પંજાબના મુખ્યમંત્રી ભગવંત માન માટે મોટો વિવાદ ઊભો થયો છે. શીખોની સર્વોચ્ચ ધાર્મિક સંસ્થા ગણાતી અકાલ તખ્તે તેમને ‘ગુરુ દોખી’ (ગુરુઓનો અપમાન કરનાર) અને ‘ખાલસા પંથ વિરોધી’ જાહેર કર્યા છે. સોમવારે અકાલ તખ્ત સાહિબના પાંચ જાથેદારોની સમિતિ દ્વારા લેવાયેલા આ નિર્ણય બાદ પંજાબના રાજકારણમાં ભારે ચર્ચા શરૂ થઈ છે.
અકાલ તખ્તે શીખ સમુદાયને પણ આદેશ આપ્યો છે કે તેઓ કોઈ પણ પ્રકારનો ધાર્મિક અથવા સામાજિક સંબંધ ભગવંત માન સાથે ન રાખે. આ નિર્ણય એક વાયરલ થયેલા વિડીયો અને તેના ફોરેન્સિક રિપોર્ટના આધારે લેવામાં આવ્યો હોવાનું જણાવવામાં આવ્યું છે.
श्री अकाल तख्त साहिब से पाँच सिंह साहिबानों द्वारा पंजाब के मुख्यमंत्री भगवंत मान को ‘गुरु दोखी’ और ‘खालसा पंथ विरोधी’ घोषित किया जाना अत्यंत गंभीर विषय है।
सम्मानित जत्थेदार साहिब ने स्पष्ट किया है कि वायरल वीडियो (जिसमें तथाकथित रूप से भगवंत मान, गुरु साहिबान की पवित्र… pic.twitter.com/YmDCWOx3h9
— One India News (@oneindianewscom) June 15, 2026
વાયરલ વિડીયો બન્યો વિવાદનું કેન્દ્ર
વિવાદનું મૂળ એક વાયરલ વિડીયોમાં છે, જેમાં કથિત રીતે ભગવંત માન જેવી દેખાતી વ્યક્તિ શીખ ગુરુઓની તસવીરો પર આલ્કોહોલ છાંટતી જોવા મળે છે. વિડીયો સામે આવ્યા બાદ શીખ સંગઠનોમાં ભારે રોષ જોવા મળ્યો હતો.
મુખ્યમંત્રી ભગવંત માને શરૂઆતથી જ આ વિડીયોને AI જનરેટેડ અને બનાવટી ગણાવ્યો હતો. આમ આદમી પાર્ટીએ પણ આ જ દલીલ આગળ ધરી હતી અને વિડીયોને રાજકીય ષડયંત્ર ગણાવ્યું હતું.
The Five Singh Sahibans from the faseel of Sri Akal Takht Sahib announces Punjab CM Bhagwant Mann "Guru Dokhi, Khalsa Panth Virodhi" (Against Sikh religion). A betrayer of the Gurus and an opponent of the Khalsa Panth in the objectionable video case regarding the act of… pic.twitter.com/JeiCJZtRHm
— Impreet Singh Bakshi (@impreetsbakshi) June 15, 2026
બે ફોરેન્સિક લેબના રિપોર્ટ બાદ અકાલ તખ્તનો નિર્ણય
અકાલ તખ્તના જાથેદાર જ્ઞાની કુલદીપ સિંઘ ગર્ગજએ જણાવ્યું કે બે માન્યતા પ્રાપ્ત ખાનગી ફોરેન્સિક લેબોરેટરીઓ દ્વારા કરવામાં આવેલી તપાસમાં વિડીયો અસલી હોવાનું સામે આવ્યું છે. તેમના જણાવ્યા અનુસાર વિડીયો AI જનરેટેડ નથી અને તેમાં કોઈ પ્રકારનું ડિજિટલ એડિટિંગ કે ચેડાં થયાં હોવાના પુરાવા મળ્યા નથી.
જાથેદારે કહ્યું કે બંને લેબોરેટરીઓ વર્ષોથી ફોરેન્સિક વિશ્લેષણ ક્ષેત્રે કાર્યરત છે અને તેમના અહેવાલો કોર્ટમાં પણ ટકી શકે તેવા છે. તેમણે સ્પષ્ટતા કરી કે જો કોઈ પક્ષ રિપોર્ટને પડકારવા માગે તો લેબોરેટરીઓ કોર્ટમાં પોતાનો પક્ષ રજૂ કરવા તૈયાર છે.
આ રિપોર્ટોના આધારે પાંચ જાથેદારોની બેઠકમાં ભગવંત માનને ‘ખાલસા પંથ વિરોધી’ અને ‘ગુરુ દોખી’ જાહેર કરવાનો નિર્ણય લેવામાં આવ્યો હતો.
AAPનો બચાવ: વિડીયો સાચો હોય તો પણ વ્યક્તિ માન છે તે સાબિત થતું નથી
બીજી તરફ આમ આદમી પાર્ટીએ અકાલ તખ્તના નિર્ણયનો વિરોધ કર્યો છે. પાર્ટીનું કહેવું છે કે ભલે વિડીયો અસલી હોય, પરંતુ તેમાં દેખાતી વ્યક્તિ ખરેખર ભગવંત માન જ છે તેવું કોઈ નિશ્ચિત રીતે સાબિત થયું નથી.
AAPના નેતાઓએ આ સમગ્ર મામલાને રાજકીય પ્રેરિત ગણાવતા કહ્યું છે કે માત્ર દેખાવના આધારે કોઈને દોષી જાહેર કરવું યોગ્ય નથી. પાર્ટીનું માનવું છે કે તપાસ હજુ પૂર્ણ નથી અને અનેક પ્રશ્નોના જવાબ બાકી છે.
જાન્યુઆરીથી ચાલી રહ્યો હતો વિવાદ
આ સમગ્ર વિવાદની શરૂઆત જાન્યુઆરી 2026માં થઈ હતી. તે સમયે અકાલ તખ્તે ભગવંત માનને શીખ ગુરુઓ વિશે કરેલા કેટલાક નિવેદનો અંગે સમન્સ મોકલ્યું હતું. બાદમાં મુખ્યમંત્રી માન અકાલ તખ્ત સમક્ષ હાજર પણ રહ્યા હતા.
ત્યારે પણ અકાલ તખ્તે તેમના નિવેદનોને ‘શીખ વિરોધી માનસિકતા’ દર્શાવતા હોવાનું કહ્યું હતું અને ચેતવણી આપી હતી કે આવા નિવેદનોથી શીખ સમાજની ધાર્મિક લાગણીઓને ઠેસ પહોંચી છે.
સરકારી લેબ તરફથી જવાબ ન મળતા ખાનગી લેબને તપાસ સોંપાઈ
અકાલ તખ્તે શરૂઆતમાં પંજાબ સરકારની ફોરેન્સિક લેબનો સંપર્ક કરીને વિડીયોની તપાસ કરાવવાનો પ્રયાસ કર્યો હતો. જોકે સરકારી લેબે નિયમોનો હવાલો આપીને જણાવ્યું હતું કે સરકાર અથવા કોર્ટના આદેશ વિના આવી તપાસ શક્ય નથી.
ત્યારબાદ 27 જાન્યુઆરીએ અકાલ તખ્તે બે ખાનગી ફોરેન્સિક લેબોરેટરીઓને તપાસ સોંપી હતી. બંને લેબના અહેવાલો 15 જૂનના રોજ રજૂ થયા બાદ જાથેદારોની બેઠક બોલાવવામાં આવી હતી અને ત્યારબાદ આ મહત્વપૂર્ણ નિર્ણય જાહેર કરવામાં આવ્યો.
કોંગ્રેસે ઉઠાવી રાજીનામાની માંગ
અકાલ તખ્તના નિર્ણય બાદ પંજાબ કોંગ્રેસે ભગવંત માનના રાજીનામાની માંગ કરી છે. કોંગ્રેસના નેતાઓએ જણાવ્યું કે શીખોની સર્વોચ્ચ ધાર્મિક સંસ્થા દ્વારા કોઈ મુખ્યમંત્રીને ‘પંથ વિરોધી’ જાહેર કરવામાં આવે તે અત્યંત ગંભીર બાબત છે.
વિપક્ષનું કહેવું છે કે નૈતિક જવાબદારી સ્વીકારીને ભગવંત માને મુખ્યમંત્રી પદેથી રાજીનામું આપી દેવું જોઈએ. જોકે અત્યાર સુધી મુખ્યમંત્રી તરફથી આ નિર્ણય અંગે કોઈ નવી સત્તાવાર પ્રતિક્રિયા સામે આવી નથી.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
