બાબા પોતાની બાઈક પર ગૌતસ્કરોનો પીછો કરી રહ્યા હતા. આ દરમિયાન આરોપીઓએ તેમની બાઈકને ટાર્ગેટ કરીને ટ્રક ચડાવી દીધી હતી, જેમાં તેમનું ઘટનાસ્થળે જ કરૂણ મોત નીપજ્યું હતું. આ ઘટનાએ સમગ્ર બ્રજ વિસ્તારમાં આક્રોશ ફેલાવ્યો છે.
मथुरा: गोरक्षक ‘फरसा वाले बाबा’ की ट्रक से कुचलकर हत्या, गुस्साई भीड़ ने हाईवे जाम कर पुलिस पर किया पथराव
मथुरा: गौरक्षक संत चंद्रशेखर उर्फ ‘फरसा वाले बाबा’ की गोतस्करों ने ट्रक से कुचलकर हत्या कर दी।
इस घटना के बाद दिल्ली-आगरा हाईवे पर गौरक्षकों ने भारी बवाल काट दिया। गुस्साई… pic.twitter.com/4Vh1MVrbUx
— One India News (@oneindianewscom) March 21, 2026
એક આરોપી ઝડપાયો, ત્રણ ફરાર
ઘટના બાદ સ્થાનિક લોકોએ સમયસૂચકતા દાખવીને ભાગવાનો પ્રયાસ કરી રહેલા એક આરોપીને ઝડપી પાડી પોલીસને સોંપ્યો હતો. પોલીસ મુજબ, અન્ય ત્રણ આરોપીઓ અંધારાનો લાભ લઈને ફરાર થઈ ગયા છે. હાલ પોલીસ દ્વારા અલગ-અલગ ટીમો બનાવીને આરોપીઓની શોધખોળ તેજ કરવામાં આવી છે.
દિલ્હી-આગ્રા હાઈવે પર ચક્કાજામ, વાહનોની લાંબી કતારો
ફરસાવાળા બાબાની હત્યાના સમાચાર ફેલાતા જ મોટી સંખ્યામાં ગૌરક્ષકો અને સ્થાનિક લોકો દિલ્હી-આગ્રા હાઈવે પર એકત્ર થયા હતા. ગુસ્સે ભરાયેલા લોકોએ હાઈવે જામ કરી દીધો, જેના કારણે કિલોમીટરો સુધી વાહનોની લાંબી લાઈનો લાગી ગઈ હતી. પ્રદર્શનકારીઓએ ફરાર આરોપીઓની તાત્કાલિક ધરપકડ અને ગૌતસ્કરી વિરુદ્ધ કડક કાર્યવાહી કરવાની માંગ કરી છે.
પોલીસ અને પ્રશાસન દ્વારા સ્થિતિ કાબૂમાં લેવા પ્રયાસ
સ્થિતિને નિયંત્રણમાં લેવા માટે ઉચ્ચ પોલીસ અધિકારીઓ અને પ્રશાસનિક ટીમો ઘટનાસ્થળે પહોંચી હતી. લોકો સાથે વાતચીત કરીને હાઈવે પરથી જામ હટાવવા અને કાયદો-વ્યવસ્થા જાળવી રાખવા માટે વધારાનો પોલીસ બંદોબસ્ત ગોઠવવામાં આવ્યો છે.
કોણ હતા ‘ફરસાવાળા બાબા’?
સંત ચંદ્રશેખર ઉર્ફે ફરસાવાળા બાબા બ્રજ ક્ષેત્રમાં ગૌરક્ષા આંદોલનના અગ્રણીઓમાં ગણાતા હતા. તેઓ લાંબા સમયથી ગૌરક્ષા માટે સક્રિય હતા અને ગૌતસ્કરી રોકવા માટે જાણીતા હતા. તેમની હત્યાથી તેમના અનુયાયીઓ અને ગૌરક્ષકોમાં ભારે શોક અને રોષની લાગણી જોવા મળી રહી છે.
પોલીસે મૃતદેહને પોસ્ટમોર્ટમ માટે મોકલી આપ્યો છે અને ઝડપાયેલા આરોપીની પૂછપરછ શરૂ કરી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
